糯米糍推介｜軟糯煙韌的外皮，包裹著香甜綿密的內餡，每一啖都皮薄爆餡，是一眾糯米糍控的專屬幸福感！香港有不少馳名糯米糍小店，例如荃灣民豐粉麵行、深水埗均香餅家、生隆餅家及元朗驊記糕點屋，每一間都有琳瑯滿目的口味選擇，從經典花生及芝麻口味，到清新香甜的芒果及草莓口味，甚至近年大受歡迎的開心果及榴槤等創新口味，總有一款適合你的口味。立即mark實以下糯米糍小店推介，一起發掘你的No.1糯米糍吧～
香港糯米糍12間推介
糯米糍推介｜1. 民豐粉麵行
老字號民豐粉麵行扎根荃灣60多年，每日店內人龍絡繹不絕，主打招牌手製爆餡糯米糍，最平$6一粒！民豐粉麵行推出的開心果糯米糍備深受開心果關注組力捧，每日開賣時店外都有長長人龍排隊購買，高峰期曾日賣6,000粒！另外，民豐粉麵行的韭菜餅、生餃子和湯丸同樣深受街坊歡迎，值得大家一試。
民豐粉麵行
荃灣店
地址：荃灣街市街35號地舖
電話：24926860
營業時間：星期一至日 08:30 - 22:00
深水埗店
地址：深旺道28號V Walk 2樓L2-93號舖
營業時間：星期一至日 13:00 - 19:00
資料及圖片來源：IG@kylie_foodaily、IG@joeie_foodie及IG@2hungrybesties
糯米糍推介｜2. 生隆餅家
生隆餅家紮根深水埗超過20年，是深受街坊歡迎的老字號餅店，糯米糍出名皮薄餡靚，其中花生口味最受歡迎，出名用料十足，有滿滿的脆脆花生粒，每一啖都是傳統滋味！店內亦有砵仔糕、雞仔餅、白糖糕及皮蛋酥等傳統唐餅，糕餅從早到晚密密出爐，每逢節日出售月餅的日子，亦吸引不少人排隊購買。
生隆餅家
地址：深水埗北河街66號地舖
電話：2360 1359
營業時間：星期二至日 07:00 - 19:00
資料及圖片來源：香港旅遊發展局、小紅書@victoriay_eatwithvic生活分享、小紅書@阿糯叽叽及小紅書@47 PHOTO
糯米糍推介｜3. 雪媽糍 S’machi Mochi
由IG網店起家的S’machi Mochi雪媽糍，在銅鑼灣也開設了實體店面，糯米糍大福由店主全人手製，大大粒脹卜卜，麻糬皮薄且煙韌爆餡！每個月會供應不同口味的自家製糯米糍，包括士多啤梨紅桑子、芒果、榴槤、香芋美祿脆脆及抹茶Oreo味等等，忌廉餡雪凍後如雪糕般冰凍幼滑，解凍後糯米皮又有軟糯拉絲的效果，兩種吃法雙重口感～
雪媽糍 S’machi Mochi
地址：銅鑼灣告士打道271-275號海都大廈地下10號舖
營業時間：星期一至日 12:00 - 20:00
資料及圖片來源：IG@S’machi 雪媽糍
糯米糍推介｜4. 均香餅家
在深水埗屹立超過40年的均香餅家，近年憑藉「爆餡糯米糍」在網上爆紅！其中，最受食客追捧的開心果口味，以濃郁開心果醬內餡，夾雜着粒粒果仁，真材實料的口感令食客們紛紛大讚！此外，花生、芝麻及豆沙等經典口味亦廣受喜愛，Q彈有嚼勁的糯米皮，搭配香甜綿密的餡料，簡單卻令人回味無窮。
均香餅家
地址：深水埗北河街203號地舖
電話：2777 0719
營業時間：星期一至日 08:30 - 22:00
資料及圖片來源：均香餅家及IG@kwanhongbakery
糯米糍推介｜5. 驊記糕點屋
堪稱「元朗隱世名物」的驊記糕點屋，主打傳統手作糕點，如糯米糍、砵仔糕、蘿蔔糕、年糕及茶粿等等。必試老闆娘手人製作的花生糯米糍，每一粒都即叫現包，由開漿、蒸煮糯米糍皮、炸花生餡、壓花生餡、包餡，均由老闆娘和老公一手包辦。糯米糍入口時仍然微暖，軟糯外皮又薄又滑，花生餡多到一咬即時爆開！
驊記糕點屋
地址：元朗元朗安寧路20-24號利群樓地舖
營業時間：星期二至六 10:30 - 17:00
糯米糍推介｜6. 聰記糯米糍
聰記糯米糍是灣仔的糯米糍外賣小店，糯米糍以大大粒及足料見稱，被唔少食客力讚糯米糍真材實料！其中最受歡迎的芒果糯米糍，採用新鮮呂宋芒果，香甜多汁，糯米皮煙韌軟糯。除了經典芒果口味之外，亦有花生、芝麻、芒果、榴槤及奇異果等多種選口味，部分糯米糍更有買五送一１優惠。
