香港意粉推介｜手工意粉必食｜捲捲意粉外形像即食麵的意大利捲捲意粉，因其獨特螺旋狀造型、Q彈口感及強烈掛汁力，大受歡迎!除了手工意粉店Sofi Pasta Co.都推出捲捲意粉外，甚至酒店都加入，想知捲捲意粉餐廳詳情即睇內文。
捲捲意粉是什麼？Fusilli Lunghi Bucati人氣爆紅
「捲捲意粉」即 Fusilli Lunghi Bucati，最近成為香港飲食圈及社交平台（如IG及Threads）討論度最高的關鍵字。這種螺旋長條又中空的意粉，源自意大利南部坎帕尼亞地區，以傳統硬質小麥製成。其造型不但吸睛，更有「吸醬神器」之稱，無論配合蕃茄醬、忌廉、黑松露或各類濃郁醬汁都一樣出色，入口滑溜彈牙，比一般spaghetti更有層次感。
捲捲意粉餐廳｜1. Sofi PASTA Co. - Threads爆紅意粉店
上環的「Sofi Pasta Co.」就是其中一間開業已吸引大批食客的人氣食店，有和牛肉醬闊條麵、卡邦尼麻花捲粉、焦糖香蕉磅蛋糕、紅茶心太軟及烏龍奶蓋巴斯克等，即睇詳情：
Click圖睇「Sofi Pasta Co.」推薦菜式+詳細Menu：
「Sofi Pasta Co.」位於上環，樓高兩層，樓下提供少量單人座位，樓上則有更多空間，以木系枱凳及暖色燈光打造舒適氛圍。
「Sofi Pasta Co.」全新Menu登場，更可以試到網上爆紅的捲捲意粉！黑松露蘑菇捲捲粉用上白菌、蘑菇、大啡菇、一款較清爽的黑松露醬以及一款濃郁黑松露醬，充滿豐富菌香，不過忌廉味都頗濃，食到最後可能會稍膩。而捲捲意粉食落口感類似好粗的韓式公仔麵，軟硬適中又掛汁。
巴馬臣芝士和牛肉醬闊條麵味道酸甜開胃，闊條麵麵身有驚喜，反而比起捲捲意粉更有咬口。卡邦尼煙腩肉麻花捲粉賣相夠邪惡，有三塊厚切煙腩肉，肥瘦適中而且表面煎香過激發香氣，食落好滿足！
都有不少網友認為餐廳的甜品甚至比起意粉更出色，小編私心推介紅茶心太軟伴檸檬雪糕，中間有爆漿流心效果，而且整體茶味超濃厚帶少少回甘，再搭配微酸的檸檬雪糕平衡茶澀感。烏龍奶蓋巴斯克蛋糕口感順滑，奶蓋綿密，如果烏龍茶香加濃會更佳。焦糖香蕉磅蛋糕配自家製咖啡牛油外層微微焦脆，中間濕潤更有咖啡香氣。
捲捲意粉餐廳｜Sofi Pasta Co.
