精選12+款零失敗蒸煮食譜！香港生活繁忙，想要活得健康，不妨從飲食入手。蒸餸最大程度保留食材原汁原味與營養，而且過程簡單！以下是12道健康簡單蒸餸住家菜食譜，就算是廚房新手都可以超簡單學會，零失敗大家可以放心實踐！
逾12道健康簡單蒸煮食譜
蒸餸食譜｜1. 肉碎蒸水蛋 嫩滑下飯
肉碎蒸水蛋食譜做法簡單，而且用來撈飯絕對是個不錯的選擇，新手快點試試這個蒸水蛋簡易食譜啦！
步驟：
- 加入豉油、胡椒粉、生粉、紹酒醃製豬肉
- 將豬肉落鑊炒至七八成熟
- 發打雞蛋，加入雞湯攪拌均勻
- 蛋液過篩後，倒入已滿豬肉的碟中，大火蒸約8-10分鐘
零失敗貼士：蛋液與水的黃金比例約為 1 : 1.5。蛋液過篩及蓋上保鮮紙是蒸出平滑無孔洞水蛋的關鍵。
蒸餸食譜｜2. 蝦仁豆腐蒸水蛋
蝦仁豆腐蒸水蛋口感滑嫩，蝦仁爽囗。而且含豐富蛋白質，非常健康。簡簡單單的菜式只需15分鐘就有得食，方便又快捷。
步驟：
- 蝦洗乾淨後加入胡椒粉和鹽拌勻
- 豆腐切細粒，放入蒸碟中
- 雞蛋加入鹽和水攪拌均勻，蛋液過篩後倒入碟中，再鋪上蝦仁
- 封上保鮮紙後以中火蒸10-12分鐘，灑上葱花，即成
零失敗貼士： 豆腐會出水，可酌量減少加入蛋液的水份，令成品不易過稀。
蒸餸食譜｜3. 蟲草花雲耳杞子蒸雞
蟲草花雲耳杞子蒸雞是大家常見的菜式，蟲草花和雲耳功效多又有益，這道蒸雞絕對美味之健康！
步驟：
- 蟲草花、杞子及雲耳分別浸15分鐘，然後清洗乾淨
- 雞件清洗乾淨，加入調味料拌勻醃30分鐘
- 把所有材料拌勻，放在碟子上鋪平
- 水滾後，中火蒸15分鐘
零失敗貼士：雞件盡量平鋪，避免重疊，能確保受熱均勻，同步熟透。
蒸餸食譜｜4. 花甲蒸水蛋
花甲蒸水蛋是簡單又極鮮的菜餚，花甲的鮮香配上水蛋更顯滑溜香甜！
步驟：
- 花甲先以鹽水吐沙30分鐘
- 花甲洗淨後，蒸至開口（約4分鐘），然後平放在碟子上備用
- 打發雞蛋，過篩後倒入雞湯，一齊攪拌均勻（蛋漿過篩後蒸出來會更滑）
- 把蛋汁淋在花甲上，蓋上錫紙或保鮮紙，以中火蒸約10分鐘（蓋上錫紙或保鮮紙是防止倒汗水）
蒸餸食譜｜5. 鹹魚蒸肉餅
鹹魚蒸肉餅絕對是大家最耳熟能詳的蒸煮食譜之一，小編從小學開始就起喜歡用它來配飯，絕對是經典配搭！
步驟：
1.將免治豬肉和醃料拌勻，拌至起膠狀態。可以適當拋打豬肉，令肉餅更有口感。
2.將豬肉平放在碟子上，再放上鹹蛋黃。
3.大火蒸10-12分鐘（視乎肉餅的大小和厚薄）。可在煲飯時放到電飯煲中同時蒸更方便！
零失敗貼士： 在醃料中加入少許水，能讓肉餅更多汁。亦可在煲飯時，將肉餅放在蒸架上，飯熟餸熟，非常方便。
蒸餸食譜｜6. 玉子豆腐蒸水蛋
這個玉子豆腐蒸水蛋食譜，加入了雞湯和蟹柳，做法非常簡單，更可個人口味加入其他配料。
步驟：
- 將玉子豆腐切成約12片
- 發打雞蛋，加入清雞湯拌勻
- 把玉子豆腐和蟹柳放到碟中，再過篩倒入蛋液
