尖沙咀Omakase推出無限追加壽司 第2位半價！日本生蠔／馬糞海膽杯

_johnnyccccc_

日式料理

遖 Sushi Apare

尖沙咀Omakase🤩！香箱蟹🦀！

每次食廚師發板都可以體驗到師傅對食材嘅心思,由選料到味道,都一絲不苟,喺尖沙咀嘅｢遖｣都唔例外,每道菜式都令人驚艷,$1680有20道菜都算公道,最重要係有成隻香箱蟹食😍 ————————— 先付:京都豆皮配赤海膽,豆味濃郁加埋鮮甜creamy嘅海膽,口感豐富到不得了!櫻煮八爪魚爽口彈牙,點埋少少柚子胡椒,清新得嚟又開胃 ————————— 刺身:北海道厚岸真蠔,肥美多汁唔使講啦,加埋高湯啫喱,個鮮味即刻double咗!北海道白象拔蚌&粒貝,本身爽脆到冇得輸,加少少柚子鹽同竹炭鹽,味道層次即刻出晒嚟,仲有燒象拔蚌邊微焦香口,成個組合好精彩,剝皮魚肉質好細緻,配埋個芽蒽肝醬真係幾有驚喜,濃郁得嚟又唔會蓋過魚味 ————————— 熟食:煎白子,外皮微焦,裡面creamy,味道香濃又完全唔腥,超好食;慢煮鮟鱇魚肝, 入口即溶,配埋白瓜同奈良漬,清甜爽口,平衡咗魚肝嘅濃郁,呢個配搭真係好有心思;磯煮鮑魚,煮到啱啱好彈牙有嚼勁,點埋佢個肝醬真係香到呢,好惹味————————— 最期待嘅 香箱蟹登場!蟹膏鮮甜到爆,配埋酸酸地嘅蟹醋啫喱平衡口感,仲有炸到脆卜卜嘅澤蟹仔,真係好滿足! ————————— 壽司有7款,自己比較鍾意赤海膽拼馬糞海膽,赤海膽creamy鮮甜,馬糞海膽就濃郁啲,兩種海膽口感同味道都好豐富;大拖羅,一放入口就溶晒,魚脂香濃到爆! #日本菜#OMAKASE#社群生日快樂#xmasmoments

