千之味刺身壽司專門店｜千之味是不少港人都鍾愛的日式料理餐廳，以選用新鮮、高品質的食材而聞名，在香港以提供外賣服務為主，部分分店也設有堂食。近日這家刺身壽司專門店就在指定分店推出放題活動，即睇詳情！
千之味刺身壽司店推限定放題
千之味刺身壽司店目前在觀塘分店推出了放題活動，放題美食包括刺身、鮑魚、長腳蟹、牛舌等。成人每位收費HK$328起，小童每位HK$188起，用餐時間為210分鐘。另外加＄198再享大拖羅、海膽、鵝肝任食的升級優惠！
同時在星期一至五 5:00pm 及 星期六日 11:00am 後，消費滿$300即可有2小時免費泊車優惠。另外在千之味觀塘店點一個午餐亦可免費享用半自助沙律小食吧區。
【午市】 12:00pm – 6:00pm 時段
(用餐時間 3.5小時,時段完結前30分鐘截單)
(需6:00pm前離座)
星期一至五 $328
公眾假期 及星期六日 $348
【晚市】 6:30pm – 10:00pm 時段
(用餐時間 3.5小時, 9:30pm截單)
星期一至五 $368
公眾假期 及星期六日 $388
小童收費 $188
身高90cm至140cm視為小童收費
另加$198可享任食海膽及藍鰭吞拿魚系列，鵝肝（小童及長者除外）
千之味刺身壽司店推限定放題菜單
千之味刺身壽司店
觀塘店地址：觀塘榮業街2號振萬廣場地下G號舖
電話：2669 4726
網頁訂座：https://www.oi-shi-sushi.com/shop/預約/分店預約訂座/
人氣餐廳排名
-
擦餐勁
3個半鐘任食放題仲有鮮甜海膽
#可能係全天后唯一一間放題店 無諗過天后都有放題食🤩仲要鮮甜海膽可以俾你無限量,甚至一板板咁任叫!所以我都毫不客氣地自製各款｢海膽壽司｣,咩都加啲上去,真係超級滿足😝 你以為咁樣食要好貴咩,大人係$328-$388,小朋友$188,每位加$198就可以升級至 #任食海膽､#藍鰭吞拿魚系列､#鵝肝｡另外每人會包movenpick 雪糕一杯｡淨係狂食海膽同藍鰭吞拿已經好快回本😂佢哋嘅#焦糖鵝肝真係一定要試!入口即溶,加埋脆脆嘅焦糖喺面,真係諗起都流口水🤤 #火炙左口魚一直係我至愛,去到邊都會叫,呢度都好好食,滿滿魚油香,同樣入口即溶,滿分💯 呢度仲可以包場,6人以上訂座可以包房,15人打通2間房一齊食,30人仲可以包場添🤩一班朋友嚟食可以自成一角,慶祝生日仲有｢放題生日優惠🎂｣全單九折,再加送 #迷你壽司蛋糕一個,淨係個刺身蛋糕影相都已經打爆卡📸 餐廳都好易搵,搭地鐵嘅話,喺天后站 A2 出口,再經電氣道行7分鐘左右就到｡如果揸車,餐廳門口有錶位,旁邊東岸公園亦有3個停車場可以泊車,非常方便! 想睇有咩食?即刻幫你: 放題Menu:https://www.oi-shi-sushi.com/menu/ 網上訂座:https://www.oi-shi-sushi.com/shop/預約/分店預約訂座/ 📍 千之味 天后威非路道2-10號金都洋樓地下6號舖 #刺身壽司專門店#天后美食#刺身#壽司#日式料理#全新壽司放題#包場放題
閱讀更多
-
擦餐勁
御品．千之味（天后店）
朋友慶生放題🤤210分鐘任食！天后必去！🥳
