銅鑼灣山林主題Omakase登場！必試黑豚和牛海鮮6大主題廚師發辦

miu.iseating

香港攻略

重房

銅鑼灣·精緻Omakase

在銅鑼灣很喜歡的Omakase之一｡師傅在食材配搭和火候掌控上很有心思,整餐飯驚喜連連,絕對值得一試~ 🥢 先付 Omakase 的序幕由酸爽始起 水雲蒪菜配沖繩水雲 美美的擺盤一上桌就讓人眼前一亮,蒪菜自帶一種滑溜溜的膠質包裹著蓮花心,配上酸酸甜甜的汁調,一入口順滑溜下,胃口瞬間被徹底打開 赤水母(日本海蜇) 它跟平時坊間吃到的平價海蜇完全是兩回事,入口是極致的脆口彈牙,咯吱咯吱的嚼勁非常過癮 汁煮八爪魚配蘿蔔 蘿蔔燜煮得像海綿一樣吸飽了高湯,又腍又甜;八爪魚同樣火候十足,軟腍入味,完全不費牙力 🐟 刺身 岩手県米崎蠔 這款生蠔本就以極之 Creamy 著稱,難得的是師傅摒棄了常見的蔥花,換上紅洋蔥花與土佐醋,微酸帶辛辣的味道再配搭生蠔的重奶香,鮮味更有層次 帆立貝與象拔蚌 主打極致的爽甜與純粹,簡單的調味最能感受食材原味道;帆立貝口感極其柔軟､滑溜､綿密｡象拔蚌則爽脆､彈牙､有嚼勁👍🏼 鰤魚配京都七彩芝麻 鰤魚切得非常大手筆,厚身度誠意十足!一咬下去,濃郁的煙燻香氣先在口腔散開,魚肉肥美,最神來之筆是面層的京都七彩芝麻,芝麻顆粒飽滿,入口香脆,濃郁的烘焙芝麻香,將鰤魚的油香提升到另一層次 煙燻黑睦魚 非常喜歡的品頂!黑睦魚為日本深海高級魚,被譽為白身魚中的｢油脂炸彈｣｡師傅用稻草進行了精準的微煙燻與火炙｡高溫瞬間逼出皮下的焦香油脂,搭配洋蔥漬､紫蘇花與少許醬油,稻草的煙燻香與油脂香令人驚艷! 日本愛知縣地蛤清酒煮 師傅直接在清酒中加入蜆水烹調,地蛤肉質比普通蛤蜊肥美厚實得多,湯頭鮮甜濃郁,最後帶點點柚子皮的清香,暖胃又舒服 立鱗燒金目鯛 魚鱗極其酥脆焦香,把豐富的油香完全逼了出來,配合少少柚子胡椒的微辣提鮮,外脆內嫩,口感極致｡ 🍣 手握壽司 深海池魚 肉質厚身且脂肪分佈均勻,魚油在咀嚼時會慢慢滲出,質感順滑,油脂豐厚卻完全不膩口,會在口腔內留下一股淡雅的油香 可愛池魚 作為銀皮魚的代表,與深海池魚截然不同｡可愛池魚口感較軟綿､帶有濃郁的魚油香,以及獨特的酸鹹層次~油香內斂卻帶有一種獨特的鮮味與細緻 兩款壽司採用了白醋飯搭配味道較清淡､細緻的白身魚 甜蝦 這道有驚喜!甜蝦預先用昆布醃製過,蝦肉黏糯中帶著爽口｡中間夾雜了甘香濃郁的蝦膏,極濃的蝦味包裹著,很喜歡! 中拖羅配赤醋飯 油脂分佈像大理石紋般均勻｡入口油香四溢卻恰到好處,完全不會覺得膩口 赤醋飯則搭配油脂豐富､濃味或熟成過的食材👍🏼👍🏼 酸度與黏稠度適中,能很好地襯托魚料的鮮美 海膽卷 這卷物分量驚人,一啖塞進口中,鮮甜回甘的海膽在口中融化｡鮮甜的味道為壽司環節畫上完美句號 Signature 魚湯 聽師傅介紹這是用了 30 幾種魚骨慢火熬製而成,堅持無味精,只用了少許鹽和胡椒調味｡喝下去卻非常清甜與濃郁,熱辣辣的鮮湯令胃部立即溫暖起來 最後以巨峰提子作結,果香濃郁､甜度爆燈 #廚師發辦#omakese#重房#銅鑼灣日本菜

