千之味連鎖刺身壽司店重推$8海膽壽司 無限追加! 不設上限任食 附優惠詳情！

gourmetmapp

打卡熱點

別再說日本菜貴了 $8/年海膽軍艦無限追加

荔枝角新開壽司店優惠,$𝟖海膽軍艦無限追加‼️場內其他壽司最平都無$𝟏𝟑/𝟐件🤯仲有超吸睛三文魚籽魚生杯!小編立即為大家試伏🤫 #海膽#抵食 ▻ 海膽軍艦(𝗛𝗞𝗗𝟴/𝗽𝗮𝗰*) ★★★★★ 🄼🅅🄿 *$𝟖優惠直至𝟐𝟎𝟐𝟔年𝟏月𝟏𝟓日止 目測每件海膽軍艦都份量十足,無因為優惠價而扣起份量｡入口鮮甜肥美,感受到海洋既味道!呢個價錢食到咁既質素真係完全無投訴! ▻ 迷你雜錦脆脆魚生杯 (𝗛𝗞𝗗𝟯𝟴) ★★★★☆ 魚生杯配上甜蝦､三文魚籽,精緻度滿分!雖然細細杯,但刺身既份量都好足,𝐂𝐏值唔錯 ▻ 藍鰭中拖羅壽司 (𝗛𝗞𝗗𝟭𝟴/𝗽𝗮𝗰) ★★★★☆ 比壽司郎貴$𝟏,質素都唔錯,入口算肥美,魚油&魚肉既比例都幾均勻｡不過切得唔算厚,所以相對上就無咁抵食了｡ 三文魚/馬刀貝壽司 (𝗛𝗞𝗗𝟭𝟯/𝟮𝗽𝗮𝗰) ★★★★☆ 三文魚鮮美､馬刀貝爽甜,魚生新鮮度都唔錯,飯粒有少許醋味,都唔錯｡ 整體發揮頗佳,值得一提職員服務態度好好!會主動幫你斟水､收碟,而且好客氣,雖然用餐時正值店內繁忙時間,但用餐體體驗仍然十分良好!記得嗌爆海膽軍艦先好走‼️ 餐點 🌕🌕🌕🌕🌘 𝟒.𝟐 服務 🌕🌕🌕🌕🌗 𝟒.𝟔 環境 🌕🌕🌕🌕🌑 𝟒.𝟎 划算 🌕🌕🌕🌕🌘 𝟒.𝟐 📍千之味·初 | 荔枝角長順街𝟏𝟓號𝐃𝟐 𝐏𝐥𝐚𝐜𝐞 𝐓𝐖𝐎 𝟑樓𝟑𝟏𝟏號舖 #除夕#壽司#平價

