牛舌推介｜香港牛舌｜炙燒牛舌｜牛舌憑藉其獨特的爽脆口感與濃郁肉香，一直是不少肉食獸與日式料理愛好者的心頭好！無論是外焦內粉的極厚切牛舌芯，還是惹味下飯的牛舌筋，香港都有不少優質選擇。以下為大家精選 7 間熱門牛舌名店，快拉埋朋友一起去大快朵頤吧！
香港牛舌推介2026
7大牛舌推介｜1. Gyutan Toku 牛舌專門店
被評價譽為有「日本直送水準」的人氣牛舌專門店！招牌「極上牛舌定食」選用頂級牛舌芯，經過精準火候烤至外層焦香金黃，咬下去肉質嫩滑且帶著迷人的爽彈口感，只需簡單蘸上鹽、豉油與 Wasabi，即能突顯原始肉香。另一款「熟成牛舌定食」同樣功力深厚，厚切牛舌經過熟成處理後，油脂與肉香濃縮釋放，微焦的表皮包覆著濃郁多汁的肉質，保證齒頰留香！
Gyutan Toku 牛舌專門店 營業詳情
地址：土瓜灣天光道44號天光大樓地舖
營業時間：星期一至日：12:00 - 15:00/18:00 - 23:00
電話：26887878
7大牛舌推介｜2. 牛舌食堂
位於佐敦廟街的平民小店，定食低至$68起，性價比極高！重頭戲必點「鐵板極‧厚重量炙燒牛舌芯」，一上檯即帶來滿滿震撼——足足兩條牛舌的超霸氣份量，牛舌芯部位厚實飽滿、外爽內嫩，一咬下熱騰騰的肉汁即在口中爆發！「月見牛舌筋爆丼」碗面堆山般鋪滿燉煮得鹹香入味的牛舌筋，戳破金黃流心蛋黃拌入白飯同食，邪惡感與滿足感同時爆表！
牛舌食堂 營業詳情
地址：佐敦廟街273-285號寶發大廈地下4號舖
營業時間：星期一至日11:30 - 21:00
電話：23236655
7大牛舌推介｜3. Gyu Town 牛舌專門店
深水埗超人氣排隊小店，創下日賣過百條牛舌的佳績！店家將牛舌精細劃分為牛舌芯、牛舌尖及牛舌筋，並針對不同部位給予最佳烹調手法。店家將牛舌細分為牛舌芯、牛舌尖及牛舌筋三個部位。小編大推「三重牛舌御重盒」，一盒滿足三個願望！珍貴的牛舌芯生煎後呈現誘人粉嫩色澤，口感軟腍；牛舌尖帶有些許咬勁，非常彈牙；而牛舌筋粒更是慢火炆煮近兩小時，入口鬆軟入味、肉香超濃郁！
Gyu Town 牛舌專門店 營業詳情
地址：深水埗桂林街46B號地舖
營業時間：星期一至日 12:00 - 15:30/17:30 - 22:30
電話：95738192
7大牛舌推介｜4. 秋嵐日本料理
位於鰂魚涌東匯坊的日料店，午市限定的「極味厚切牛舌定食」（$158）極受附近打工仔歡迎。牛舌切得極具份量，大火迅速鎖住肉汁，切開呈誘人的粉嫩色澤，口感爽脆彈牙又不失嫩滑；定食更貼心附上少許濃郁的咖喱牛舌，鹹香惹味極度下飯！套餐還包含茶碗蒸、沙律及甜品，豐富程度讓人大呼過癮。
秋嵐日本料理 營業詳情
地址：鰂魚涌英皇道1010-1056號東匯坊地庫072號舖
營業時間：星期一至日 11:30 - 15:00/18:00 - 22:00
電話：21113129
7大牛舌推介｜5. 舌丼
深受觀塘與大角咀上班族喜愛的高質牛舌丼飯專門店。主打鐵板與丼飯系列，主角牛舌芯食落爽脆多汁、油脂香濃郁；牛舌尖則帶有軟腍入味的獨特口感。蘸上店家特製的和風鹽蔥汁或濃郁日式牛排汁，能瞬間提鮮解膩。最讚的是彈性極高的配搭，食客可隨心自由雙拼嫩滑雞扒、香濃鰻魚或滋味大虎蝦，一次過滿足多個願望！
