朱古力控注意啦!香港富麗敦海洋公園酒店今個冬天為大家帶來終極甜蜜驚喜!酒店不但從悉尼引入引發熱烈迴響的皇牌甜點「32層朱古力蛋糕」,更於星耀廊同步推出冬季限定「朱古力匠藝下午茶」,將經典朱古力元素巧妙融入鹹甜美饌之中。即睇詳情及早鳥優惠,準備約班friend去望住海景歎下午茶啦!
悉尼傳奇名物!匠心純手工「32層朱古力蛋糕」
「32層朱古力蛋糕」由悉尼富麗敦酒店甜藝團隊研發,在當地推出後迅速成為城中熱話!香港團隊完美傳承這份精湛工藝,嚴格選用優質法國頂級可可品牌Valrhona製作。蛋糕由醇厚的Valrhona Hukambi 53%朱古力忌廉,配上浸滿香醇咖啡液的朱古力海綿蛋糕,再夾雜帶有榛子香與圓潤牛奶口感的Valrhona Azelia朱古力醬鮮忌廉,呈現出如絹絲般順滑的口感。
整整32層的黃金比例絕對是心機之作!為了確保完美口感與俐落切面,每鋪設兩層就需要放入冷凍庫定型,足足無縫重複16次嚴苛工序,才能做到剖面分明、口感綿密細緻的極致效果。凡於2026年11月30日前預訂或蒞臨堂食,即可享8折優惠(換領及自取有效期長達6個月),想試的朋友記得趁早預訂!
富麗敦酒店32層朱古力蛋糕早鳥優惠
冬日打卡必食:朱古力匠藝下午茶
除了皇牌蛋糕,星耀廊亦於11至12月推出期間限定的「朱古力匠藝下午茶」!適逢2026年香港及澳門比利時週,酒店特別向比利時德爾菲娜公主(Princess Delphine de Saxe-Cobourg)的個人畫展致敬。廚藝團隊巧手將公主的三幅傑作轉化為精緻的朱古力飾片,點綴於奉送的比利時GODIVA熱朱古力之上,藝術感滿分,打卡一流!)
甜點陣容超級豐富,除了有迷你版皇牌32層朱古力蛋糕外,仲有一系列以比利時朱古力炮製的甜品,包括:
- 72%特濃黑朱古力慕絲配朱古力忌廉蛋糕
- 白朱古力甘納許配菠蘿香蕉果蓉
- 士多培梨醬紅寶石朱古力慕絲
鹹點方面同樣充滿驚喜,大廚巧妙運用朱古力提鮮,精選前菜有煙三文魚青瓜他他及鵝肝慕絲多士;主菜更備有和牛肉串、虎蝦蘑菇酥盒或黃鰭吞拿魚(任選一款)。配搭經典的香橙與原味英式鬆餅佐自家製榛子朱古力醬,伴隨港島南岸的壯闊海景,絕對是完美的冬日午後享受。
香港富麗敦海洋公園酒店 - 星耀廊「朱古力匠藝下午茶」
日期: 2026年11月9日至12月31日
時間: 每日下午3時至5時30分
地點: 香港富麗敦海洋公園酒店1樓星耀廊
價錢: 兩位$798(另設加一服務費)
飲品: 奉送比利時GODIVA熱朱古力,亦可選優質咖啡或JING精選茗茶
人氣餐廳排名
-
🍫極致濃郁核桃朱古力撻!
(私心推介)朱古力控絕對不能錯過!🍫✨ 今日開箱 W Hong Kong 嘅核桃朱古力撻! 無論係精緻嘅包裝定係蛋糕本體,造型都做好靚,頂層仲有精緻嘅朱古力花紋裝飾,打卡超靚~😍 嚴選 Valrhona 72% Araguani 朱古力製作,超級濃郁! 搭配自家製脆厚撻皮底、朱古力蛋糕底,仲有香滑嘅核桃忌廉餡! 切開仲係真正嘅流心效果,口感極之軟心豐富~ 每一口都充滿住濃郁苦甜嘅朱古力滋味、酥脆嘅撻皮口感,以及核桃忌廉餡嘅堅果奶香,層次感超豐富!🎉 (記得提前3日預訂呀~) 💰 參考價格:$408 一磅 📍香港 W 酒店 九龍柯士甸道西1號 {{hket:campaign display="一齊eattofit"}}{{/hket:campaign}}
閱讀更多
-
勁勁,勁好食嘅CD蛋糕🤭🤭🤭🤭
超級推介港島香格里拉56樓的法國餐廳Petrus,佢最最最最出名就係黑膠唱片形狀朱古力蛋糕,朱古力味超級濃厚,真係食過返尋味,就算唔係好鍾意食朱古力嘅都可以去試吓,一個人應該食到半個,因為完全唔肥膩,口感唔錯。 {{hket:campaign display="自己蛋糕自己整"}}{{/hket:campaign}}
閱讀更多
-
超級推介港島香格里拉56樓的法國餐廳Petrus,佢最最最最出名就係黑膠唱片形狀朱古力蛋糕,朱古力味超級濃厚,真係食過返尋味,就算唔係好鍾意食朱古力嘅都可以去試吓,一個人應該食到半個,因為完全唔肥膩,口感唔錯。 #自己蛋糕自己整
閱讀更多