最近多間意粉店彈起，店外長期大排長龍之餘亦在網上掀起熱烈討論，其中位於上環的「Sofi Pasta Co.」就是其中一間開業已吸引大批食客的人氣食店，最近更推出全新Menu，可以試到爆紅QQ意粉！另外也有和牛肉醬闊條麵、卡邦尼麻花捲粉、焦糖香蕉磅蛋糕、紅茶心太軟及烏龍奶蓋巴斯克等，即睇詳情：
Click圖睇「Sofi Pasta Co.」推薦菜式+詳細Menu：
「Sofi Pasta Co.」位於上環，樓高兩層，樓下提供少量單人座位，樓上則有更多空間，以木系枱凳及暖色燈光打造舒適氛圍。
「Sofi Pasta Co.」全新Menu登場，更可以試到網上爆紅的捲捲意粉！黑松露蘑菇捲捲粉用上白菌、蘑菇、大啡菇、一款較清爽的黑松露醬以及一款濃郁黑松露醬，充滿豐富菌香，不過忌廉味都頗濃，食到最後可能會稍膩。而捲捲意粉食落口感類似好粗的韓式公仔麵，軟硬適中又掛汁。
巴馬臣芝士和牛肉醬闊條麵味道酸甜開胃，闊條麵麵身有驚喜，反而比起捲捲意粉更有咬口。卡邦尼煙腩肉麻花捲粉賣相夠邪惡，有三塊厚切煙腩肉，肥瘦適中而且表面煎香過激發香氣，食落好滿足！
都有不少網友認為餐廳的甜品甚至比起意粉更出色，小編私心推介紅茶心太軟伴檸檬雪糕，中間有爆漿流心效果，而且整體茶味超濃厚帶少少回甘，再搭配微酸的檸檬雪糕平衡茶澀感。烏龍奶蓋巴斯克蛋糕口感順滑，奶蓋綿密，如果烏龍茶香加濃會更佳。焦糖香蕉磅蛋糕配自家製咖啡牛油外層微微焦脆，中間濕潤更有咖啡香氣。
Sofi Pasta Co.
地址：上環文咸東街6號地舖
營業時間：星期一至五：10:00-20:45；星期六至日：10:30-20:45；break time : 15:00-17:45
訂座電話：6975 6763 *只接受晚市訂座
人氣餐廳排名
U Lifestyle App送您QOLLABS升級版「大餐救急丸」！
↓ All in one全面阻隔燃脂↓
↓【限時搶⚡】moonwell尊貴花膠食療系列養生燉湯↓
↓正宗原條花膠筒、珍貴中藥材↓
-
打卡熱點
最近網紅推介上環嘅Sofi Pasta Co, 所以趁放假就同屋企人去試下，果然係超級多人排隊，排左個半鐘先入到去。 我地試左好幾款菜式，特別想推介呢3款比大家： 1️⃣經典卡邦尼煙腩肉麻花捲粉🍝 卡邦尼煙腩肉嘅烤味好突出，帶有鹹香，一啲都唔肥膩，麻花捲粉充滿芝士，每一條都煙韌可口。 2️⃣ 法式焦糖吐司🍞 吐司厚度十足，烤得外脆內軟，蛋味香濃，口感似麵包布丁，配上檸檬味雪葩非常特別，味道非常清新醒胃。 3️⃣ 開心果巴斯克蛋糕🍰 質感軟滑，開心果味香濃。有雙重層次質感，上層嘅軟滑開心果芝士醬非常細緻，下層嘅巴斯克蛋糕半熟嘅口感有厚度，兩個層次加埋就真係perfect match! #糭糭心意
閱讀更多
-
打卡熱點
Sofi PASTA Co.