healingbobo

香港攻略

重房

🍣第三次回訪！始終係我心中top Omakase✨

香港好多Omakase，但重房永遠係我會一再回頭嘅寶藏鮨店，今次已經係我第三次嚟。師傅Ivan全程坐鎮，吧枱座位只得十幾個，木系裝修型格舒服，一定要提前訂位先有得食，人氣真係從來冇跌過，食過三次仍然滿載驚喜，水準超穩陣。坐吧枱可以近距離睇師傅處理食材同握壽司，每道菜嘅擺盤都極具藝術感，師傅會細心講解每款食材產地同做法，成餐氣氛輕鬆寫意，不知不覺就過兩個幾鐘。Ivan同團隊態度親切有禮，上菜節奏拿捏得好好，會因應時令轉換菜單，每次都食到唔一樣嘅驚喜，唔係機械式上菜，感受到好有passion。 🍴菜式重點 先付前菜｜水雲、水母腳、深海水八爪 開胃醋物打頭陣，水雲滑潺潺，水母腳爽脆彈牙，配埋深海水八爪，酸香清爽，一上檯即刻打開胃口🥢 仙鳳趾蠔 + Sorbet + 三文魚子 北海道仙鳳趾蠔依舊水準在線，creamy肥美鮮甜，完全冇雜味，配上清爽sorbet同爆汁三文魚子，冷熱層次好豐富，入口好治癒🦪 秋刀魚兩食 時令秋刀魚做兩種食法，刺身保留魚肉嘅鮮嫩同秋刀魚獨有嘅香味；鹽燒火炙就用火槍輕輕燒過，鹽燒做法將魚鮮味完全釋放出來，魚肉彈牙，完全食唔到腥味，香氣十足。一生一炙風格各異，可以一次過感受秋刀魚兩種風味。 毛蟹 奢華感滿滿嘅一道！毛蟹肉鮮甜細嫩，混和蛋黃醬同綿密海膽，上面鋪滿法國魚子醬，鹹鮮交織，多重口感係奢華嘅享受🦀 鮟鱇魚肝 鮟鱇魚肝軟糯甘香，油脂感溫潤唔膩口，搭配黃蘿蔔碎、鱈魚乾片同甜蝦蓉，中和油潤感，鮮味層次拉滿。 野生鰆魚 野生鰆魚質感細緻，魚香突出，簡單調味就帶出食材本來嘅鮮甜。   磯煮鮑魚 用味淋，糖，豉油，慢煮幾個鐘後再浸一晚，準備工夫十足，先煮到咁彈牙入味又夠腍嘅鮑魚，另外白蘿蔔係用鮑魚汁浸煮而成，相當鮮甜入味，仲有個醬汁係全碟不可或缺嘅一部份，係用鮑魚肝打成，又香又creamy。 青森縣大間拖羅＋赤身 大間拖羅經過十日熟成，魚味更為濃縮，油脂香醇厚；生赤身就灑上經蝦殼炒過嘅海鹽，鹹鹹哋，突顯吞拿魚本身鮮味，熟成同魚生嘅對比好有意思🤤 吞拿魚下巴慢燒 吞拿魚下巴慢燒至外皮脆卜卜，內裡肉質軟嫩油潤，配埋特調酸汁一齊進食，酸味剛好中和油脂，食落唔會滯，係成餐入面好有記憶點嘅一道🔥 🍣壽司部份 舍利做得好好，輕盈柔軟，不黏不膩，會因應魚種配白醋飯/赤醋飯，好見師傅功架。 ▪️酒盜醬地金目鯛：金目鯛肉質細緻，醬地調味恰到好處，配白醋飯清爽平衡 ▪️鳥取野生池魚：野生池魚魚味鮮實，簡單襯托出魚肉本身嘅甜 ▪️深海池魚：濃味魚配赤醋飯真係絕配，淡淡煙燻香，飯嘅酸度同魚油完美融合 ▪️白海膽：口感滑溜細緻，海味清鮮，食到海膽嘅甜，幸福感爆燈 ▪️西班牙紅蝦配蝦頭膏醬：紅蝦肉身軟糯甜美，蘸自家製蝦頭膏醬，鮮香濃郁，邪惡又好食🦐 🥣魚湯 用30種魚熬煮出來嘅魚湯，今次仲加埋麥棗，湯頭濃而不濁，鮮甜完全冇腥，飲完成個胃暖笠笠，由頭到尾都落足本。 🍇結尾係日本空運過來嘅巨峰提子，果肉飽滿爆汁，香甜清爽，為成晚豐富嘅omakase畫上完美句號。 💡總結 三刷重房，依然零失望。Ivan師傅團隊對食材、熟成、醋飯、醬料全部都好講究，唔單止餐具及擺盤靚，味道同細節全部到位。性價比喺香港高級Omakase入面屬於好高，無論慶祝或者美食體驗都非常適合，座位少，記得一定要提早訂位！ 評分：最高為5分 治癒度：👩‍⚕️👩‍⚕️👩‍⚕️👩‍⚕️👩‍⚕️ 抵食度：💉💉💉💉💉 翻兜指數：🩺🩺🩺🩺🩺 @shigefusa 重房 Shigefusa 銅鑼灣加路連山道1號地下18‑19號舖 📍銅鑼灣港鐵站F1出口5分鐘路程 #healingbobo#foodie#hkfoodie#foodiehk#香港#美食#銅鑼灣#海鮮#sushi#壽司#sashimi#刺身#日本菜精選#香港食評#Omakase#廚師發辦#日本料理#Shigefusa#重房{{hket:campaign display="tea1tea"}}{{/hket:campaign}}

