港青酒店自助晚餐買2送2食海鮮！3小時任食龍蝦/蟹腳/生蠔！節慶自助晚餐欣賞煙花

A美食焚化爐

擦餐勁

再臨閣

$500有找 龍蝦任食 初二睇煙花 @ The Haven 再臨閣 ( 尖沙咀YMCA )

自從大家習慣北上消費之後，似乎所有行業都受影響，當中飲食業更是有點寒冬的感覺。 從近日見有好幾間酒店已取消提供自助餐已見一班，但所謂有危就有機，始終Buffet都屬於受歡迎項目，為了吸客，除了減價之外，最佳方法就係加強陣容，而尖沙咀YMCA再臨閣就屬於抵食夾大件類別。 家陣連加一平日都不過$468，而就算星期五、六、日及紅假都只是$499，一張大牛攪掂。 加上地點適中，就近尖沙咀地鐵站，所有坐位靠窗，街景一覽無遺，比起好多酒店優勝。 海鮮 雖然晚餐不用$500，但食物水準沒絲毫下降。 原隻波士頓龍蝦、琵琶蝦、龍蝦鉗、鱈場蟹腳 、藍青口、小龍蝦、砂白同海蝦任食，refill速度又快。 個人幾鍾意食琵琶蝦，因為平日係自助餐好少見到。 波士頓龍蝦又多膏；龍蝦鉗啖啖肉好啱我。 Carving Station 即煎扒老虎蝦，蝦殼香脆，肉質彈牙，當然任食，但每次只可以拎一隻，唯有排多幾次隊。 慢煮鮑魚 煮得好入味，口感Q彈，又係必食。 食肉獸又有燒美國肋骨牛肉同燒T骨羊扒。 同上次一樣，主食有海鮮叻沙，湯底同樣濃稠帶辛勁，很喜歡豆卜蘸湯後的味道，加上怡保芽菜，更係越食越想食。 前菜 每款都係細細碟，一口一件，幾切合想試多幾款的朋友。 有煙黑魚籽雞蛋、水晶肴肉、黑鬆露蜜糖伴芝士 、紫蕃薯柚子沙律球及炸薯絲蝦卷。 而櫻花蝦豆腐是個人推介，香甜軟滑。 刺身 有三文魚、鯛魚、八爪魚及希靈魚，當然仲有什錦壽司。 湯 有家常湯感覺的藥膳瘦肉湯以及甜滑的南瓜湯。 熱葷 芝士焗蠔 雖然沒有生蠔，但焗蠔都好受歡迎，而且refill得好快。 日式牛肋條 牛肋條、蘿蔔同甘筍同樣炆得夠稔及入味，味道融入湯底，用來伴麵都不錯。 清蒸比目魚 選取中間最肥美肉厚的一段，蒸得啱啱好。 窩巴 其實有點意想不到是窩巴，加入了咸蛋黃，炸得勁香脆而不過火，絲不油膩，簡單但好味。 另外，仲有醬燒雞、魷魚仔墨汁麵、柚子蜜黑豚肉、蜜餞三色甘筍同燒新薯。 Cold Cut 及芝士 至於凍肉有沙樂美腸、無骨黑椒豬柳及煙三文魚，個人覺得三文魚夠肥美，煙燻味恰好，不錯。 而芝士有車打芝士、金文畢芝士、藍芝士及高達硬芝士，又有乾果配搭。 沙律 喜歡健康的朋友，可以選擇地中海發達芝士沙律、野菌黑醋沙律及椰菜花米沙律。 醒胃的有泰式去骨鳳爪沙律。 甜品 哈根大師雪糕 有雲呢拿、Strawberry & Cream、比利時朱古力、咖啡以及Cookie & Cream，全部都係獨立杯上，絕對衛生。 先講講細細杯既甜品，基本上以花作主調，所以甜品區都以花佢擺設。 迷你版甜品有花彩杯子蛋糕、柚子蜜糖布甸、白桃奶凍、花盆杯以及櫻花水玄餅，最啱心多想試多幾款的客人。 至於整個蛋糕則有香橙西柚蛋糕、鮮花蜜糖蛋糕、蜜糖芝士餅同埋草莓撻。 同上次一樣，蛋糕又係靚到大家不想破壞，但只要切開一睇，內裡層次分明，足幾吋高真係好吸引。 又有好少機會食到既暖蘋果撻。 即製甜品有心太軟同班戟，加球雪糕，來個冷熱交融是絕配。 太太就比較喜歡中式甜品，桂花小丸子不單有香味，而且丸子有嚼口，幾啱口味。 水果 是日的幾款水果，菠蘿、蜜瓜、哈密瓜同西瓜幾款水果都好甜。 飲品 飲品有綠研綠茶（無糖）及橙汁，當然係free flow啦！ 大家更可預訂初二晚，無須同人逼，在YMCA寬廣的天台觀賞當天的新年煙花盛放，一同慶祝龍年的到來。 YMCA專頁 : YMCA 訂檯傳送門 :  https://app.optitable.com/tc/reservation/at/thehaven/ 地址 : 尖沙咀梳士巴利道41號香港基督教青年會南座4樓   電話 : 2268 7818   味道 : 4  環境 : 4  服務 : 5  衛生 : 5  抵食 : 5  位置 : 5   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔'LIKE'，當作小小的鼓勵吧!謝謝!   http://www.facebook.com/foodiephilip #尖沙咀 #buffet #YMCA #自助餐 #美食焚化爐 #The Haven #再臨閣 (此文章由U Blog 同步發佈至社群)

