灣仔船街人氣避風塘海鮮餐廳「艇王」以全新「艇王 2.0」姿態重磅回歸，今次特別邀請到曾主理中環名店「波士廳」、榮獲「法國美食協會藍帶美食獎」及「美食之最大賞」榮譽金獎的名廚林東喜師傅親自坐鎮掌舵，將昔日漁港船家菜與瀕臨失傳的懷舊廣東功夫菜再次重現餐桌！即睇內文查看全新菜式！
艇王 2.0
「艇王 2.0」以傳承及重塑香港傳統飲食文化為核心，不局限於懷舊懷念，而是嚴選優質食材並融入極致手藝，將船家鮮味、古法粵菜火候與家常小炒精緻升級，讓經典港式滋味得以傳承。
藍帶金獎名廚林東喜掌舵
擁有逾 30 年粵菜經驗的林東喜師傅，堅持「尊重食材、講究火候」的古法飲食文化。今次「艇王 2.0」除了保留標誌性的避風塘艇家海鮮外，更加入多款工序繁複、市面上買少見少的老派酒樓懷舊菜：
砂鍋乾迫海斑（$588）：改用高溫砂鍋極速乾迫，比起傳統清蒸能更有效鎖住肉汁與油脂，口感極致嫩滑。
荷葉籠仔魚蝦蟹蒸飯（$398/份）：以黃花魚、鮮蝦及鮮蟹配搭鑊氣十足的炸蒜炒飯，蒸透後飯粒吸收海鮮鮮甜與荷葉清香。
奇香粉絲蟹煲（$988）：加入腩片、九層塔及白胡椒慢火扣煮鮮蟹，底層粉絲充分吸收蟹汁與香料精華。
蝦醬炸碎雞（$328/全隻）：嚴選大澳在地蝦膏醃透雞肉後炸至金黃，外脆內嫩且散發濃郁鹹香。
蜆芥魚腸煎蛋（$138）：經過繁複清洗辟腥工序，改以香煎方式呈現，保留魚腸甘香且口感爽脆不油膩。
邪惡自製豬油瓦罉煲仔飯（$38/位）：淋上自家提煉的純豬油與特製豉油，搭配底層香脆的金黃飯焦，香氣濃郁。
「艇王 2.0」門市資訊
地址：灣仔船街 1-7 號寶業大廈地下 1 號舖及 1 樓
營業時間：11:30 - 22:30
查詢/訂座電話：2893 9686 / 6491 6792
文：馬泳芝
飲食熱話
-
香港攻略
🔥避風塘港風小炒食盡地道鑊氣🍤
灣仔船街呢間主打避風塘海鮮､鑊氣小炒同煲仔菜嘅中菜館🥢,坐鎮主廚有三十年粵菜功底,堅持真火候同新鮮食材🔥,每道菜都大大碟,而且帶住鑊氣同地道港味｡ 🥬 大澳蝦膏啫生菜膽 大澳蝦糕鮮味鹹香十足,啫啫煲一開蓋香氣連隔籬枱都聞到｡生菜膽吸盡蝦膏同煲底醬香,脆嫩入果｡ 🦪 潮式炸蠔餅 炸得外邊超脆💥,薄漿脆到似薯片咁 ｡入面嘅蠔仔粒粒飽滿,鮮甜又冇腥味 😍,再點埋魚露,鹹鮮味直接升級⬆️｡ 🍗 大漠風沙雞 表面勁多金黃色嘅酥脆蒜酥同香料🧄,鹹香惹味🤤｡雞件炸到外皮金黃酥脆,入面嘅雞肉仲好嫩｡ 🍚 艇王炒飯 飯粒炒得乾身分明,粒粒都帶住鑊氣💨｡炒完之後仲要用砂鍋上🍲,炒飯仲會有少少飯｡重點係超級大份!!我諗有大概六人份量👥,入面嘅料都足,冬菇同肉粒嘅鮮香完全滲入飯度🍄🥩｡ 📍艇王 (灣仔) 灣仔船街1-7號寶業大廈地下1號舖及1樓 #灣仔美食#艇王#避風塘海鮮#鑊氣小炒#香港中菜
閱讀更多
-
香港攻略
Boat King 艇王
🚤 避風塘真味重現！🌊 灣仔「艇王」由頭驚喜到尾💯
最近有個外國朋友返嚟香港玩,想帶佢試吓地道又有鑊氣嘅中菜,就揀咗灣仔船街呢間｢艇王｣!原來呢條街以前叫洋船街,真係海邊嚟㗎,用｢艇王｣做名真係好有漁港feel ｡佢哋主打｢重拾避風塘真味｣,由入行30年嘅貴哥主理,堅持｢真鮮､真火､真味｣三個原則 ｡呢度前身係｢船王｣､｢日月樓｣,而家轉型做貼地嘅港式小炒,食完真係覺得每一道菜都食到師傅嘅鑊氣同功架 !我哋三個人叫到成枱餸,質素好高,分享吓先~ 〰️〰️〰️〰️〰️〰️〰️〰️〰️ 🍲 啫啫花甲滑雞煲 $188 一打開煲蓋,嗰種濃烈嘅酒香同埋豉椒味湧晒出嚟,到而家諗起都流口水!