仙氣美女廚神都推介！豆腐豆漿變出滋味年菜 新年一樣食得健康

每到農曆年總係餐餐都大魚大肉，好易食滯兼油鹽超標！有無諗過其實新年一樣可以食得豐富得嚟又健康？只要揀啱食材，加埋無限創意，輕鬆就做到每餐都有益又好味。到底邊種食材咁百變之餘，唔貴、有營養又好食？答案其實一直喺身邊——豆類製品如最常見嘅豆腐同豆漿，都含有超豐富營養，又可以創作無限菜式，一齊用豆腐豆漿整返幾味，同家人過一個健康又有口福嘅新年啦~

豆腐豆漿夠百變  苟芸慧拍片教賀年食譜

如果有睇近來大熱嘅韓國烹飪節目，都應該見識過豆腐嘅變化同用途之廣係幾咁驚人，雖然一般人未必有星級大廚咁厲害，但豆腐同豆漿一直以來都係相當常用嘅食材，喺冬天更尤其啱食，因為打邊爐同整鍋物都常常用到呢兩款食材。近年醉心鑽研廚藝嘅苟芸慧最近都拍片教大家煮豆品賀年食譜— 財源滾滾豬肉豆腐鍋，睇落易整又惹味，新年煮畀家人食就最窩心：

除咗打邊爐同鍋物之外，傳統賀年菜中仲有金銀滿屋(瑤柱扒豆腐)、百花釀豆腐、老少平安(魚肉蒸豆腐)、紅燒豆腐、椒鹽豆腐都係以豆品為主角，加啲創意絕對可以變出更多唔同款式，好似金銀蒸煮豆腐魚片、咕嚕豆腐魚肉角、豆腐黃金蝦餅等等。不過無論點變，最重要都係食材本身夠高質，一件香濃嫰滑嘅豆腐就算只係簡單調味都可以讓人胃口大開。

有機大豆豆香濃郁 非基因改造最安心

選用一級有機大豆製造嘅維他奶山水有機豆腐系列同有機鮮豆漿系列，就係令人安心又方便隨時買得到嘅美味之選，山水有機豆腐系列更加係獲美國USDA有機認證嘅有機豆腐，由原材料、種植、處理到生產，每個細節都要符合美國農業部(USDA)嘅一系列有機準則，製作嚴謹。原材料選用非基因改造一級有機黃豆，種植過程不施用化學肥料及農藥，保護環境及自然生態嘅同時，食落肚亦特別安心。而一級有機黃豆嘅質量、色澤同水份都係屬於最高級別，加埋喺香港鮮製石磨，帶來更香濃細緻嘅豆味，仲要不添加防腐劑，以天然滋味守護各位嘅健康。

豆製品到底有咩好處？大豆天然含有優質植物蛋白質，有助肌肉成長及細胞修復，同時易於消化同吸收，唔單止係素食者嘅主要蛋白質來源，仲適合關注健康及體重的人士。單係用豆品嚟取代高脂肉類就可以幫助減少攝取卡路里，豆腐的卡路里比免治肉低80%#，補充蛋白質同時又唔洗驚卡路里超標，更含有豐富鈣質幫助骨骼健康。大豆製品不含膽固醇及動物脂肪，而且低飽和脂肪，當中大豆蛋白及不飽和脂肪酸更有助於降低膽固醇，適合護心飲食。大豆製品亦含有大豆異黃酮抗氧化素及其他有益的植物成份，因此大豆被選為美國癌症研究所推薦的19種抗癌食品之一^，所以多吃大豆製品，例如豆腐及豆奶對身體唔同部分都各有好處。

多款口味適合不同菜式用途 限時優惠超抵價入手

山水有機豆腐系列同有機鮮豆漿系列分別各有不同配方，適合唔同喜好、場合同用途。有機豆腐系列由最嫩滑嘅蒸煮嫩豆腐 、煎釀滑豆腐、到最硬身嘅硬豆腐，照顧咗蒸煮、製作冷盤、煎、釀、打邊爐同炸等唔同烹調方法。而有機鮮豆漿系列就有原味、高鈣低糖、無添加糖及低糖黑豆四個口味，分別對關注強健骨骼及牙齒、糖分攝取、以及對黑豆抗氧化特性有興趣嘅人士而設。

想食得健康輕負擔？由即日起至2月6日到指定超級市場，就可以優惠價$14 購買 2件維他奶山水有機黃豆煎釀滑豆腐(350克) 或 蒸煮嫩豆腐(350克)，平均一盒$7，勁抵買！立即掃返幾盒返屋企煮番個好意頭嘅賀年菜啦！

了解更多：https://www.vitavitasoy.com/tc/product/sansui

*維他奶山水有機硬豆腐於新加坡製成
#根據維他奶山水豆腐的熱量計算，維他奶山水豆腐每100克含有48-55千卡。免治豬肉(72%瘦肉，生) 每100克含有314千卡 (資料來源:香港食物安全中心)。
^American Institute for Cancer Research. Soy [Internet]. Available from: https://www.aicr.org/cancer-prevention/food-facts/soy/

Source: 維他奶山水