聰記糯米糍
地址：灣仔軒尼詩道289號地下B號舖
電話：2511 1428 / 2511 1848
營業時間：星期一至日 10:00 - 22:00
資料及圖片來源：小紅書@史小台、小紅書@egg及小紅書@芋泥椰椰冰🥥
糯米糍推介｜7. 滑嘟嘟 Sweet Bon Bon
滑嘟嘟位於大埔墟街市，以即叫即製嘅客家糯米糍聞名，糯米糍外皮煙韌，餡料豐富，最受歡迎嘅係芝麻花生口味，餡料滿瀉，香口惹味！店內的石磨芝麻糊及合桃糊也大受歡迎，是低糖的健康甜品之選。招牌糯米糍被不少食客稱為大埔名物，絕對值得糯米糍控一試！
滑嘟嘟 Sweet Bon Bon
地址：大埔鄉事會街8號大埔墟街市及熟食中心2樓CFS29號舖
電話：9172 9433
營業時間：星期二至五 12:00 - 20:00 / 星期六至日 12:00 - 21:00
資料及圖片來源：FB@滑嘟嘟 Sweet Bon Bon、小紅書@Hello Nolo及小紅書@💜咏咏💟
糯米糍推介｜8. 允升甜品
允升甜品是長洲著名的甜品店，以芒果糯米糍聞名！小店的糯米糍皮薄煙韌，包裹著大大塊香甜多汁的芒果，用料十足，是長洲必試的經典美食，另有榴槤口味及黑糯米外皮等選擇。不少食客大讚允升的芒果糯米糍，糯米皮十分Q彈，整體口感豐富，亦推薦店內其他芒果甜品，包括芒果腸粉及楊枝甘露等等。
允升甜品
地址：長洲新興街5號地舖
電話：2981 5032
營業時間：星期一及三至日 12:00 - 22:00
資料及圖片來源：小紅書@linglingdolly及小紅書@Joey粥姨
糯米糍推介｜9. 小正大福 Justformochi
小正大福由網店發展到實體店，主打無油、低糖、無添加、零負擔的糯米糍大福，所有出品均以全手工製作！必試的香印荔枝烏龍大福，以軟糯麻糬皮配上清甜荔枝玫瑰芝士及爆汁香印提子，後續有清香的烏龍茶忌廉和烏龍茶脆脆作結尾；喜歡茶味的朋友可試試宇治抹茶牛乳大福，感受北海道3.6牛乳布丁餡與香濃抹茶味的完美結合。
小正大福 Justformochi
銅鑼灣店
地址：軒尼詩道500號希慎廣場URBANHOOD B1樓
營業時間：星期一至日 12:00 - 21:30
尖沙咀店
地址：河內道18號K11購物藝術館B2樓Kiosk 4
中環店
地址：皇后大道中93號中環街市1樓109號舖
營業時間：星期一至日 11:30 - 20:30
資料及圖片來源：justformochi by 小正大福及IG@justformochi
糯米糍推介｜10. Sum Sum Dessert
店主靠一粒粒麥提莎糯米糍打出名堂，其招牌麥提莎糯米糍有多種口味，包括原味、Oreo及黃豆粉等等，以煙韌糯米皮包裹香脆麥提莎，帶來獨特口感。除經典口味之外，店主亦不斷推出新穎的糯米滋選擇，如榴槤、開心果、焙茶甘栗、伯爵奶茶及特濃黑芝麻等等。
Sum Sum Dessert
地址：觀塘巧明街117號港貿中心13樓1305室
電話：6601 1523
營業時間：星期一至日 12:00 - 20:00
資料及圖片來源：IG@sumsum_dessert
糯米糍推介｜11. 簡品堂 Fresh Fresh Bakery
Fresh Fresh Bakery的糯米滋以豐富口味聞名，尤其開心果口味備受推崇，內餡濃郁帶有香脆的開心果碎和榛子脆脆。另外，亦有多款熱門口味選擇，如抹茶紅豆、草莓脆脆及大甲芋泥都各有特色！糯米滋餡料飽滿，加入脆脆增添口感層次，味道亦不會太甜，絕對值得一試。
簡品堂 Fresh Fresh Bakery
旺角店
地址：港鐵旺角東站MKK 1號舖
電話：6572 4395
營業時間：星期一至日 07:30 - 21:00
天后店
地址：電氣道22-52號金殿大廈地下13號舖
電話：2813 9122
荃灣店
地址：青山公路荃灣段300-350號荃錦中心2樓186-187號舖
營業時間：星期一至日 08:00 - 20:00
資料及圖片來源：小紅書@Opsssss及小紅書@懶洋洋
糯米糍推介｜12. 旮旯 Corner of Sweets
