高質Omakase必試7間 超高性價比＋米芝蓮名店

Vicky Lo

香港攻略

H Zentre

高級割烹饗宴 💯🥢

近日造訪了尖沙咀的｢炑｣,一嚐這頓定價$1880的割烹料理,選用四季食材,與omakase相似,但更為精緻,體驗堪稱完美｡餐廳位於H Zentre UG樓,環境簡樸闊落,全吧檯設計讓食客能近距離欣賞師傅的匠心手藝,氣氛寧靜舒適｡ 是日餐目如下: ✨先付: 北海道小海螺——清新開場,味蕾甦醒 ·✨茶碗蒸: 螢光魷魚茶碗蒸——蒸蛋滑溜,滲透獨特鹹鮮 ✨五品季節刺身: · 厚岸生蠔——味道清爽,滿帶海水鹹鮮 · 北海道北寄貝——爽甜可口 · 神奈川針魚——肉質細膩 · 鰤魚二吃——先品刺身,再品嚐火灸🤤一次體驗兩種風味 ·大拖羅手卷——入口即溶,細蔥解膩恰到好處 ✨ 揚物: 沖繩花竹蝦春捲——外層香脆,蝦肉與本菇交織豐富口感 ✨天婦羅二品: · 時令太刀魚天婦羅——炸得酥脆,魚肉細嫩甘香 · 北海道蔬菜天婦羅——香甜清新 ✨煮物: 炸芋頭和魚肉海苔——風味細膩,很溫潤的一道料理,特別是冬天吃後很舒服 ✨麵食: 大蝦稻庭烏冬——麵條彈牙,蝦肉鮮甜,味道帶點微辣 ✨甜品: 和歌山蜜柑——清甜多汁,完美收場 總括而言,｢炑｣由環境､服務到食物質素均無可挑剔,是一場視覺與味覺的雙重饗宴,絕對值得一試｡ 炑 (尖沙咀) 📍尖沙咀中間道15號H Zentre UG樓1-3號舖 #香港美食#日本料理#

HappyMargie

日式料理

八瀧

香港唯一一間有櫻花同雪景嘅主題餐廳

最近去咗間全香港唯一一間有櫻花同雪景嘅主題餐廳🌸勁靚囉🤩 佢地日本料理絕對唔係傳統嗰種，係新派創意菜式，仲要性價比超高！ Omakase Dinner $1388 位 真係好有驚喜！ 一開波先付二點已經好精緻 海膽豆腐滑溜鮮甜 水母刺身加咗柚子汁好清新 仲有德島縣蠔🦪蠔味好濃但唔腥，配埋蘋果啫喱、三文魚籽同青檸，口感超豐富！ 量子料理4品 最正係鮟鱇魚肝（即係燈籠魚肝）入口即溶！ 仲有富山白蝦同牡丹蝦刺身，點埋蝦膏同蝦油，鮮味爆棚！ 赤鯥同大拖羅，用洋蔥漬煮，味道層次好有驚喜！ 天婦羅海膽拿破崙，哩個極力推介必食🤩師傅用心製作，灑上淡雪鹽作點缀，襯托背後樱花佈景🌸視覺同味覺享受。 紫菜脆口夾住大拖羅蓉，面上海膽creamy到不得了🤤 松葉蟹肉茶碗蒸超滑溜，蟹肉鮮甜。 手握壽司10貫 全部高質，北海道帶子、銀鱈魚、福井甜蝦、拖羅、星鰻……三文魚籽每件都新鮮到震！ 特別係赤海膽 同 左口魚群邊 油脂香濃，入口即化！ 最後仲有蠔手卷 同 低溫忌廉玉子 玉子口感好似布甸咁滑🤤 尾聲茶壺湯清甜暖胃 甜品柚子雪葩酸甜清爽！ 整體來講，食材高級、師傅手勢很好，性價比超高，絕對值得encore！🎉🍣 如果有慶祝活動🥳🎂想私隱度高啲🎉8-10位就可以包場，成個地方都係你地嘅！快啲約埋朋友嚟啦！ 🏮八瀧 📮尖沙咀白蘭軒道2號富峰行3樓 #尖沙咀美食#美食#日本餐廳 #omakase#hkfood#delicious #hkrestaurant#餐廳推薦#日本菜

