唔少香港人屋企個雪櫃冰格，都會常備各種急凍肉類、點心或者急凍蔬菜「睇門口」。不過你又有冇發現，有時啲急凍食品擺耐咗，表面會結出一層厚厚的白霜，甚至成包黏埋一嚿？日本綜合食品公司Umios Co., Ltd.專家警告，原來出現呢啲情況代表食物已經變質，強行食用口感極差之餘，更隨時影響健康，大家下次煮食前記得Check清楚啦！
3大不宜食用的急凍食品跡象
日本綜合食品公司「Umios Co., Ltd.」專家提醒，如果發現家中的急凍食品出現以下3種情況，建議最好不要食用：
表面佈滿厚霜宛如「積雪」
如果食物表面覆蓋著一層厚厚的白霜，看起來像被雪掩蓋一樣，這代表食物內部的水分曾經融化並再次結霜，說明食物的品質已經發生變質，不宜進食。
食材黏連結成「一大冰塊」
原本應該是粒粒分明或分開的急凍食品（例如急凍蔬菜、急凍炒飯等），如果因為結霜而完全黏在一起，變成硬梆梆的一大塊，代表食材已經被完全凍壞，同樣建議不要食用。
食物顏色變異（呈黃褐色或泛白）
如果急凍食品的顏色變得暗淡，變成黃褐色或泛白，這表示食物已經嚴重流失水分，處於乾燥狀態（即俗稱的「凍傷」或「雪味」），口感和營養都大打折扣，不應再食用。
點解急凍食品會結霜？
原來，結霜的罪魁禍首是「溫度變化」。當我們經常開關雪櫃門，冰格的溫度便會升高，導致急凍食品出現微細的融化；當雪櫃門關上、食物再次被冷凍時，釋放出來的水分就會凝結成霜，並附著在食物表面。
另外，如果包裝袋內留有空氣，空氣中的水分遇到溫差時，同樣會凝結成霜。雖然將冰格溫度保持在攝氏零下 18 度以下就能避免結霜，但家用雪櫃因為經常開關，其實很難一直維持在這個恆定低溫。
專家教路：4大急凍食品保鮮及儲存貼士
為了防止急凍食品結霜和變質，Umios公司亦提供了以下幾個實用貼士：
1. 買餸次序有學問：最後才放進購物籃
購買急凍食品時要盡量減少其處於常溫的時間。建議在超市購物時，將急凍食品留到最後才放進購物籃；付款後亦應立刻使用冰塊、乾冰或保溫袋包裝，並盡速回家放入冰格。
2. 把握最佳食用期：2至3個月內食完
為了防止結霜和食物凍傷，專家建議急凍食品最好在購買後的2至3個月內食用完畢，不要以為放進冰格就可以「長生不老」。
3. 每次取用要擠出空氣
對於不能一次過食完的食品（如大包裝的急凍西蘭花、粟米等），每次取出所需份量後，必須將袋子裡的空氣盡量擠出，然後密封好並迅速放回冰格。亦可以將它們轉移到密實袋中保存，以隔絕空氣。
4. 絕對不要「解凍後再急凍」
解凍後的食品如果再次冷凍，不僅會破壞食物的組織、令色澤和口感變差，更會導致微生物繁殖，同時也會引發嚴重的結霜和凍傷。因此，急凍食品解凍後應盡快食用，切忌再次放回冰格！
註︰以上資料只供參考，如有疑問請諮詢專業人士。
資料來源：grapee.jp
熱門健康文章
↓【限時搶⚡】moonwell尊貴花膠食療系列養生燉湯↓
↓正宗原條花膠筒｜滋陰養顏↓
Buffet 導「嚐」員招募計畫 🍴✨
↓ 召集Foodies！Buffet 導「嚐」員招募計畫🍴正式開始啦！↓