- 包上保鮮紙，水滾後大火蒸約8分鐘
零失敗貼士：日式蒸蛋火候是關鍵，必須用小火慢蒸，才能避免產生蜂巢狀氣孔，做出布甸般的絲滑口感。
蒸餸食譜｜7. 沙薑蒸雞
沙薑蒸雞是沙薑雞的健康版，製作簡單又更健康，不論上班／上學帶飯都十分適合。
沙薑蒸雞做法
- 將雞切件，葱頭切碎
- 雞用1匙鹽、2匙沙薑粉、葱頭、花雕酒及蠔油醃至少1小時
- 放入滾水，用大火隔水蒸8分鐘即可
沙薑沾醬做法
- 將1匙鹽及2匙沙薑粉放入一個碗中拌勻
- 將油加熱，倒入沙薑粉，並快速拌勻就完成
蒸餸食譜｜8. 蔥油雞
蔥油雞味道經典且送飯一流！一齊睇睇食譜～
步驟：
- 將葱切成葱白和葱花兩部分。葱花切粒備用，而葱白用刀面拍幾下。
- 將少許薑切片用刀面拍幾下，餘下的薑磨成茸後備用
- 將雞用葱白、薑片、鹽及花雕酒醃30分鐘
- 放入滾水蒸10-15分鐘
- 蔥油部分，先將葱花、薑蓉及少許鹽放入一個碗中拌勻
- 將油加熱，倒入蔥油，並快速拌勻
- 蒸完的雞待涼後，就切件完成
蒸餸食譜｜9. 茶碗蒸
茶碗蒸是一道家傳戶曉的日式蒸蛋料理，美味之餘其製作需時亦短，做法簡單。
3人份量材料：雞蛋4隻、香菇6粒、蝦仁3粒、蜆肉12粒、嗚門卷9片、昆布湯粉1包
步驟：
1. 香菇、蝦仁、蜆肉、嗚門卷裝進茶杯備用。
2. 昆布湯粉用250毫升熱水溶解後放涼。
3. 雞蛋充份打發後，與昆布湯混合過篩。
4. 於茶杯注入蛋液至約8分滿。
5. 蓋上微波爐保鮮紙蒸製10至12分鐘，即成。
蒸餸食譜｜10. 蒜香蝦滑貝貝蒸粉絲
蒜香蝦滑貝貝蒸粉絲是15分鐘懶人食譜，其味道口感Q彈鮮味，造型亦十分可愛！
步驟：
1. 沙白浸泡鹽水吐沙洗淨，煮至沙白開口撈出。
2. 起熱油鑊，倒入蒜蓉、辣椒粒、生抽、蠔油、糖炒成醬汁。
3. 將蝦滑與紅蘿蔔粒拌勻，釀入沙白。
4. 排靚蝦滑貝貝，中間放入泡軟的粉絲，舖上醬汁後蒸10分鐘，最後撒上蔥花。
蒸餸食譜｜11. 肉碎粉絲蒸水蛋
肉碎粉絲蒸水蛋是常見家常小菜，滑捋捋的蒸蛋加上啖啖肉碎和粉絲，口感非常豐富！
步驟：
- 粉絲浸至軟身
- 豬肉碎加入鹽、胡椒粉和生抽，醃10分鐘
- 發雞蛋後，加入雞粉拌勻過篩。蛋液加入水、粉絲及豬肉碎拌勻
- 蓋上保鮮紙蒸約15分鐘
蒸餸食譜｜12. 花膠蒸水蛋
花膠蒸水蛋口感水嫩滑捋捋，美味養顏矜貴又滋補，大家不妨一試！
步驟：
1. 滾水落兩片薑，拖一拖發好花膠去腥味，切小件備用。
2. 蛋加入胡椒粉及雞湯發勻。
3.花膠放碟底，再將蛋液過篩，鋪上保鮮紙，中火蒸10分鐘，最後淋上豉油及蔥花即成。
蒸餸食譜｜13. 椰香紅豆糕
香濃的椰汁配上紅豆，這道美味的中式甜品大家一定要試！
步驟：
1. 混合淡奶、椰漿 、粘米粉、粟粉、生抽，過篩備用。
2. 煮熟紅豆備用，亦可用罐頭紅豆取代；紅豆水加糖煮熱，然後倒入麵糊中攪拌均勻 (沒有紅豆水可用清水代替)
3. 倒入模中蒸約30分鐘
4.完成!