舌丼 營業詳情
地址：
- 觀塘開源道60號駱駝漆大廈第三座1樓R室
- 大角咀博文街6C號地舖
營業時間：星期一至六 12:00 - 15:00/18:00 - 22:00
電話：
- 觀塘：21533993 / 59708343 (WhatsApp)
- 大角咀：46452784
7大牛舌推介｜6. 牛舌谷
銅鑼灣新開話題小店！招牌「厚切牛舌定食」（$158）超豐富，隨餐附送沙律、麵豉湯、漬物、前菜、和牛日式咖喱、珍珠米飯及黃豆粉蕨餅，重點是白飯與日式咖喱汁均可免費無限續添！火炙過的厚切牛舌帶著微焦香氣，內裡維持粉嫩爽脆、多汁易咬。再配上麻油洋蔥醬、芒果酸辣醬等四款自家製靈魂醬汁，解膩又有層次，絕對是銅鑼灣必食的牛舌新星！
牛舌谷 營業詳情
地址：銅鑼灣禮頓道13-19號怡興大廈地下C號舖
營業時間：星期一至日 12:00 - 22:00
電話：93881202
7大牛舌推介｜7. 野郎 Stone
想親自掌控熟度？必試這間石燒專門店！牛舌芯原條厚切上桌，賣相非常霸氣。食客可根據個人喜好自選熟度，親手放上熱騰騰的石板上滋滋作響地炙燒。經過石板加熱後，牛舌邊位帶有微微焦香，入口釋放出甘香油潤的油脂感；夾埋底部吸收了牛脂精華的洋蔥一齊食，香濃解膩，打卡又好食！
野郎 Stone營業詳情
地址：北角渣華道123號北角匯二期B1樓一田超市內NP-13-105號舖
營業時間：星期一至日 12:15 - 20:00
電話：54089580
註︰以上資料僅供參考，一切依官方公布資料為準。
延伸閱讀：
圖片來源：Facebook@Gyutan Toku-牛舌專門店、UCommunity@kokofoodsharing、UCommunity@Nana._foodie、IG@gyutan_shokudo、UCommunity@Asura Queen、Facebook@Gyu Town、Facebook@秋嵐日本料理、UCommunity@likkolifelog、Facebook@舌丼、UCommunity@圓碌碌 Circle、IG@gyutanvalley、
-
香港攻略
牛舌食堂
超高CP值牛舌丼！🤤必試🇯🇵 #佐敦
【佐敦超抵食牛舌專門店!平靚正竟然無人講?🤫】 去到佐敦廟街附近,竟然畀我搵到呢間超高性價比嘅｢牛舌食堂｣!餐廳環境行日系路線,簡約得嚟坐得好舒適｡最重要係價錢一啲都唔貴,絕對係牛舌控嘅天堂!✨ 今日推介必試: 牛舌尖 · 牛舌芯 雙重盛宴 ($128):一次過食勻兩個唔同部位,口感豐富,滿足感爆燈! 我自己覺得牛舌尖好食過牛舌芯,不過兩款都好腍好好味👍🏻 呢個鐵板底再加埋洋蔥同埋蒜頭,真係超級香口! 月見牛舌筋爆丼 ($68):呢碗真係性價比極高!面頭鋪滿肉汁濃郁嘅牛舌筋,仲要吉埋隻流心蛋黃,撈埋白飯食真係一流! 價錢親民又好食,環境又舒服,真係要再去多轉!快啲帶埋身邊嘅牛舌控朋友一齊去試下啦! 味道:⭐⭐⭐⭐ (5星為最滿意) 環境:⭐⭐⭐⭐⭐ 服務:⭐⭐⭐⭐ 性價比 :⭐⭐⭐⭐ 📍 牛舌食堂 (佐敦) 佐敦廟街273-285號寶發大廈地下4號舖 #佐敦美食#牛舌食堂#佐敦好去處#香港牛舌#日系餐廳#平民美食#香港探店#相機食先