🌿🔥 啲雞肉好嫩滑,仲要係超級入味,而啲花甲完全冇沙,粒粒漲卜卜,索晒啲精華汁,真係忍唔住一舊接一舊｡個醬汁濃稠得嚟唔會太鹹,用嚟撈飯一流,呢個煲真係中菜嘅靈魂之作｡ 🦪 潮式炸蠔餅 $168 蠔餅炸得好乾身,一啲都唔油膩,邊邊位脆到好似食薯片咁｡🌊🦪 但中間嗰層仲保持到軟糯嘅口感,最正係每一啖都食到粒粒飽滿嘅蠔仔,鮮味即刻湧出嚟!記得一定要點佢哋嘅魚露,鹹鹹鮮鮮咁,將成個蠔餅嘅味覺提升咗唔只一個層次,係好地道嘅潮州風味｡ 🍤 金絲麥皮蝦 $268 創意滿分,外面嗰層｢金絲｣炸到金黃香脆,再黏滿甜甜嘅麥皮,望落勁吸引!✨🍤 隻蝦超大隻,蝦肉爽口彈牙,一咬落去,外層嘅甜脆同蝦肉嘅鮮甜好夾,口感超豐富｡我個外國朋友第一次試呢種做法,甜甜哋好開胃,係全晚其中一道佢最impressed嘅菜｡ 🍖 蜜汁腩叉燒 $98 呢度嘅叉燒真係不得了,你睇個樣,邊位燒到有少少燶(燶邊),脂肪部分晶瑩剔透,咬落去完全係入口即化!🐷✨ 瘦肉部分一啲都唔柴,仲保持到肉汁,蜜汁嘅甜度啱啱好,唔會蓋過豬肉本身嘅肉味｡呢碟$98真心抵食,係我食過數一數二高質嘅叉燒,嚟到唔叫真係對唔住自己｡ 🦐 艇王三鮮蒸飯 $188 原本以為只係普通蒸飯,點知食落先係驚喜!佢嘅｢三鮮｣應該係蝦乾､魷魚同魚乾之類 ,啲海鮮嘅鹹香鮮味喺蒸嘅過程慢慢滲晒落啲飯度｡🍚 飯粒粒分明,仲要有咬口,帶住濃濃嘅海味香氣,即使唔加豉油都已經好好味,啲餸反而變咗配角｡建議一定要一啖飯一啖餸慢慢享受,好滿足! 最後仲要提吓,餐前小食花生 ($10) 同茶芥 ($15/位) 係基本嘢,但佢哋嘅是日甜品—馬豆桂花糕真係好有驚喜!🌼🍮 外表晶瑩剔透,仲見到粒粒馬豆喺入面,食落去桂花味好清香,唔會太甜,清清涼涼咁為呢餐油膩感重嘅晚餐畫上完美句號｡ 〰️〰️〰️〰️〰️〰️〰️〰️〰️ 💰 總計: $1062, 3位用餐(已包含10%服務費) 📍 Boat King 艇王 灣仔船街1-7號寶業大廈地下1號舖及1樓 #艇王#BoatKing#灣仔美食#港式鑊氣#避風塘風味
閱讀更多
-
香港攻略
Boat King 艇王
【灣仔．艇王】港式地道中菜💯必食海鮮粥炸蠔餅
灣仔呢間｢艇王｣,真係唔食唔知咩叫｢有料到｣!今次試咗三款招牌——海鮮粥､蠔餅､大漠風沙雞,每一樣都係必食清單! 🌟 魚湯雜菜煲 $148 🌟 潮式炸蠔餅 $168 🌟 大漠風沙雞 $168 🌟 艇王海鮮粥 (伴豉油王炒麵) $438 先講海鮮粥,一上枱已經聞到海鮮香味,粥底綿滑,海鮮料多到誇張,蝦､蜆､鮑魚樣樣有,鮮甜味道完全滲入粥底,暖笠笠食落好舒服｡一啖粥連住海鮮食,鮮甜味更加突出,四個人一人一隻大蝦,超足料! 潮式炸蠔餅都係必叫!外層煎到金黃香脆,入面軟嫩,蠔仔份量十足,咬落鮮甜又唔腥,趁熱食最正｡粉漿比例啱啱好,唔會搶走蠔仔本身嘅鮮味! 大漠風沙雞就係鹹香惹味嘅代表,炸到外皮香脆,雞肉保持嫩滑,風沙香料均勻包住雞皮,炸蒜鋪到滿晒,入口鹹香惹味｡ 三款菜式口感完全唔同,食落唔會覺得太單調｡如果一大班人或同朋友一齊食,可以一次過叫晒,滿足唔同口味｡ 📍 艇王 (灣仔) 灣仔船街1-7號寶業大廈地下1號舖及1樓 #艇王#灣仔美食#灣仔餐廳#海鮮粥#蠔餅#香港美食#香港食評#灣仔覓食#港式美食#海鮮控#灣仔好去處#香港週末#美食推薦#地道美食{{hket:campaign display="雙聚嚐月"}}{{/hket:campaign}}
閱讀更多
