屯門美食 | 屯門市廣場美食 | 逾五十年歷史的粵菜老字號「神燈海鮮酒家」及概念品牌「神燈會館」有新搞作!今個秋冬強勢推出全新「得獎名菜品鑑菜單」,主打榮獲「亞洲100盤」殊榮的黑松露玻璃燒鵝,,皮脆肉嫩仲有濃烈松露香!同場加映黑松露炒肉蟹、黑松露燒鵝腸粉及生煎包等深色系美饌!記者今次親身去到現場試食,發覺不但菜式極具創意,屯門「神燈會館」更全面升級了特大兒童 Play Corner可以免費任玩!!即睇記者最真實的試食報告及搵食攻略:
記者直擊實試:神燈海鮮酒家得獎名菜品鑑菜單
想以親民價錢享受極具水準的得獎粵菜,同時尋找親子友善的家庭聚餐好去處?U Food記者今次來到擁有逾五十年歷史的粵菜老字號「神燈海鮮酒家」及其概念品牌「神燈會館」,為大家實測試食全新推出的「得獎名菜品鑑菜單」。這張菜單以榮膺「亞洲 100 盤」殊榮的招牌黑松露玻璃燒鵝為核心,延伸出多款深色系美饌,更令人驚喜的是,屯門「神燈會館」的兒童遊樂設施迎來了全面升級,絕對是週末家庭聚餐的首選!
記者首推必食一:榮獲【亞洲100盤】黑松露玻璃燒鵝
這道鎮店名菜「黑松露玻璃燒鵝」絕對是全場焦點。記者實測試食,發現其如玻璃般的鵝皮極度脆爽,鵝肉鮮嫩軟滑,深層滲透著黑松露精華。鵝肉脂香甘美而不油膩,蘸上隨附的黑松露酸汁,酸甜解膩,難怪能獲得大會評委的高度評價。
必食推介二:秋冬暖身限定:魚羊鮮(推廣至2027年1月下旬)
這道滋補菜式(HK$598)嚴選20至23斤、羊羶味輕且羊脂甘香的嫩羊,專取其「蝴蝶腩」部位,配以新鮮鯽魚大火熬出的奶白濃魚湯慢火燉煮。魚鮮完美中和了羊羶,入口先嘗濃郁魚鮮,隨後羊香爆發,雙重疊加的鮮味極度暖身!
必食推介三:極致惹味「黑鑽松露炒肉蟹」
這道菜將西式黑松露與中式熱炒完美結合。廚師貼心地將大肉蟹的蟹殼預先拍裂,讓濃郁的黑松露醬汁徹底滲透飽滿的蟹肉。記者認為黑松露獨特的菌香非但沒有搶味,反而更襯托出蟹肉本身的鮮甜,盤底的松露蟹汁精華更吸入鳥冬。
必食推介四:創新深色系手工點心-黑色版黑松露燒鵝生煎包
點心方面同樣充滿驚喜。換上型格黑色外皮,內餡釀入鎮店的黑松露燒鵝。一口咬開,外皮酥脆,充滿甘香燒鵝肉汁,絕對是「爆汁」之選!
必食推介五:創新深色系手工點心-黑色版黑松露燒鵝腸粉
而黑色版黑松露燒鵝腸粉則完美鎖住鵝油甘香,搭配秘製黑松露醬,油而不腻。
必食推介六:原條煎釀鯪魚
原條煎釀鯪魚是傳統的粵式名菜,是坊間越來越少有的懷舊菜式。其製作過程非常繁複,需要精湛的刀工將魚肉及魚皮分開,起出的鯪魚肉成蓉後再混合蝦米和豬肉等等,經調味後再釀回魚皮煎香,是一道充滿心思及用時間堆砌的美食!
必食推介七:黑白鴛鴦芝麻糕
最後必點黑白鴛鴦芝麻糕,黑色部分佈滿芝麻碎末,白色部分透出清香椰奶味,口感冰涼滑順,為盛宴畫上完美句號。
<<按下圖查看其他菜式>>
同場加映:爸媽必去!屯門店升級特大免費「兒童 Play Corner」
對於帶小朋友外出食飯的家長來說,這絕對是最大亮點!除了品嚐美食,位於屯門的「神燈會館」更將兒童天地全面升級。全新遊樂空間齊備超吸睛旋轉及直滑梯、雙層攀爬小城堡以及波波球池。護欄及接觸邊角均採用無縫防撞軟墊,每日定時消毒清潔,安全衛生。最重要的是,凡於神燈會館堂食惠顧之顧客,隨行幼童均可免費享用遊樂設施,讓家長能安心享受美食!
- 設施豐富:場內齊備超吸睛的旋轉及直滑梯、雙層攀爬小城堡以及波波球池,小朋友絕對玩到唔捨得走。
- 安全衛生:護欄及所有接觸邊角均採用防撞軟墊全方位無縫包覆。場地每日會定時暫停開放以進行消毒清潔(下午16:30-17:30 及 晚上21:30-22:00)。
- 免費任玩:凡於神燈會館堂食惠顧,隨行幼童均可免費享用遊樂設施(開放時間為上午10:30至下午16:00,及晚上18:00至晚上21:30)。小朋友放電,家長終於可以安安樂樂歎茶食飯!
