近年好多港人都鍾意喺網購平台買日常用品，估唔到連新鮮生果都有得「淘」！最近有網民喺Facebook群組分享自己喺淘寶購買巨型大樹菠蘿（菠蘿蜜）嘅經歷，雖然價錢平到笑，但就引嚟大批網民留言，擔憂夏天集運生果會有嚴重的食品安全隱患！
港男$75淘40斤大樹菠蘿 超重獲「免費送上門」
日前，有港男在Facebook群組「拼多多 京東 淘寶開心share」發文，詢問「有冇人鍾意食大樹菠蘿？」。事主分享自己以大約港幣$75的價錢，買了一個「最大size」的大樹菠蘿，而且享有包郵優惠。最最令事主感到驚喜的是，他原本選擇在自提點取貨，但由於這件貨物實在「嚴重超重」，物流公司最後竟然免費為他更改服務，直接將這個巨型水果送上門！
根據事主上載的訂單截圖，他購買的「海南菠蘿蜜」標示重量為 30 至 32 斤。不過，當事主將收到的大樹菠蘿放上電子磅一量，重量竟然顯示為20.35 公斤（即超過40斤）！不少網民都留意到這個誇張的重量差距，紛紛留言驚呼：「你落單係 30-32 斤，但我見你實際稱重居然有40斤？重咗咁多啊！」同時，亦有網民對集運機制感到好奇，詢問是否只要貨物超重，物流就會默認免費改送上門。
↓點擊圖片放大↓
網民列兩大隱患勸退：隨時食物中毒！
雖然事主覺得這次網購體驗「抵到爛」，但不少網民看完卻「戥佢牙煙」。大家普遍認為，使用普通集運來運送生鮮食品，風險其實極高，並列出以下 2 大隱患：
↓點擊圖片放大↓
- 高溫發酵極易變質： 普通集運物流完全缺乏溫度調控。有網民直言：「物流過程喺呢啲天氣好易焗到爛，之後就會漏水」。網民補充，生果一旦發酵漏水，不僅會弄污甚至損毀其他人的貨物，吃下肚更會影響健康，強調正常運送生果必須要有嚴格的冷鏈溫控。
- 與不明貨物混運極唔衛生： 集運車廂內裝滿來自四方八面的不明貨物。有網民警告：「同你一齊運貨嗰啲，可能係化學物料、建築物料，甚至過期物料！」網民形容，這些生鮮食品會與各種雜物一起塞在溫度高達60至70度的酷熱車廂內，再長途跋涉集運到買家手上，衛生情況絕對堪憂。
【即看更多網民留言】
↓點擊圖片放大↓
延伸閱讀：
資料及圖片來源：Facebook@「拼多多 京東 淘寶開心share」
該名港男在淘寶購買的大樹菠蘿，實際重量遠超訂單標示，超出了集運的重量限制，物流公司因此免費將貨物直接送上門。
網民擔心集運過程缺乏溫度調控，生鮮水果易變質、發酵，影響食品安全。同時，水果可能與不明貨物混運，衛生堪憂。