旮旯的糯米糍以其獨特的「麥糍」 而聞名，是一種以煙韌糯米皮包裹麥提莎朱古力的創新甜點，其招牌口味包括原味及抹茶味，抹茶口味的糯米皮更帶有濃郁的宇治抹茶香氣。糯米皮本身味道較淡，結合麥提莎朱古力甜度剛好，並帶來有趣的外軟內脆的雙重口感！旮旯主要以網店形式經營，並在屯門設有工場供自取訂單。
旮旯 Corner of Sweets
訂購網站：www.cornerofsweetshk.com
Instagram專頁：@corner_of__sweets
資料及圖片來源：IG@corner_of__sweets及旮旯製菓
同場加映：開心果糯米糍食譜｜簡易5步完成／皮薄爆餡／軟Q煙韌
同場加映：【簡易廚房】最新影片
-
甜品
荃灣街市街35號
🇭🇰荃灣超人氣糯米糍😆
🐷📌 #豬西食新界#豬西食荃灣 民豐粉麵行係荃灣一間有超過70年歷史嘅老字號小店,主打新鮮手工粉麵同街坊小食,尤其係佢哋每日新鮮製作嘅糯米糍,價錢親民,深受本地人歡迎｡ 🐷花生味糯米糍 呢款糯米糍用人手炒香花生,再磨碎混合砂糖做餡,入口有明顯嘅花生香同細膩嘅沙感,甜度適中,皮薄煙韌,咬開即爆餡,帶嚟滿滿幸福感,好似食緊糖不甩咁懷舊｡ 🐷芝麻味糯米糍 芝麻糯米糍同樣係手炒芝麻製成,香氣濃郁,味道層次豐富,芝麻味濃而不膩,搭配煙韌糯米皮,口感豐富又有嚼勁,係經典必試款｡ 民豐粉麵行嘅糯米糍每日清晨開始製作,確保新鮮爆餡,建議買完即日食用,避免放雪櫃影響口感｡價錢親民,花生同芝麻口味只需$6一粒,性價比極高,係荃灣街坊嘅平民美食代表｡ 民豐粉麵行 📍荃灣荃灣街市街35號 營業時間:8:30am - 10:00pm #吃貨日常#荃灣美食#糯米糍#花生糯米糍#芝麻糯米糍#香港老店#街坊小食#爆餡糯米糍
閱讀更多
-
打卡熱點
荃灣名物 l 民豐糯米糍 l 厚皮軟糯，餡料香濃
身為一個糯米糍愛好者,我今次專程去到荃灣,試吓呢間人氣高企嘅民豐糯米糍｡佢哋嘅糯米糍以厚皮軟糯､餡料香濃見稱,今次試咗芝麻､花生同紅豆味,果然冇令我失望! 芝麻糯米糍 糯米皮雖然比一般嘅厚身,但依然保持軟糯嘅口感,咬落去煙煙韌韌,帶點Q彈,完全唔會黏牙｡入面嘅芝麻餡真係多到爆出嚟,芝麻嘅香濃味道非常突出 花生 滿滿嘅花生餡 紅豆 紅豆味糯米糍嘅紅豆餡係紅豆泥,雖然唔係粒粒紅豆可見,但紅豆泥嘅味道非常香濃,口感綿密細滑,甜而不膩 #UCreator#打卡美食#chill#我係咖啡達人
閱讀更多
-
港式美食
民豐粉麵行
實測：荃灣民豐粉麵行招牌爆餡糯米糍✨
在荃灣住了一段時間,一直都想慕名試下荃灣老字號｢民豐粉麵行｣的招牌爆餡糯米糍,尤其是開心果味😆 今日終於扚起心肝去買,但完全估唔到要大.排.長.龍😱 為既就是買糯米糍!我哋今次足足排左半個鐘多啲! 最後買哂4個口味｡ 首先,外皮煙韌軟熟,餡料真的非常澎湃! 1. 開心果味 $12/件 是早前首度推出限定,反應相當熱烈的新口味❣️開心果味突出,眼前一亮✨ 好彩買了2件,大推👍🏻👍🏻👍🏻 2. 芝麻味 $6/件 芝麻餡食落好香口,芝麻味濃郁,$6實在太值得食!也非常慶幸買了2件🥳 3. 榛子味 $12/件 也是新口味,滿心期待會好好味,但是榛子味不夠突出😮💨 比較失色｡同樣$12,我會選擇開心果味｡ 4. 花生味 $6/件 本人其實不太喜歡食花生,但呢個糯米糍的花生餡是非常香口細緻,花生味濃郁｡經典真是經典｡ 💭總結,開心果>芝麻>花生｡爆餡糯米糍果然名不虛傳!大家如果經過又唔算長龍,記得買一盒返屋企食😚 不過最好即日食哂,因為我留返2件翌日早上食,已經無咁香了~ *-｡-｡-｡-｡-｡-｡-｡* 推介度:❤️4.5/5 CP值:👍🏻4.5/5 好味指數:👅4.6/5 *-｡-｡-｡-｡-｡-｡-｡* #荃灣美食#街市街#民豐粉麵行#糯米糍#爆餡糯米糍#開心果控#開心果糯米糍#芝麻糯米糍#花生糯米糍#榛子糯米糍#排長龍係有原因嘅#相機食先#不專業食評#hkfoodie#foodie#hkigfoodie#hongkongfoodblogger
閱讀更多