U Lifestyle

日式料理

香港Omakase｜全港10間廚師發辦餐廳推介！高性價比/資深日廚/米芝蓮餐廳姊妹店

聚餐想食日本嘢，成日糾結食燒肉🥩、刺身🐟定壽司🍣好。不如告別選擇困難，由廚師幫您發板！Omakase主打由廚師挑選時令新鮮食材，為客人打造無菜單專屬日式料理，過程充滿驚喜！想食正宗又高質嘅Omakase，唔一定專程飛一趟日本，香港都有好多間高質廚師發辦餐廳！今次就等社群U Creator為您推介港九新界10間Omakase餐廳！🎌🎌 ----------------- 【Foodie必睇】港人必收藏搵食指南！ 每日都煩食咩好～《社群》收錄超過100,000+篇由各U Creator分享嘅貼地食評及多個美食主題，涵蓋本地至全球打卡美食🍢、高級餐廳🍽️、隱世小店、日本餐廳等等。吃貨千祈唔好錯過啦！ {{hket:url-hyperlink display="美食指南傳送門"}}https://ulapp.hk/7n3o7{{/hket:url-hyperlink}} ----------------- 港島區Omakase推介｜1️⃣ {{hket:url-hyperlink display="杣 - YASHIMA"}}https://ulapp.hk/lakdx{{/hket:url-hyperlink}} 想食到最地道嘅日式omakase，中環呢間「杣 - YASHIMA」由30年經驗日籍廚師Takahashi Kouya主理，絕對滿足到您嘅願望！餐廳以懷石料理為主打，以當季最新鮮嘅食材打造當天料理。社群U Creator就大讚餐廳嘅「蟹肉蟹蓋」鮮甜，令人一試難忘。餐廳地方唔大，只有約10個座位，為嘅就係每一位客人都可以照顧到！ 地址：中環九如坊2-4號地舖 ----------------- 港島區Omakase推介｜2️⃣ {{hket:url-hyperlink display="月山Gassan"}}https://ulapp.hk/opjvd{{/hket:url-hyperlink}} 「月山Gassan」係東京米芝蓮星級餐廳「日山」嘅姊妹店，有提供廚師發辦料理，以日本漁港同日式舟屋為主要設計概念，因此餐廳都設有「屋形船」座位，令客人仿如置身日式舟屋般享受寧靜。午市Omakase約HK$788/位，除咗Omakase之外，仲供應傳統會席料理及定食套餐，慶生去食夠晒有誠意！ 地址：中環皇后大道中80號H Queen's 19樓 ----------------- 港島區Omakase推介｜3️⃣ {{hket:url-hyperlink display="重房 Shigefusa OMAKASE "}}https://ulapp.hk/fupb6{{/hket:url-hyperlink}} 銅鑼灣呢間「重房 Shigefusa OMAKASE」都係唔少社群U Creator極力推介嘅Omakase餐廳。除咗壽司刺身都用上最當季最新鮮嘅日本直送食材之外，師傅亦會詳細分享每道料理嘅配搭同最佳食法，令客人最大程度品嚐出料理精髓。晚市約每位HK$1580歎15品和牛、刺身、壽司等料理，帶您品嚐精緻高質嘅Omakase！ 地址：銅鑼灣加路連山道18＆19號希慎道1號 ----------------- 港島區Omakase推介｜4️⃣ {{hket:url-hyperlink display="鮨月Sushi Moon"}}https://ulapp.hk/imj5l{{/hket:url-hyperlink}} 同樣位於銅鑼灣嘅「鮨月Sushi Moon」採用每日由日本空運新鮮嘅食材，每道菜都由師傅精心設計及製作，坐吧台可以現場觀賞師傅精湛刀藝，欣賞每道菜嘅細節位。社群U Creator最愛係餐廳嘅「松葉蟹」，免動手就食到啖啖蟹膏。仲有時令秋刀魚刺身都夠鮮甜。重點係午市只需約HK$680/位，就食到十八品高質料理，性價比超高！ 地址：銅鑼灣告士打道279號地舖 ----------------- 港島區Omakase推介｜5️⃣ {{hket:url-hyperlink display="鮨政×大湖"}}https://ulapp.hk/nhwsn{{/hket:url-hyperlink}} 大家眼中嘅Omakase都係貴價嘢，但呢間「鮨政×大湖」就以HK$298/位嘅價錢，帶大家零負擔體驗入門級Omakase。廚師安排菜式配搭全面又有心思，除咗基本會有嘅壽司、刺身之外，仲有埋熟食主菜選擇，份量足夠，唔驚唔飽！不過店舖得一張坐到約12人嘅壽司枱，想帶親友去食平價omakase就一定要訂位啦！ 地址：銅鑼灣京士頓街Fashion Walk地下H2B號舖 ----------------- 港島區Omakase推介｜6️⃣{{hket:url-hyperlink display=" 彩羽壽司Omakase"}}https://ulapp.hk/gk8b3{{/hket:url-hyperlink}} 灣仔「彩羽壽司」裝修充滿日式風情，更提供高性價比Omakase！三款廚師發辦料理分別有「極」、「彩羽」及「雅」，最平HK$580/位就食到，有齊和牛壽喜燒、刺身壽司等20品料理，前菜用北海道粟米、無花果同八爪魚開場，配搭新鮮又開胃，甜品仲有招牌日本純水雪花刨冰 ，聽落就好吸引！即刻分享俾您鍾情於日本料理嘅朋友一齊去食啦！ 