紅磡嘉里酒店推出韓式自助晚餐 韓式醬油醃大蝦／烤肉／人參雞湯／傳統菓子／鯛魚燒

dopeyhaha

食譜

韓式鍋巴粥-超!!!簡易食譜😆

喺韓國去旅行見到呢包鍋巴，心諗呢包零食應該脆口🤣點知睇真啲🤣要煮既？！😗 即刻翻譯返個煮法😀 試食完好有驚喜🥰 只需要將啲鍋巴加啲水\湯🤣 煮5-10分鐘就成為一煲鍋巴粥！🥣 可以按照你自己既喜好， 有食譜會加入人參，雞/原味食。 超簡易同超懶人食材，咁就一餐🤪 出完呢個食譜，都覺得自己有啲過分🤣 #COOKwithUCreator#速煮系列#秋季必備湯水#狂歡partytime

Fatty_taste_founder

韓國菜

Dol Dam Gil Korean Restaurant 石牆道

醬油蟹🦀牛排🥩烤肉😋尖咀韓菜推介！

最近同朋友去咗間位於尖沙咀嘅韓國餐廳,食咗幾樣菜,服務員好熱心款待,座位都非常舒適,食完非常滿足｡真心推介大家去｡ 醬油螃蟹 首先,呢個醬油螃蟹,蟹嘅肉質好鮮,特別係蟹鉗,撕開嚟一嚿嚿肉滑滑嘅,加上醬油嘅調味,味道入面好透,配埋紫菜飯,撈埋一齊食,正正好襯出蟹肉嘅鮮味｡ 調味牛大排 接住係調味牛大排牛肉烤得非常好,外面有一層香脆嘅焦皮,咬落去肉質柔嫩,完全冇筋｡佢哋嘅調味搭配得好好,唔會太重口味,反而更加突出牛肉本身嘅鮮甜味｡可以包著生菜一齊食,味道一流｡ 韓國烤肩瘦肉 燒嘅時候香氣四溢,食落去有一種炭燒嘅香味,肉質嫩滑 炸人參 呢個真係一個驚喜!外脆內軟,炸得剛剛好,唔油膩｡人參嘅香味淡淡地散出嚟,配搭埋蜜糖,味道好夾｡呢個唔單止好味,仲好養生｡ 人參雞湯 佢哋嘅人參雞湯湯底濃郁,雞肉煮得好滑,啖啖肉都好入味,湯水清甜#韓式料理#韓國美食#韓國#尖沙咀韓國餐廳#韓國烤肉#醬油螃蟹

frostiewithfood

擦餐勁

CHEF ZONE

尖沙咀韓式自助餐🤤醬油蟹烤肉全部任食🦀🍖

#frostie尖沙咀之旅#frostie韓式之旅 ✅ #chefzone 📍美食探險👉 @frostiewithfood - 🔥尖沙咀韓式自助餐 任食醬油蟹烤肉海鮮🔥 韓國菜食得多,韓式放題有冇食過呢?今次同朋友去到一間由韓國廚師主理嘅放題餐廳,地點位於尖沙咀,係全港首間韓國自助餐,主打過百種地道韓食,90%食材及用料來自韓國｡環境闊落,坐得都幾舒服,晚市及星期六日設有 90/ 120 分鐘放題可選,而今次食嘅係晚市90分鐘放題~ 一坐低就望下啲自助區有邊啲野食｡ 自助區範圍好大,亦都比較分散,大概可以分為刺身､壽司､街頭小食､炸物､沙律､熱食､韓式拌飯､湯品､甜品､飲品等等｡一啲單價比較高嘅食物,比如醬油蟹､醬油蝦､鮑魚､烤肉有齊,一啲街頭嘅小食比如魚片､辣炒年糕､飯卷等等都有｡佢哋有一個港式嘅自助區,有燒賣､蝦餃等式點心｡ 最特別嘅係每枱都有兩個夾仔,當客人想食某啲要即場製作嘅食物時候,就可以留低個夾仔,等師傅整好嘅時候,再返去認領返食物,覺得呢樣嘢都幾貼心,客人唔使喺度呆等❤️ 由於種類繁多,實在冇辦法一一列出,只好舉數個例子｡餐廳有唔少熱食,當中韓式炒雜菜係經典菜式之一,加入大量蔬菜､菇菌,用麻油調制過,味道爽口美味,完全體驗到廚師嘅功力👍🏻 餐廳嘅粥品亦都唔錯, 包括有 海帶湯､鮑魚粥､人蔘雞湯｡ 鮑魚粥味道鮮甜,唔會有內臟嘅腥味;人參雞湯飲落去就好滋補,仲加咗紅棗點綴｡餐廳仲有韓式豆腐湯,不過即場製作,需要排隊,滑溜嘅豆腐,加上大量既配料,暖和又美味🤣 另外飲品嚟講,除咗有傳統嘅米酒､檸檬水､青梅汁之外, 餐廳仲可以排隊攞即場炮製嘅蘋果紅蘿蔔蔬果汁,蔬果汁帶有橙紅色嘅外表,但係飲落去係蘋果香味,味道清甜,好受歡迎🥰 最後點少得甜品,除咗有一大雪櫃裝滿各種嘅韓式雪條之外,仲有得自己裝雪糕食,仲話好食過意大利雪糕添｡ 另一邊有部雪糕機,可以食朱古力或者係雲呢拿味,當然亦都可以鴛鴦兩溝咁樣食｡ 甜品除咗有雪糕之外,仲有唔少蛋糕､水果､雪花冰､朱古力噴泉等等,應有盡有😗 最近餐廳有個95折優惠活動進行中,Chef Zone｢最佳美食大賞｣,只要係下列帖子留言,以及上傳 Chef Zone 美食靚相,就有機會拎走金戒指! https://www.instagram.com/p/DQiqydyEnb3/ - 分數:4/5 - 🏠 @chefzone_hk @media.vas - #香港美食#食評 #尖沙咀#尖沙咀美食#tsimshatsuifood #韓式自助餐 #buffet#UCreator#自助餐#香港美食#九龍美食 #尖沙咀美食#醬油蟹放題#韓式自助餐