Foodie.ycy

香港攻略

曾經品嚐過Mira Yamm 的「珍饈海味自助晚宴」，用餐體驗相當不錯！珍饈海味自助晚宴食物選擇非常豐盛，可以享用花膠、鮑魚、燕窩入饌的菜式，還有即開生蠔、波士頓龍蝦及片皮鴨，海鮮很新鮮，其他食物也很美味。環境方面，美麗華酒店地下位置方便，服務也很周到，收盤速度很快。 #自助餐回本攻略

A美食焚化爐

著數報料

The Haven

母親節的優惠 @ 再臨閣 ( 尖沙咀YMCA )

仲有幾日就母親節，有無諗過同多年來不辭勞苦的媽咪去邊度慶祝呀？   今次又有好介紹，位於尖沙咀YMCA的再臨閣，佔盡地理位置，交通便捷，而且網上平台有買一送一優惠，晚上自助餐最平可以$443起，又真係幾實惠。  KKDay 專屬優惠 : https://www.kkday.com/zh-hk/product/137849?cid=19434 當然，都要食物夠水準，大家食得開心最緊要。   海鮮 最鍾意食波士頓龍蝦、琵琶蝦同龍蝦鉗，因為所有都啖啖肉，龍蝦更係隨便夾隻都有膏，好啱我。   仲有蟹腳、小龍蝦、海蝦、海蜆同青口，水準都不錯。   Carving Station 食肉獸大可來一片肉味濃郁的燒牛肉肋骨。   自己就每次都必食即煎大虎蝦，煎得好香口。   刺身及壽司 磯煮鮑魚係必食之選，鮑魚炆得柔韌入味，不過擺係刺身區，帶點隱藏美食的感覺。   其他刺身有三文魚、立魚、希靈魚與八爪魚刺身。   湯 中湯是很有家庭湯水feel的蓮藕椰汁雞湯。   西湯是幼滑的木瓜甘筍忌廉湯，個人就好鍾意用來配餐包。   熱葷 因為今次主題是泰國菜，所以有幾款特別菜色。   泰式咖哩魚麵檔可以選擇河粉、米粉或油麵，澆上即煮咖哩魚塊，熱辣辣又有辛勁，好正。  布吉街頭小食處有魚條、腸仔及丸類，都幾特別。  泰式海南雞飯應該係最受歡迎菜色，雞肉的確好嫩滑，配上雞油飯又真係好好味。   好惹味既巴東牛肉最啱送白飯。   泰式酸辣豬手就好得意，皮爽滑，味道酸酸辣辣。   又係一道辣辣地既檳榔葉蝦肉咖哩，其實今晚好多菜都可以拌白飯。   雞肉及豬肉沙嗲就正正常常。   其他熱葷仲有蟹肉冬陰蒸蛋、火山排骨、泰式炒菜、泰式椒葉燒鰽魚柳、黃金炒海鮮、馬沙文咖哩羊肉以及酥炸軟殼蟹。   前菜及沙律 都相當豐富，有黑松露蜜糖伴芝士、水晶肴肉、日式溫泉蛋、芥末薯仔沙律、櫻花蝦豆腐、泰式魚乾西瓜沙律、泰式免治豬肉沙律、煙三文魚、肝醬、海鮮沙律、青木瓜粉絲沙律、無骨黑椒豬柳以及白菌凍肉。   芝士 有高達硬芝士、藍芝士、車打芝士以及金文畢芝士。   甜品 有即焗心太軟，但實在太飽，今次無食。   泰式甜品點可以無芒果糯米飯？迷你版食得好輕盈。  即製泰式脆餅幾香同脆口。 泰式甜品當然有班蘭椰汁糕、椰汁西米糕、香茅焦糖燉蛋、香芒西米糕、椰子果凍及珍珠奶茶布甸，全部細細杯，食多幾款都無問題。  另一亮點是哈根大師雪糕，獨立杯裝好衛生，有比利時朱古力、Matcha綠茶、Mango and Cream 同埋Cookies and Cream口味。   大蛋糕有泰式奶茶焦糖蛋糕、班蘭戚風蛋糕、榴槤芝士蛋糕及荔枝朱古力慕絲餅。   水果 有西瓜、哈密瓜、火龍果及香橙。   飲品 除了咖啡及茶之外，還有蘋果汁、凍檸檬茶及維他命水。 如果仲未找到地方慶祝母親節，相信再臨閣是一個不錯的選擇。 Facebook 專頁 : The Haven  地址 : 尖沙咀梳士巴利道41號香港基督教青年會南座4樓   電話 : 2268 7818   味道 : 4  環境 : 4  服務 : 5  衛生 : 5  抵食 : 5  位置 : 5   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #尖沙咀 #母親節 #YMCA #自助餐 #美食焚化爐 #The Haven #Buffet (此文章由U Blog 同步發佈至社群)