地址：灣仔謝斐道151-161號金聲大廈地下A號舖 ----------------- 九龍區Omakase推介｜7️⃣ {{hket:url-hyperlink display="菊月町"}}https://ulapp.hk/oy4mk{{/hket:url-hyperlink}} 觀塘區製作用心又高級嘅Omakase餐廳，首推呢間「菊月町」！23道菜約HK$1480/位，食盡時令秋刀魚刺身、北海道海膽、北海道厚岸蠔、毛蟹蟹肉等高級料理，而且每星期都會有3-4次由日本新鮮空運時令魚生同食材，確保為客人製作出最高水準料理！重要日子嚟食夠晒難忘！ 地址：觀塘鴻圖道23號利登中心地下1號舖 ----------------- 九龍區Omakase推介｜8️⃣{{hket:url-hyperlink display=" kappo roann割烹 櫓杏"}}https://ulapp.hk/ygv4v{{/hket:url-hyperlink}} 尖沙咀美食雲集，居然HK$698就食到一間高質又有維港靚景嘅Omakase！「割烹 櫓杏」以「熊本城」為設計靈感，亦都係全港唯一以九州熊本食物為主題嘅餐廳。由經驗豐富嘅日籍師傅任主廚，保證食到最正宗嘅omakase！大部分和牛、海鮮、刺身等食材都由熊本直送。餐廳仲可以睇到維港海景，而且慶祝生日，仲有免費生日畫碟及即影即有服務，服務十分周到！ 地址：尖沙咀彌敦道63號iSQUARE國際廣場28樓2801號舖 ----------------- 新界區Omakase推介｜9️⃣ {{hket:url-hyperlink display="龍亭"}}https://ulapp.hk/dct8m{{/hket:url-hyperlink}} 呢間連鎖日式鐵板燒Omakase餐廳「龍亭」分別喺中環、佐敦、大埔、尖沙咀、元朗，港九新界都有分店，總有一間喺您附近！秋季當然要食蟹，餐廳推出「極品蟹粉帝王蟹八道菜盛宴」，輕鬆食到超大隻阿拉斯加帝王蟹！另外仲有極品大閘蟹粉拌飯、鐵板澳洲牛柳粒等主菜，無論係蟹控定係鐵板燒控都滿載而歸！ {{hket:url-hyperlink display="> “Chuudaily” 分享龍亭帝王蟹八道菜盛宴詳細食評<"}}https://ulapp.hk/j39v8{{/hket:url-hyperlink}} 地址：各分店資訊請查閱官網 ----------------- 新界區Omakase推介｜🔟 {{hket:url-hyperlink display="鮨無双"}}https://ulapp.hk/b7bqs{{/hket:url-hyperlink}} 以為元朗冇高質Omakase就錯了，呢間「鮨無双」甚至令社群U Creator專程去元朗一趟！只因為午市Omakase十分抵食，除咗有黑松露松葉蟹肉茶碗蒸、大蝦柚子沙律等自家制漬物外，磯煮鮑魚、時令秋刀魚、深海池魚全部以專業手法處理，午市最平約HK$420/位就食到豐富omakase，不過店內座位有限，想食就記得要提前book位！ 地址：元朗建德街35-55號時景花園地下9號舖 **價錢僅供參考，詳情請查閱各餐廳官網。 🔔 Follow《U Community社群》{{hket:url-hyperlink display="Instagram "}}https://www.instagram.com/ucommunity.hk/{{/hket:url-hyperlink}}同讚好 {{hket:url-hyperlink display="Facebook "}}https://www.facebook.com/UCommunity.hk{{/hket:url-hyperlink}}專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 ----------------- 圖片來源：網上圖片、社群U Creator {{hket:tag-user display="Foodienut_hkwyy "}}907712{{/hket:tag-user}}  、 {{hket:tag-user display="Miruki"}}745583{{/hket:tag-user}} 、 {{hket:tag-user display="Applechong"}}180986{{/hket:tag-user}} 、 {{hket:tag-user display="Cyril"}}841166{{/hket:tag-user}} 、 {{hket:tag-user display="Chuudaily"}}176499{{/hket:tag-user}} 、 {{hket:tag-user display="chingchingjaiii"}}211290{{/hket:tag-user}} 、 {{hket:tag-user display="Rachel MoMo"}}404785{{/hket:tag-user}}  #ULifestyle應用程式 #ULifestyleApp #社群 #UCreatorHK  #MOMENTSwithUCreator #100個港人推介親子好去處 #我的打卡地圖 #美食指南 #香港 #香港omakase #omakase #廚師發辦 #廚師發辦 #香港廚師發辦 #廚師發辦餐廳 #omakase餐廳 #高CP值omakase