灣仔Novotel Century諾富特世紀酒店自助餐買一送一優惠！$233任食生蠔／肉眼扒／Mövenpick雪糕

asheryuen2019

著數報料

Pier Lounge & Pier Bar

3.5小時任食烤龍蝦自助晚餐🦞

海洋公園萬豪酒店兩間餐廳自助餐最近都推出買一送一優惠，Pier Lounge & Pier Bar燒烤自助晚餐折完連加一都只係$401/位，呢個價錢可以任食廚師即場烤製海鮮之餘，仲包括多款自助餐熱葷、凍海鮮同甜品，性價比非常高。👍🏻 無限量供應嘅燒烤海鮮當中最吸引一定係波士頓龍蝦，另外餐廳嘅西班牙燒乳豬都好出色，凍海鮮有鱈場蟹腳，甜品選擇都唔少。Pier Lounge & Pier Bar燒烤自助晚餐逢星期五至日供應，新一輪買一送一會喺9月2日中午開賣。⏰️ Pier Lounge & Pier Bar 地址：黃竹坑黃竹坑道180號香港海洋公園萬豪酒店 KKday買一送一優惠連結： https://www.kkday.com/zh-hk/product/127950?cid=16164 #KKdayHK#hongkongoceanparkmarriott#pierloungeandpierbar#香港海洋公園萬豪酒店#自助餐#燒烤海鮮自助餐#波士頓龍蝦#自助餐 #UCreator

leewengii

香港攻略

Le Cafe - 香港諾富特世紀酒店自助餐

$200 🦪生蠔任食酒店自助晚餐 灣仔Novotel內Le Cafe, weekdays半自助晚餐，openrice價 成人$200/小童$120，已連加一，weekends $230。要主菜另加$100。 坦白講，呢啲平價酒店自助餐，多數伏，我去之前個心態都係200蚊唔好咁大期望，但呢度令我喜出望外，我完全feel到餐廳嘅誠意，收你蔗渣嘅價錢但盡量做到燒鵝嘅味道畀你，食物質素我覺得甚至好過唔少五、六百蚊嘅酒店自助餐。 首先所有食物賣相絕不馬虎，自助區食物種類繁多。蟹腳係我近年食過最甜嘅，生蠔比較薄身，但至少新鮮。三文魚魚生極厚切極肥美極新鮮，贏哂所有放題舖。炸物係熱係脆嘅。有煙三文魚、少量凍肉、芝士。普羅旺斯燉菜、西班牙蛋餅、意式風味嘅水波蛋同烤香腸。連預伴沙律都調味得宜，真係冇乜邊樣嘢係難食。我今日weekday嚟大約七、八成滿，大約50人左右，全部客都好斯文，唔使排唔使搶，可以由六點半食到九點半，就算去到尾聲啲食物都繼續有refill而且繼續保持賣相整潔。 甜品款式琳瑯滿目，tiramisu同巴斯克蛋糕都極高質，仲有mövenpick雪糕任食。 第一次openrice訂預付套餐滿$500用個code"Menu50"可以減$50，所以我同一張單買咗一個冇主菜$200+一個$300有主菜，total $500減$50，變相多$50多個主菜。埋單再用雙倍+Fun dollar優惠。 主菜揀個牛扒都dope, 好香炭燒味，唔好話加50，其實加100都抵，唯一「唔抵」嘅原因係自助區本身已經好多好嘢食。旋轉樓梯落半層酒吧仲有live music。服務都好好，收碟好密。 呢間我係會再encore同埋推薦畀朋友。 #步步糕升

Jannis

香港攻略

Le Menu - 六國酒店自助餐

夏日盛宴自助餐。六國酒店

人生有時不需有重大目標, 看似簡單的食得、訓得、屙得, 其實也不是輕易能做到~ 食得, 就是看到食物會有食慾, 六國酒店Le Menu 有折扣優惠, 今個夏日可以吃到盡!  肉肉之選有燒牛肉眼扒, 可配搭李錦記黑椒醬; 而片皮鵝, 光看外表都已經好吸引!  串燒區有烤虎蝦、牛脷、多春魚、雞翼、雞軟骨等, 夠焦香, 這也是我喜歡的部份.  西式熱葷, 無論賣相及味道都值得比讚. 例如香煎三文魚柳配法式龍蝦汁、烤焗豬肋骨配菠蘿燒烤醬. 中式熱葷的話, 我會喜歡黑椒薑蔥炒龍蝦鉗, 好惹味!!! 肉質實淨、黑椒的香辣, 配搭很好.  另外就是芝士蘑菇焗蟹蓋, 好足料~ 其他熱葷有酥炸生蠔、蠔皇海螺片、上湯菜膽雞、椒鹽大蝦、蒜蓉粉絲蒸扇貝、紅燒獅子頭、馬莎曼咖哩雞、蔥餡拉餅、龍蝦海鮮茶碗蒸等等.  當晚的湯品有竹絲雞螺頭燉豬展及龍蝦湯, 兩款都推介, 而龍蝦湯用了李錦記法式龍蝦醬, 喝完好想自己也煮煮.  當晚兩次敲鐘, 都有新意~ 第一次是弄花膠意大利飯, 以李錦記法式龍蝦醬去煮, 好好味~  第二次是火焰燒菠蘿, 以我喜歡的冧酒混牛油去烹調, 香味四溢, 少少焦糖效果, 更顯菠蘿甜度.  對於火焰雪山有點偏愛, 因為有少少酒香, 外層蛋白燒得焦香, 內裏是冰凍雪糕, 不知道在香港仍有幾多餐廳會做這款甜品.  冰鎮海鮮有多膏龍蝦、長腳蟹、蝦、青口、麵包蟹等; 刺身則有赤貝、八爪魚、甜蝦、三文魚等.  預拌沙律方面有華都夫沙律、龍蝦雜果沙律、德國薯仔沙律等, 每次一出都好搶手.  甜品款式不算多, 但也找到合心意的, 蘆薈柚子果凍、抹茶歌劇蛋糕、檸檬撻、熱情果朱古力蛋糕、櫻花意式奶凍.  焦點的有泡芙塔、焦糖燉蛋、葡撻, 香滑誘人.  必定要吃的是即製窩夫配多款haagen-dazs 雪糕.  最後吃點水果補充維他命, 以完結當晚自助餐, 滿足~  餐飲包一杯咖啡或茶, 而每位加HK$78就可無限暢飲汽水及凍果汁; 加HK$108無享暢飲啤酒、紅白酒、氣泡酒.  夏日盛宴自助晚餐4小時全時段成人收費為$838/位、長者$738/位、小童$548/位，逢星期五~日及公眾假期供應，凡於訂座起三日內繳付全數可享七折優惠，另外也可任選兩小時價位便宜$100。  Le Menu 地址: 灣仔告士打道72號六國酒店1樓 歡迎與我聯絡: jannis_tang174@hotmail.com Facebook Fanpage: Jannis Tang Through the looking glass  IG: JannisTang #火焰雪山 #自助餐 #dinner buffet #baked alaska #六國酒店 #summer feast #Gloucester luk hong kong (此文章由U Blog 同步發佈至社群)