nicolabbyan

香港攻略

重房 Shigefusa OMAKASE

重房日本料理📍高CP值日料😍

香港銅鑼灣從來不缺高質日料餐廳,但如果你同我一樣,想搵一間性價比高､細節控足､食材新鮮到跳舞的Omakase(廚師發辦),咁｢重房日本料理｣你真係要Bookmark住!今次午市套餐體驗,每一道菜式用心之餘又實力派,每一口都值得慢慢細味,無論約閨蜜還是同家人食,都肯定唔會失望~ ✨重房日本料理亮點: 位置就係加路連山道1號,好近銅鑼灣站,行過去幾分鐘,非常方便｡餐廳主打日本直送新鮮食材,廚師手藝熟練,每一道菜式連配料都諗到好細緻｡無論係刺身定壽司,都有驚喜位,味道同質感都高分過市面上大部份同價日料!裝潢走低調簡約風,座位唔多,想去一定要預約｡ 🍽️今次午市Omakase($700+)體驗分享: 1️⃣前菜 松葉蟹肉沖繩水雲醋物+松葉蟹肉茶碗蒸｡蟹肉啖啖鮮甜,水雲醋汁解膩,茶碗蒸入口即溶,極致嫩滑,前奏已經帶出日式精髓｡ 2️⃣刺身 • 松川鰈薄切配土佐醋啫喱+紫蘇花——魚肉細膩,有口感之餘配搭醋啫喱又唔會蓋過鮮味｡ • 天然深海池魚配炒木魚花——木魚花鹹香脆口,每一件刺身都食得出新鮮度同手藝｡ • 北海道噴火灣帆立貝配蛋黃海膽醬汁+辣根——帆立貝爆汁甜美,蛋黃醬汁飽滿,辣根超提鮮! 3️⃣燒物 • 烤螢光魷魚配芽蔥——燒到膏香外脆內嫩,芽蔥清香平衡魷魚味道,食落毫無負擔｡ • 西京燒銀鱈魚——皮脆肉嫩,味道夠厚重,完全係高水平! 4️⃣壽司拼盤 黑糖伊佐木魚､赤身醬油漬､可愛池魚､禾稈草煙燻野生拖羅､秋山水產海膽｡值得一讚係煙燻拖羅,第一次食已經留下深刻印象,個煙燻位做得岩岩好;海膽甜到漏冇腥味,壽司飯比例亦把握得好好,唔會“篤死牛丸”🤣 5️⃣湯品 用咗30條魚鮮熬出嚟嘅烏冬湯底,超級清香,烏冬又滑又彈牙,一啖落肚即刻暖晒｡ 6️⃣甜品 黑糖福餅——餡心吉士醬適中,黑糖提味不膩,啱晒解最後一口鹹｡ 📍 基本資料 重房日本料理 地址:銅鑼灣加路連山道1號(丹麥麵包旁) 營業時間:建議提前一天預約,坐位不多,walk-in多數要等｡ ⭐小貼士:記得預約!午市套餐性價比一流,推介午市嚐鮮,晚市會有更多靚食材但價位亦會高啲;餐廳座位設計偏貼心,適合二至四人聚會;如果有特別飲食要求,提早通知師傅會更有安排｡ 🌟額外美食tips:食飽建議去附近的甜品店/咖啡店坐一坐,銅鑼灣大把文青cafe,徒步5分鐘就有得揀｡ 想搵一間用餐體驗精緻又冇壓力､食物水平穩定嘅Omakase,｢重房｣就啱晒啦,記得帶定手機影相打卡!♥️ #銅鑼灣美食#重房#香港Omakase#日本料理#壽司#廚師發辦#重房日本料理#銅鑼灣日式料理{{hket:campaign display="自助餐回本攻略"}}{{/hket:campaign}}