零失敗貼士： 熱糖水撞入粉漿時要不停攪拌，避免結塊。糕點必須完全放涼後才切，切口才會平整漂亮。
大廚教路蒸餸通用秘訣
水滾才下鍋
必須等蒸鍋內的水完全沸騰後，才將食材放入，利用高溫蒸氣快速鎖住食材水份和鮮味。
加蓋防倒汗
蒸煮時蓋上保鮮紙、錫紙或留一條小縫，可以防止鍋蓋上的倒汗水滴入，影響餸菜外觀和味道，特別是蒸水蛋。
火候要適中
一般蒸肉類和海鮮用中大火，確保快速熟透；蒸蛋則需用小火，口感才會嫩滑。
-
吹水
1. 蒸水蛋秘笈！🥚✨ 蒸蛋新手必睇！
蒸水蛋睇落簡單，但要蒸到又滑又嫩，記住以下貼士！ 用不鏽鋼碟 首先，蛋同水比例好緊要，最好係 1：1.5。將蛋漿用篩隔一隔，倒入不鏽鋼碟之前，可以喺碟底薄薄搽層油，或者鋪張烘焙紙，咁就唔怕黏底。最重要係，要用保鮮紙包住碟面，或者蓋個碟蓋，防止倒汗水滴落蛋面，搞到「月球表面」咁！ 點用電飯煲蒸？ 飯煲煲完飯，趁入面仲熱辣辣，即刻倒入蛋漿。㩒返「保溫」模式，焗大約 15 分鐘。如果飯煲有蒸功能就更簡單，直接放內膽度蒸。記住唔好開蓋睇咁密，靠餘溫慢火焗熟，咁樣碗蛋先會滑溜冇孔！ 記住呢幾招，包你次次都蒸到塊鏡咁靚嘅水蛋！#熱話 #電飯煲蒸水蛋
閱讀更多
-
吹水
得啖笑 (3) - 蒸水蛋的修行
年輕嗰陣，我以為人生最難嘅決定係「今晚食咩」。而家先至發現，原來真正難嘅係：「點樣令碟蒸水蛋嫩滑過我後生嗰陣塊面」。 蒸水蛋，呢道看似連小學生都識煮嘅家常菜，竟然係我退休後最大嘅挑戰。你可以管過億萬身家、帶過幾十人團隊、供完層樓，但係如果你蒸唔出一碟靚水蛋——你會覺得“唔係呱, 有幾難呀！”。 上個禮拜，我決定挑戰蒸水蛋。上網查食譜，第一個難關就已經想放棄：「蛋水比例1:1.5」。 1:1.5。呢個係咩概念？我成世人都係憑感覺做人，而家要我精確到小数點後一位？我攞住個量杯，對住個碗，開始懷疑自己係咪讀錯科。以前做project management，我哋講「大概」、「差不多」、「應該得」。而家呢隻蛋教我咩叫「科學」。 然後係「過篩」。原來蒸水蛋要過篩，將啲泡同筋濾走。我望住個篩入面嘅蛋筋，突然有種莫名嘅感動——呢啲就係人生嘅雜質，你要學識濾走佢哋，先至可以變得平滑。 跟住係「火候」。食譜話：「大中火蒸三分鐘，用中細火蒸八分鐘，關火焗三分鐘」。我望住個鐘，靠睇住佢一定唔會準確。所以，我特登開咗個計時器。嗰種感覺好奇怪，好似自己變咗實驗室入面嘅科學家，而隻蛋係我嘅實驗品。 太太行過嚟問：「你做緊咩？」 我話：「我而家喺度等緊隻蛋熟。」佢望住我，眼神入面有好多問號，但係又唔敢問出口——因為佢知道，退休人士有時間做啲無聊嘢，係一種權利。 最荒謬嘅係，當我小心翼翼地打開個煲蓋——發現碟水蛋表面佈滿咗一個個月球隕石坑。 「點解會咁？」我大喊。我明明跟足食譜，點解會變成咁？我上網查「蒸水蛋 表面唔平滑」，發現原來係因為我「開蓋開得太急」，啲蒸汽走得太快，表面就縮咗。 呢個就好似人生咁。你越係緊張，越係想控制，結果就越係唔似預期。隻蛋就好似我哋嘅人生——你要畀佢慢慢熟，唔好急住揭開個蓋，唔好急住睇結果。 我第二日再試。呢次我學精咗，用保鮮紙封住個碗，喺上面拮幾個窿等蒸汽走。計時器響嗰陣，我深呼吸，慢慢打開個蓋——靚到我自己都唔信。 嗰刻，我影咗張相放上WhatsApp家庭群組。阿女秒回：「daddy你而家得閒到研究蒸水蛋？」我望住句message，諗咗好耐先至諗到點覆：「呢個唔係得閒，呢個係修為。」 蒸水蛋教識我恰到好處先係最高境界。太多水會散，太少水會實；火太大會老，火太小會生。人生都係咁——你要學識平衡，學識等待，學識喺適當嘅時候停手。 隻蒸水蛋，表面平滑如鏡，食落嫩滑如豆腐。我舀一羹入口，突然有種感動——呢個就係我人生而家想要嘅狀態：表面雲雲靜靜，內裡溫柔細膩。 唔需要山珍海味，唔需要米之蓮。退休後，一碟自己蒸嘅水蛋，加少少豉油，就係完美嘅一餐。 #中年唔易做 #得啖笑 #蒸水蛋哲學 #退休修為 #恰到好處嘅人生 #簡單先至係最難 #一隻蛋教識我哋嘅事 #退休人士有權得閒 (此文章由U Blog 同步發佈至社群)
閱讀更多
-
吹水
## 唔想食味精？😋 自己煮雞翼啦！🍗
平時外出吃飯味精多 間中煮下飯仔😁 雞翼是最常煮 亦很多配搭有時豉油雞翼､蜜糖雞翼､牛油雞翼 但小心雞翼也會容易煎燶 蒸水蛋🥳 炒蜆簡單😬 #自煮生活#自煮晚餐#自煮日常#sanrio同你拜年
閱讀更多
