IKEA隱藏下午茶$23起！花生西多士＋燒雞髀＋芝士餅／還有飲品無限添飲

最Hit食訊

發佈: 2小時前

文: 吳泳霖 , 王逸歌

原來去IKEA除咗買傢俬，仲有隱藏版超抵下午茶！有網民揭發瑞典餐廳推出$23起下午茶套餐，可以歎港人至愛花生醬西多士、燒雞髀配薯仔沙律、芝士餅，甚至兩隻雞全翼配沙律，仲要飲品無限添飲，堂食、外賣自取都同價。有食客更大讚「真係好Like」，指加$1就可以拎走特大杯咖啡。要留意的是，呢個「平過茶記」下午茶只限九龍灣、沙田、荃灣3間分店，逢星期一至五下午2:30–5:30供應。

近日，有網民以「IKEA下午茶會不會太便宜」為題發文，並分享多張IKEA下午茶餐牌的照片。從相片中可見，下午茶款式選擇相當豐富，只需低至$23，即可歎到港人至愛的花生醬西多士、份量十足的燒雞髀配薯仔沙津、輕食之選的藍莓紅莓芝士餅，或是兩隻雞全翼配沙律。最吸引的是，下午茶套餐的飲品均可無限添飲，而且這個超抵價錢無論是堂食還是外賣自取同樣適用。

↓點擊圖片放大↓

食客激讚下午茶超抵食加$1即帶走特大杯咖啡

該名網民分享自己早前在IKEA品嚐下午茶的驚喜體驗，更大讚「唔該Keep住呢個下午茶，真係好Like」。她更指自己當時因為趕時間「加一蚊攞隻杯，撳左勁大杯咖啡走」。同時間，她留意到其他食客點的炸雞髀份量十足，揚言下次一定要試。除了大人受惠，IKEA同時段更供應$23兒童餐，有齊脆雞柳、薯蓉及免費添飲的果味飲品。

獲封「全港最平」唯獨一點令「螞蟻人」大嘆可惜

貼文一出，隨即引來大批網民熱烈討論，紛紛激讚下午茶套餐「好吸引」、「抵食」。有曾經品嚐過的網民分享食評，指西多士雖然賣相普通，但切開竟然有充滿驚喜的流心花生醬，且口感豐富「食到粒粒花生」，更有人大讚這款下午茶「呢個下午茶真心掂，茶記質素水準，全港最平」。不過，有人反駁「西多23蚊，去茶記都差唔多咋喎」，亦有自認是「螞蟻人」（嗜甜者）的網民指出美中不足之處，表示西多士餐只附送一盒牛油及糖漿，大嘆「食西多做唔到糖漿自由真係唔掂」。