神燈會館及神燈海鮮酒家餐廳資料
- 神燈會館(屯門店):屯門屯順街1號屯門市廣場1期3樓3230號舖(設有兒童 Play Corner)
- 神燈海鮮酒家(佐敦店):佐敦長樂街20號18廣場地下及1樓
- 神燈海鮮酒家(銅鑼灣店):銅鑼灣登龍街18號V Point地庫
- 神燈海鮮酒家(尖沙咀店):尖沙咀漢口道亞太中心B1層
人氣餐廳排名
-
🌕✨ 中秋團圓飯|大人細路都滿足嘅中秋晚餐 🏮
今年中秋同屋企人去咗神燈會館慶祝,呢度最貼心嘅係竟然有個兒童小天地遊樂區!小朋友喺等上菜嘅時候可以盡情放電,大人又可以放心坐低飲茶傾計,真係家庭聚餐嘅加分位 👶👏 今餐點嘅菜式全部都唔錯,簡單同大家分享下: 🌟 重點推介:黑松露玻璃燒鵝 (1/4隻) 一上檯就聞到好香黑松露味!燒鵝皮脆到好似玻璃咁,咬落去啖啖油香,結合埋黑松露嘅獨特香氣,層次感好豐富,必試! 🔸煎釀原條鯪魚 好考功夫嘅手工菜,外皮煎到香口,入面嘅鯪魚肉好彈牙。 🔸潮式蠔餅 炸得酥脆,蠔仔份量足。 🔸粉葛赤小豆煲鯪魚湯 (半煲) 中秋節飲呢個老火湯啱晒,清熱去濕而且湯底好鮮甜。 🔸(台山)芥蘭頭臘味煲仔飯 芥蘭頭好爽甜,臘味香氣滲晒入飯度,仲有微微飯焦香。 🔸石澳梅菜蒸菜心 石澳梅菜清甜帶鹹香,連埋菜心一齊食好提味。 最後嘅甜品係 桂花椰汁糕 🥥 淡淡嘅桂花清香配埋濃郁椰汁,清甜不膩,為呢餐團圓飯畫上完美句號。中秋節一家人齊齊整整、團團圓圓食餐好,就係最幸福嘅事 ❤️ 📍神燈會館 (屯門) 屯門屯順街1號屯門市廣場1期3樓3230號舖 #神燈會館#中秋節快樂#中秋團圓飯#香港美食#玻璃燒鵝#家庭聚餐#放風餐廳#親子友善餐廳#Foodiehk#團團圓圓
閱讀更多
-
香港粵菜手工菜式酒樓
朋友介紹佐敦呢間充滿舊香港情懷嘅手工粵菜酒家,全係師傅人手炮製嘅經典粵式海鮮同燒味,今日終於可以試吓啦😍 重點必食絕對係黑松露玻璃燒鵝!第一次食真係驚為天人,鵝皮薄如玻璃,一咬落去好juicy黑松露嘅香氣同鵝油香完美融合,鵝肉嫩滑多汁,配埋酸梅醬解膩,根本就食唔停🤩 海鮮全部新鮮到爆燈✨ 新鮮象拔蚌爽口彈牙、帶子荷蘭豆清甜鮮美,火候控制得剛剛好;新鮮石斑肉質細嫩、大鮑魚煲鮮香濃郁,每一樣都食得出師傅嘅用心。 爆油走地雞皮香肉滑,雞翅入味惹味,蝦多士外酥內嫩,香氣十足。 甜品同點心同樣驚喜 桂花奶凍清甜不膩,桂花香氣濃郁;壽包仲要係我最鍾意入邊有蛋黃,成餐飯大家都食得好開心又食得勁飽🥳🥳好滿足❤️ 超適合一家人或者有宴會去食👍🏻👍🏻 神燈海鮮酒家 (18廣場) (佐敦) 佐敦長樂街14-20號18廣場地舖及1樓
閱讀更多
-
食評|屯門八月花!必試脆蝦球豆腐煲 😋🥢
【屯門高質中菜】八月花精緻 Dinner 盤點!必試金華火腿嫩滑豆腐煲+啖啖肉脆口蝦球!🤤🔥 今晚同屋企人去咗屯門 V city 嘅 八月花 食 Dinner,估唔到每道菜都咁有驚喜🤤! 🍤 脆口大蝦球:外皮炸得金黃酥脆,入面嘅蝦肉大隻又夠彈牙,完全無油膩感,好出色! 黑松露醬羊肚菌腐卷:羊肚菌低脂、高蛋白兼抗氧化,食落爽口,好有鑊氣! 🦆 大大舊燒鴨: 師傅切得好大嚿,真係啖啖肉!鴨皮帶點微脆,肉質保持到 Juicy 唔會乾。 🍜 伊麵: 呢個伊麵濕濕地,掛滿晒蟹肉蛋白羹嘅鮮甜汁,每一口都好順滑,極之好食! 🍲 金華火腿豆腐煲:金華火腿嘅鹹香甘美完美滲透入湯底,而入面嘅豆腐超級嫩滑,送飯一流! 整體環境舒服,嘢食精緻得嚟味道都算唔錯,啱晒同朋友聚會或者同屋企人做節食飯!
閱讀更多