🇭🇰上環爆紅手工意粉店 用心打造每一道風味✨
|炙燒柚子左口魚蒜香欖油意粉 香氣十足 左口魚炙到微焦 入口油香同魚香融合得好好🥹 連意粉都索晒浸味🤤 不過柚子味反而唔係好出 俾蒜香同橄欖油味蓋過咗~ |麻麻辣辣虎蝦飲管粉 辣度啱啱好 唔會太刺激但夠惹味🌶️ 虎蝦爽口彈牙 飲管粉稍為粗身 煮得啱啱好al dente 而且掛汁力強 每啖都好入味🫣 |黑松露蘑菇捲捲麵 黑松露香滑濃郁 蘑菇粒粒香氣爆滿🍄 捲捲麵口感彈牙又有咬口 果然係招牌菜🤓 |荔枝烏龍梳打 荔枝香同烏龍茶味平衡得好 唔會太甜😋 |芒果熱情果梳打 帶少少酸香 好醒胃 配意粉啱晒🤭 |冰拿鐵 咖啡味順滑 奶香濃郁 唔會苦☕️ |烏龍奶蓋巴斯克蛋糕 質感綿密 奶蓋鹹香中帶茶味 唔會苦澀又唔會太甜🍰 #我的打卡地圖#UCreator#打卡美食#好去處#全新景點#chill#虎蝦飲管粉#黑松露蘑菇捲捲麵#香港意粉#sofipastaco
閱讀更多
-
西式美食
Homeland 旺角店
旺角新寵！畫碟靚到暈😍 #好西 #姊妹淘
好姊妹又約我食好西☺️今次嚟到旺角Homeland 好姊妹話見到人介紹畫碟好靚,所以一早book定嚟朝聖; 估唔到今餐飯真係極致享受,結合咗香濃､鮮味､豐富口感😋仲有視覺美感🤣 入嚟一坐低店員即刻介紹呢個每日限量嘅 蘭王松露煙腩卡邦尼QQ捲捲意粉 $158 從未見過呢啲,一捲捲一條條,好可愛嘅意粉🤣 QQ捲捲意粉口感彈牙,煙腩夠鹹香,松露味濃郁,每一啖都好有層次感,小朋友都好啱食 滋味小食拼盤 $138 拼盤提供多款滋味選擇,包括有炸雞､炸魚､芝士薯條､炸蠔,一次過可以試晒幾款小食👍🏻 地中海風鮮大蜆青口配酸種麵包 $158 (必食) 青口好大隻,好鮮甜,蕃茄香草味帶dd辣汁,用嚟點酸種麵包好正👍🏻 黑松露牛肝菌蘑菇湯 $58 (必食) 上枱熱辣辣,好香松露味😋 好creamy,配上1塊多士,perfect 👍🏻 明太子雪山芝士炸薯條 $88 薯條即叫即炸,炸得好香脆,芝士醬&明太子嘅鹹鮮味完美融合,飲啤酒啱晒😋 無花果焙茶奶蓋巴斯克軟心蛋糕 (半件) $118 (必食) 唔會過甜,味道啱啱好👍🏻焙茶嘅香氣帶出獨特風味,最後食呢個甜品可以balance 返薯條嘅熱氣🤣 最突出就係我朋友之前book 枱時request 定嘅畫碟,朋友鍾意三眼仔🤣 上邊仲寫住’Work Life Balance’ 真係要好好提醒自己,定時都要 Work Life Balance ☺️💪🏻 蛋糕配上仙女棒,仲有即影即有相,真係好有氣氛☺️啱晒慶祝､打卡☺️👍🏻 除咗無花果焙茶奶蓋巴斯克軟心蛋糕,原來佢哋仲有其他全新口味嘅巴斯克蛋糕,份量 & 口味大升級($118/ 半個,$208/全個) 🍰林酒提子奶蓋巴斯克芝士蛋糕 🍰杜拜朱古力奶蓋巴斯克芝士蛋糕 下次再食過😋 Homeland 📍地址:旺角彌敦道726號19樓 @homeland.kitchen #homelandkitchen#HKCAFE#西餐廳 #foodieHK#高質#旺角#旺角美食#香港美食#生日飯#打卡#慶祝@media.vas
閱讀更多