地址：上環文咸東街6號地舖
營業時間：星期一至五：10:00-20:45；星期六至日：10:30-20:45；break time : 15:00-17:45
訂座電話：6975 6763 *只接受晚市訂座
捲捲意粉餐廳｜2. Italian Bite - 價錢親民/新開不到半年已登社群熱話
Italian Bite 是深水埗西九龍中心最新人氣手工意粉餐廳，位於商場六樓美食廣場，由兩位意大利籍主廚主理，創業初期即於網絡爆紅。餐廳主打每日新鮮自家製的意粉，所有雞蛋、麵粉均選用意大利原產地食材，並堅持店內即場製麵，以親民價（最平$68）讓更多人體驗真正意式手工意粉。開放式小店設計，食客可近距離欣賞廚師即製意粉過程，親切又具質感。開業以來，Italian Bite 憑高質素、實惠定價及用心製作，吸引大量食客排隊光顧，經常出現長龍等候盛況。小店雖然位於美食廣場，但無論麵條製作還是配料選用都展現意大利主廚工藝與誠意，是深水埗必試的地道西餐新寵。
必食推介方面，意大利麻花捲麵配松露蘑菇醬（Truffle Mushroom Strozzapreti）為招牌之選，麵條彈牙掛汁、帶蛋香，松露香氣濃郁卻不膩口；另外，原個即焗千層麵（Lasagna）亦深得好評，醬汁自家熬煮、番茄味突出，入口層次分明。餐廳同時提供意大利細扁麵配自家製肉醬（Tagliatelle Ragù）、意粉螺絲配自家青醬（Fusilli Pesto）等六款經典選擇，全部均為即叫即製。除意粉外，前菜如慢煮小牛肉配吞拿魚醬（Vitello Tonnato）及自家Tiramisu 甜品亦值得一嚐，牛肉細嫩、吞拿魚醬香滑，Tiramisu 口感輕盈，甜度恰到好處，帶來正宗意大利家鄉風味。
捲捲意粉餐廳推介｜Italian Bite地址、電話及營業時間
地址： 深水埗欽州街37K號西九龍中心6樓美食廣場6FC54-59號舖
電話：51031939
營業時間︰星期一至日下午12時至晚上9時
圖片來源：香港茶餐廳及美食關注組
捲捲意粉餐廳｜3. Black coffee
Black Coffee店內裝潢貫徹暗黑美學，無論是牆、傢俱、餐具、甚至部分食物都以黑色為主調，極具型格感與神秘氛圍。落地玻璃令空間透亮舒適，適合打卡及閒聊。更有三款口味選擇，有自家製煙燻豬腩卡邦尼意大利粉、蘑菇忌廉汁配慢煮口水雞扒及蘆筍帶子墨汁捲捲意大利粉。
捲捲意粉餐廳推介｜Black coffee地址、電話及營業時間
地址： 旺角廣華街3號地下3號舖
電話：27960082
營業時間︰星期一至日下午12時至晚上10時
圖片來源：香港18區食好西關注組
捲捲意粉餐廳｜4. 九龍香格里拉意大利餐廳Angelini - 黑松露捲捲意粉
Angelini坐擁維多利亞港壯麗海景，餐廳裝潢現代雅緻，空間舒適休閒，讓你在賞景的同時，細味正宗南意大利風味，讓你一邊賞景一邊品味正宗南意風味。
*按下圖查看餐廳 Angelini環境
Angelini亮點是冼師傅的桌邊烹調表演。主廚會推著餐車到你面前，於D.O.P認證的羊奶芝士巨輪中現刨黑椒羊奶芝士汁，拌入扭紋長通粉，再現刨上季節黑松露片，芝士的濃郁與松露的野性香氣在熱氣中完美融合。
捲捲意粉餐廳推介｜九龍香格里拉意大利餐廳 Angelini地址、電話及營業時間
地址： 九龍尖沙咀東麼地道64號九龍香格里拉閣樓
捲捲意粉餐廳｜5. LIFETASTIC - 風乾豬腩肉玫瑰醬卷卷意粉
LIFETASTIC以草莓西瓜蛋糕爆紅後，分店遍佈香港，包括旺角朗豪坊、銅鑼灣希慎廣場及將軍澳等。品牌主題走溫馨健康路線，除無麩質蛋糕外，更積極拓展鹹點及手工意粉。風乾豬腩肉玫瑰醬卷卷意粉，融合玫瑰花醬、淡忌廉及奶油，帶微甜花香且不膩，平衡豬腩肉鹹香。意粉煙韌彈牙，掛汁力強，每一口都吸收滿滿玫瑰忌廉。
捲捲意粉餐廳推介｜LIFETASTIC地址、電話及營業時間
地址： 銅鑼灣軒尼詩道500號希慎廣場3樓326及330-331號舖
人氣餐廳排名
-
打卡熱點
Sofi PASTA Co.