閱讀更多
-
著數報料
TERA (佐敦)
牛舌控注意！佐敦新店買一送一！🥩🔥
⧖ Tera Dining Group又有新brand啦😍 全新專線品牌專注牛舌 做到極致✨🥹 作為食肉獸當然就襯放假就即刻走咗去試啦💨💨🤪 依家新開張仲做緊買一送一快閃推廣優惠🎉 ‼️✨所有御飯及鐵板買一送一✨‼️ ➢ 三重牛舌御重盒 $138 牛舌芯|牛舌尖(5片)|牛舌筋 呢個御重盒有曬三款牛舌,一次過滿足曬三個願望!💕 牛舌芯非常高質,肉質鮮嫩食落充滿層次感,建議再切薄啲咁食💫 牛舌筋已經切好曬一粒粒,食落好有彈性,富有嚼勁, 絕對適合喜歡口感豐富嘅朋友😆 牛舌尖,咬落去幾爽口, 再點一點七味粉或者沖繩海鹽,成件事再度升華🤩 ➢ 秘製鹽蔥厚切咸牛舌(8片) $128 望落如此厚度,完全唔會因為厚切而感到硬,食落好軟嫩又juicy🥹 再加埋佢個秘製鹽蔥,調味恰到好處,牛舌嘅味道就更加突顯✨ ➢ +$18 升級套餐 (附野菜沙律 及 洋蔥牛舌湯) 洋蔥牛舌湯飲落清甜爽口,湯裡仲有好多牛舌粒😍 📍牛舌食堂 (佐敦) 佐敦廟街273-285號寶發大廈地下4號舖 #牛舌食堂#牛舌#TeraDiningGroup#佐敦美食#廟街#香港美食#香港必食#hkfood#HongKongFood#我想食lifetastic聖誕蛋糕#fullbody純黑魅力
閱讀更多
-
香港攻略
牛舌食堂
一餐齊集三種牛舌口感
作為牛舌控，最近俾我發覺佐敦有間專食牛舌嘅小店，價錢以專門店嚟講算係好親民，但份量同用料都幾足，性價比高。呢度主打各款牛舌料理，足足有11款唔同配搭，每款仲可以自選兩種調味料，包括沖繩海鹽、古早七味粉、清爽日式芥辣、解膩柚子醬油，同埋自家製蔥油，各有不同風味，值得嚟慢慢細嚼。 蒲燒鰻魚佐牛舌尖 $128 一份雙拼，兩種享受！呢個組合幾有心思，一啖係海味嘅甘香，一啖係牛香爆發。蒲燒鰻魚肥美柔嫩，油脂豐富，鰻魚汁鹹中帶甜，深入晒魚肉入面，好入味。至於牛舌尖，口感相對結實，帶有嚼勁，同軟腍嘅鰻魚形成強烈對比。 三重牛舌御重盒 $138 大推呢個「三重牛舌御重盒」，一次過食晒主打嘅三款牛舌部位，牛舌芯嘅嫩、牛舌尖嘅嚼勁、牛舌筋嘅香，齊晒！原條牛舌芯外脆內嫩，真係好彈牙，個人覺得配柚子醬油或者海鹽最夾。牛舌尖雖然相對肉質較硬，但越嚼越有味。牛舌筋就炆得夠入味，經燉煮後軟糯得嚟帶少少嚼勁，肉香味重。 以上任何一款主食，只要加$18就可以升級為套餐，會附送野菜沙律同洋蔥牛舌湯。沙律菜好新鮮，牛舌湯幾清甜，入面真係有炆到好腍嘅牛舌。 追加小食 味付螺肉 $25 呢個味付螺肉幾惹味，鹹香得嚟唔會過重，作為前菜或者間場小食都唔錯。 牛舌筋小食 $25 如果覺得套餐嘅牛舌筋唔夠喉，可以追加呢個小食。口感同樣好軟腍，醬汁好入味，係一個穩陣又滿足嘅選擇。 牛舌食堂：佐敦廟街273-285號寶發大廈地下4號舖 #牛舌 #佐敦美食 (此文章由U Blog 同步發佈至社群)
閱讀更多