Konglui.food

日式料理

霜瀛

壽司刺身Omakase 免費無限追加壽司🍣‼️

[ 霜瀛 ] 呢間壽司刺身Omakase店1年前由上環搬去尖沙咀,人氣依然強勁!最近晚市做緊第2位第3位半價優惠､酒精飲品第2支半價｡晚上9點前仲可以無限追加手握壽司😲! ✿ ｢櫻｣廚師發辦晚餐+壽司追加放題 $1680/位 套餐有3款先付､蒸蛋､3款日本生蠔､6款時令刺身､季節料理､10貫手握壽司､吸物､甜品拼盤｡ 3款先付🥢 當晚前菜係芥末湯葉､三文魚籽豆腐､汁煮東風螺,清新開胃｡ 蒸蛋🥚 茶碗蒸加入櫻花蝦､香菜等材料,蒸蛋嫩滑帶鮮味｡ 3款日本生蠔🦪 當晚款式分別係 岩手縣米崎蠔､兵庫縣武士蠔､岩手縣令和之怪物｡生蠔體型､肉質､口感和搭配都有不同,唯一相同係生蠔夠新鮮｡ 6款時令刺身🐟🍤 當晚刺身有 間八魚､活赤貝､煙燻鰹魚､拖羅蓉海膽最中餅､甘蝦､北海道白粟米｡ 間八魚捲住海草再配烏魚子,魚肉爽脆帶烏魚子鹹香,鮮味更上一層;鰹魚用上日本木煙燻,相當打卡!鰹魚魚皮燻得微脆,金箔與昆布醬增添奢華感及味道層次;拖羅蓉海膽最中餅,海膽濃郁與拖羅油脂夠哂滿足｡ 季節料理🧫 慢煮鮑魚配鮑魚肝醬,鮑魚煮得軟嫩卻不失彈性,濃郁肝醬及山椒葉香氣讓整體風味更立體｡ 10貫手握壽司🍣 當晚款式有 魴鮄魚､金目鯛､赤蝦､帆立貝､深海池魚､葉血引､金線鯛､銀鱈魚､拖羅､北海道馬糞海膽杯,全部魚生都新鮮厚切｡除咗有火炙壽司,調味方面各有特色,會配搭柚子胡椒､黑/白松露醬､烏魚子粉等｡ ⚠️最重要係晚上9點前仲可以免費無限追加手握壽司(除咗海膽)😱😱! 吸物🥣 清澈高湯有舞茸菇､蓴菜,飲完暖胃｡ 甜品拼盤🍐🍨 有日本蜜瓜同埋雪糕｡提早預訂更可免費升級甜品拼盤,慶祝節日一流｡ 總結🫦 Omakase食材新鮮日本直送,手握壽司仲可以免費無限追加!而且有好多優惠做緊,性價比夠高｡ ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 霜瀛 地址:尖沙咀金馬倫道33號The Cameron 1樓102號舖 電話:3188 8007 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ #尖沙咀美食#尖沙咀必食#尖沙咀食乜好#尖沙咀好去處#霜瀛#霜瀛omakase#任食壽司#無限追加#無限追加壽司#廚師發辦#廚師發辦優惠#omakasehk#慶祝餐廳#慶祝生日#OMAKASE#ucreator#chill賞staycation#ucreatorhk#foodie#相機食先

asheryuen2019

擦餐勁

御品·千之味 Oi-Shi-Sushi

$188+$78任食拖羅海膽壽司放題😍

御品•千之味推出咗3.0版壽司放題，選擇多咗，九龍灣分店仲將Last order時間改到21:30，夜啲嚟食都可以。👍🏻 九龍灣分店地方唔大，全店只得10張枱左右，平日晚市7點前已經爆滿。$188/位嘅3.0版壽司放題款式都幾多，除三文魚、帶子、油甘魚嗰啲基本嘢，仲有火炙系列、揚物、小食同埋飲品任飲，呢個價錢真係抵，長者/小童半價後更只需$94/位！ 加$78升級嘅特上版壽司放題，可多30分鐘用餐時間外，最吸引嘅就係可以任食多超過20款食物，當中包括藍鰭大拖羅同埋海膽軍艦，升級後基本上主要都係狂食拖羅同海膽軍艦。另外一品料理嘅鐵板牛油帶子、清酒煮蜆同埋日式芝士燒帆立貝都唔錯，以一般人食量計，$188+$78呢個價錢絕對抵食！👍🏻 不過要留意唔係每間千之味都有壽司放題，除九龍灣就只有大埔翠怡花園、元朗合益路有壽司放題3.0供應。📝 御品·千之味 地址：常悅道21號Eastmark 1樓5號舖 放題時間： 星期一至五 1500 - 2200 星期六日及公眾假期全日供應 放題Menu：https://www.oi-shi-sushi.com/menu/ 九龍灣店訂座電話：95736204 網上訂座：https://www.oi-shi-sushi.com/shop/預約/分店預約訂座/ #UCreator#放題 #hkfood#foodie#高質#香港美食#千之味#刺身壽司專門店#九龍灣美食#刺身#壽司#日式料理#壽司放題