黑松露意粉打卡一流📸！上環新蒲點！🍝
Sofi PASTA Co. (上環) 📍上環文咸東街6號地舖 🔶黑松露磨菇捲捲意粉 $158 最signatures主菜之一 捲捲意粉🍝質地偏硬 好適合打卡🤣🤣 黑松露味好香 份量正常 價格好進取~ 7.7/10 🔷麻辣奶油虎蝦飲管粉 $128 麻辣醬好惹味 飲管粉好掛汁 麵質軟硬適中 虎蝦有2舊 味道吾錯 7.1/19 🔶蒜蓉牛油炸單骨雞翼 $48 蒜蓉牛油味好香 調味岩岩好 炸得好脆👍🏻 雞翼大約有6-7舊 份量岩一齊分享~ 7.0/10 🔷開心果巴斯克芝士蛋糕 $68 開心果味好濃郁 芝士味好香 口感順滑 甜度適中👍🏻👍🏻 輕鬆食曬成個😍 8.4/10 📝環境坐得吾算好舒服,樓上有啲嘈,2樓冷氣吾係好夠 #打卡美食#我的打卡地圖#eattofit#甜品治癒一切#養生之選#水光肌必備#打造完美髮型#以油養膚締造水光肌#香港美食
閱讀更多
-
打卡熱點
Homeland 旺角店
旺角人氣Cafe 必食近期熱門捲捲意粉
旺角呢間cafe 裝修簡約,燈光柔和, 食物選擇有意粉, Platter, 薄餅, 意大利燉飯等, 連近期熱門嘅QQ捲捲意粉都有😃 🌸明太子雪山芝士薯條 $88 薯條熱辣辣新鮮炸起超級香脆, 上面灑上大量芝士🧀 配上惹味嘅明太子醬好好食😋 🌸蘭王蛋素煙肉凱撒沙律 $78 新鮮沙律🥗菜加上大量芝士碎🧀 配埋流心蘭王蛋加素煙肉會更好食 🌸金沙蟹黃蟹肉QQ捲捲意粉 $178 呢度仲有近期熱門嘅捲捲意粉🍝 捲捲意粉口感好彈牙, 再加上大量蟹肉,蟹黃, 蟹籽同意粉撈埋一齊,超級鮮味 🌸地中海風鮮大蜆青口配酸種麵包 $158 鮮甜嘅蜆肉同青口, 加上酸辣嘅地中海醬汁, 配上蕃茄🍅更開胃 酸種麵包蘸上醬汁都幾好食 🌸牛面頰墨西哥芝士餡餅 $148 牛面頰肉質煮到超淋, 近乎入口即溶, 餡餅裡面仲加左大量拉絲芝士🧀 再配埋牛油果蓉🥑 ﹍﹍﹍﹍﹍﹍﹍﹍﹍﹍﹍﹍ 📍Homeland 旺角彌敦道726號19樓 #捲捲意粉#旺角美食#旺角餐廳#UCreator#打卡美食#好去處
閱讀更多
-
打卡熱點
Sofi PASTA Co.
🇭🇰上環爆紅手工意粉店 用心打造每一道風味✨
|炙燒柚子左口魚蒜香欖油意粉 香氣十足 左口魚炙到微焦 入口油香同魚香融合得好好🥹 連意粉都索晒浸味🤤 不過柚子味反而唔係好出 俾蒜香同橄欖油味蓋過咗~ |麻麻辣辣虎蝦飲管粉 辣度啱啱好 唔會太刺激但夠惹味🌶️ 虎蝦爽口彈牙 飲管粉稍為粗身 煮得啱啱好al dente 而且掛汁力強 每啖都好入味🫣 |黑松露蘑菇捲捲麵 黑松露香滑濃郁 蘑菇粒粒香氣爆滿🍄 捲捲麵口感彈牙又有咬口 果然係招牌菜🤓 |荔枝烏龍梳打 荔枝香同烏龍茶味平衡得好 唔會太甜😋 |芒果熱情果梳打 帶少少酸香 好醒胃 配意粉啱晒🤭 |冰拿鐵 咖啡味順滑 奶香濃郁 唔會苦☕️ |烏龍奶蓋巴斯克蛋糕 質感綿密 奶蓋鹹香中帶茶味 唔會苦澀又唔會太甜🍰 #我的打卡地圖#UCreator#打卡美食#好去處#全新景點#chill#虎蝦飲管粉#黑松露蘑菇捲捲麵#香港意粉#sofipastaco
閱讀更多