Hannalam20

擦餐勁

自從開關之後,去開日本都會尋找好食嘅OMAKASE 不過始終唔係成日去旅行,特別節日我都鍾意喺香港搵好食嘅OMAKASE來慶祝🥢 係位於尖沙咀鬧市區的廚師發辦-「遖」, 門口位置有一條小石路,裝潢以木系為主,突顯日本風格,餐廳環境寬敞,乾淨企理,令我用餐時感到舒適! 走到座位有熱情的店員招呼,個人物品可攞放安全嘅位置!而那一天晚上,由一位熱情的師傅製作料理, OMAKASE劃分了兩款不同價位的套餐, 人均由$1380起🥢當日我們品嚐的是「遖」夜の御品書, 我同HM爸就分別享用兩個套餐,分別是 “Entree 6 Kinds • Sushi 7 pcs • Sushi Roll • Steamed Egg Custard•Soup • Dessert’’$1380 & ‘’Entree 8 Kinds • Seasonal Dish • Sushi 7 pcs • Sushi Roll•Steamed Egg Custard • Soup • Dessert”$1680 ❁ 烤鱈魚片 配微辣沙律醬 ❁煎白子魚 ❁海膽豆腐·用上赤海膽及天使蝦 ❁鮟鱇魚乾 配西瓜仔奈良漬 及磯煮八爪魚 配柚子胡椒 ❁兵庫縣大船渡 赤崎真蠔 配香印青提 、高湯啫喱 ❁秋刀魚 配秋刀魚肝醬、茗荷芽葱豉油、紫蘇花穗 ❁ 北海道燒象拔蚌配竹炭鹽、柚子鹽 、青檸啫喱 ❁ 剝皮魚 配剝皮魚肝醬 ❁ 清酒煮鮑魚 配鮑魚肝醬、桃汁浸蕃茄 ❁ 香箱松葉蟹 配蟹籽蟹膏、配蟹醋 ❁ 新鮮北寄貝 ❁ 平川赤海膽 ❁ 錫烏賊 配有海膽 ❁ 關池魚 配葱蓉 ❁熟成鰤魚腩 配紫菜醬 ❁ 熟成大拖羅 ❁ 燒右口魚邊 ❁ 蟹肉茶碗蒸 ❁ 魚湯, 飲落暖笠笠 ❁北海道雷電蜜瓜 ·日本紅豆抹茶布甸 呢餐非常之豐富,Omakase晚餐,每一道菜都好精緻美味,食材夠哂新鮮! 有些菜式會有唔同嘅醬汁/或者調味料,配搭得好夾! 由一開始食到海膽豆腐,煎白子魚,2者都有滑順口感,令我期待下一道菜色!其中有幾道菜式印象深刻!包括係鮟鱇魚乾配西瓜仔奈良漬嗰道菜式,本身佢係日本係一個高級嘅食材,又青海底界嘅鵝肝!佢嘅口感入口順滑,細嚐之下慢慢溶化,佩師傅特製嘅西瓜仔奈良漬,味道同口感再進入多一個層次！ 仲有秋刀魚擺成葉子形狀,非常之吸睛!旁邊擺放紫蘇花穗,原來每片秋刀魚再加一粒紫蘇花穗一齊食係好夾㗎!食到魚香之餘仲有紫蘇香味!師傅仲特製咗秋刀魚肝醬同茗荷芽葱豉油,味道再豐富一點! 最震撼嘅係平川赤海膽,師傅拎岀嚟放上紫菜好似不計成本咁俾我哋😆拎上手嘅時候,感覺到有些重量🤭好滿足,食落去海膽好新鮮Creamy,又好鮮甜!食完之後好想食埋HM爸手上面嗰份! 另外令我深刻嘅係仲有燒右口魚邊,我師傅向左口魚片拎住火槍燒,睇到🤤,食落口即時感覺到佢溶化,而且真係燒得好香口! 北海道雷電蜜瓜同紅豆抹茶布甸作為甜品,為你一餐做咗一個甜蜜嘅結尾! 呢次嘅用餐我哋真係大滿足呀! Omakase價位合理,看見餐廳用方法確保食材新鮮,食材配搭上別有一番心思,差不多到尾聲的時候時,旁邊兩位女生,原來是慶祝生日!店員捧着蛋糕,播着生日歌,氣氛很不錯!下次都可以帶朋友來慶祝生日🤭 #omakase #廚師發辦 #尖沙咀 #尖沙咀美食 #日本料理 #精緻茶聚

asheryuen2019

日式料理

$498/位 灣仔高性價比Omakase🍣

灣仔謝菲道嘅彩羽壽司，午市Omakase只需$498，包括沙律、茶碗蒸、4款刺身、8貫壽司、手卷、玉子燒、味噌湯同甜品，份量十足！🍣 師傅全程席前製作，刀功同火炙煙燻技巧一流，食材新鮮時令，好似鮟鱇魚肝泡芙同大分縣生蠔配黑松露酸汁超驚喜！👍🏻 加$125可追加招牌彩羽太卷，北海道根室海膽配吞拿魚、白石青瓜同醬油漬蛋黃，味道濃郁層次豐富。😍 甜品可加$48換日本天然水刨冰，綿密口感配巨峰提子醬同奶蓋，完美ending！😋 彩羽壽司 地址：灣仔謝斐道151-161號金聲大廈地下A號舖 #日本菜#OMAKASE #彩羽壽司#灣仔美食#香港美食#廚師發辦#OmakaseHK#HKFoodie#香港日本菜#性價比高#SushiLover#週末好去處#香港探店#打卡美食#彩羽太卷#日本料理