最近同朋友慶生，專登揀咗呢間位於天后的放題店，貪佢係區內少有嘅放題選擇，而且提供長達210分鐘的用餐時間，可以慢慢食唔使趕，絕對係gathering首選！如果6人以上訂座，更可以安排包房，私隱度十足。由於餐檯不多，所以好快滿座，建議一定要先訂位！ 餐廳收費分為成人$328-$388及小童$188，建議加$198升級至尊貴套餐，即可任食海膽、藍鰭吞拿魚系列及鵝肝等高級食材，性價比相當高。而家仲有「放題生日優惠」，全單九折之外，更送贈迷你壽司蛋糕，有儀式感又唔使另外買生日蛋糕，慳錢又抵食！ 刺身必點清單： 大拖羅油香滿溢、入口即化；中拖羅油脂比例平衡；海膽刺身新鮮鮮甜、口感Creamy；甜蝦同帶子同樣鮮甜爽口，值得Encore！長腳蟹更是回本之選，肉質都幾飽滿，放題少見；象拔蚌清爽鮮美，其他如油甘魚、劍魚腩同磯煮鮑魚質素亦相當高。 壽司｜手卷推薦： 蜜香炙燒和牛壽司及魚子醬炙燒和牛壽司，和牛肉質柔嫩多汁；魚子醬海膽壽司口感豐富；焦糖鵝肝壽司同芒果鵝肝壽司，鵝肝外脆內Creamy，配芒果更顯清新；海膽花之卷料多澎湃，一啖入口超滿足。 炸物即叫即炸： 炸蠔、炸蝦、炸魷魚鬚同芝麻雞翼全部熱辣辣上枱，香脆可口，火候控制得恰到好處。 串燒及煮物： 鹽燒雞軟骨串焦脆有嚼勁；蒲燒鰻魚肉厚無骨，醬汁香甜；燒蠔同燒扇貝極力推介！煮物方面，野菜牛肉鍋湯底清甜、牛肉嫩滑，汁煮牛舌（期間限定）軟稔入味，作為收尾之選非常適合。 自助區提供無限量飲品同甜品之外，每位客人亦可自選一杯自家制雪糕想甜嚐甜，我揀咗焦糖開心果同燉蛋雪糕，另外還有雪米糍供應，為豐富的一餐畫上完美句號。 御品·千之味：天后威非路道2-10號金都洋樓地下6號舖 放題Menu：https://www.oi-shi-sushi.com/menu/ 網上訂座：https://www.oi-shi-sushi.com/shop/預約/分店預約訂座/ #香港美食#天后美食#高質#御品千之味#千之味#刺身壽司專門店#天后美食#刺身#壽司#日式料理#全新壽司放題#包場放題#hkfood#foodie#天后放題#長腳蟹放題#放題生日優惠#包房放題#海膽放題
閱讀更多
-
擦餐勁
御品、千之味(天后店)
長者/小童$188位，免費升級任食拖羅、海膽、鵝肝壽司😍
天后終於有一間高質日式放題啦！呢個放題仲可以食足3.5小時，最抵係長者同小童，每位只需$188，仲可以免費升級任食本鮪拖羅、海膽刺身同埋鵝肝壽司。😁 千之味 (天后)由天后港鐵站A2出口行5-7分鐘就到，超方便。餐廳雖然唔大，6個人以上訂座可以已經可以包房，30人仲可以包場！🎊 升級放題任食嘅拖羅、海膽同埋鵝肝壽司質素都超高。拖羅係選用藍鰭吞拿魚，即係本鮪，油脂特別香濃而且好軟嫩。海膽挺身飽滿應該係加拿大海膽，非常 creamy鮮甜，而且唔單止任食海膽軍艦，連海膽刺身都係任點任食。👍🏻 鵝肝壽司本身有兩款，分別係焦糖同芒果鵝肝壽司，不過既然可以任點海膽刺身，當然要試埋海膽鵝肝壽司啦。😆 其他放題食物都有略略點少少，不過既然升咗級，主要都係食本鮪拖羅、海膽刺身同埋鵝肝壽司。 除自助區提供無限量飲品同甜品之外，另外仲可以任點雪糕，不過 Mövenpick 雪糕就每位只可以揀一款。🍦 埋單時，長者仲有小禮物送！長者$188加免費升級呢個優惠真係超級抵。🎁 千之味（天后） 地址：香港天后威非路道2-10號金都洋樓地下6B號舖 放題Menu：https://www.oi-shi-sushi.com/menu/ 網上訂座：https://www.oi-shi-sushi.com/shop/預約/分店預約訂座/ #hkfood#foodie#高質#香港美食#千之味#刺身壽司專門店#天后美食#刺身#壽司#日式料理#為食爸爸與Asher的親子日常#UCreator #自助餐
閱讀更多
