人氣爆餡泡芙店「AW Patisserie」由法國藍帶前五星酒店餅師主理，最近新進駐尖沙咀K11 Artmall！尖沙咀AW Patisserie 泡芙有開心果麻糬、焦糖燉蛋、腐竹薏米、黑芝麻湯丸、威士忌比利時黑朱古力脆脆等口味，甜品控必試～
Click圖睇泡芙款式+價錢：
同場加映：U Food【簡易廚房】最新影片！
招牌菠蘿皮手工泡芙共6款口味，AW Patisserie 新出威士忌比利時黑朱古力脆脆泡芙，用上蘇格蘭威士忌、70%比利時朱古力、意大利榛子脆脆，至適合喜歡Whisky的朋友。台式芋泥鹹蛋海苔肉鬆麻糬泡芙層次豐富，手工芋泥加上流心奶黃、鹹蛋黃粒和紫菜肉鬆，鹹甜滋味。腐竹薏米泡芙有驚喜，腐竹吉士味道清香，混合了薏米好有咬口，不過腐竹味略為被黃豆忌廉蓋過了風頭。
推介特濃意大利開心果麻糬泡芙，選用意大利西西里100%純開心果醬和烘焗伊朗開心果碎，果仁味香濃突出。
人氣口味：Crème Brulee 法式焦糖燉蛋泡芙，金黃炙燒焦糖脆面超邪惡，內有爆餡雲呢拿吉士配瑞士蛋白霜，甜度適中。
黑芝麻湯丸泡芙用上日本九鬼黑芝麻醬、吉士和香緹忌廉，黑芝麻味三重濃醇，加上煙韌麻糬，配竹炭菠蘿皮泡芙。
除了招牌爆餡菠蘿皮泡芙外，銅鑼灣AW Patisserie 還有供應瑪德蓮蛋糕，包括九鬼黑芝麻湯丸、花生湯圓、Lotus焦糖餅咖啡、京都抹茶紅豆麻糬、煙肉芝士和原味牛油。
AW Patisserie 的蛋糕Jar系列亦值得一試，蛋糕樽共3款口味，有期間限定的D24馬來西亞榴槤蛋糕、特濃開心果蛋糕、日本焙茶蛋糕，層次豐富。榴槤蛋糕足料鋪滿D24榴槤純果蓉（無添加糖），榴槤味超香濃！至於焙茶蛋糕加了Valrhona黑朱古力脆珠、仙草凍豐富口感。
AW Patisserie
尖沙咀SOGO Pop-up店
地址：尖沙咀河內道19號 K11 Artmall B2層Kiosk 1
營業時間：12pm - 8pm
荃灣工場自取點
地址：荃灣德士古道166號德豐工業中心2座12樓11室
取貨時間：星期一至五 12pm - 6:30pm｜星期六及公眾假期 12pm - 5:30pm
＊逢星期日休息，如星期一為公眾假期，休息日將改為星期一
IG專頁：aw_patisserie
網上訂購：https://bit.ly/3NVqpwZ
<< 提醒各位購買前留意訂購平台的使用條款及細則，一切以訂購平台及店舖公佈的價錢為準。數量有限，售完即止；所有條款細則更新至文章發佈日期，訂購平台及店舖保留更改條款權利，U Lifestyle 概不負責。>>
人氣餐廳排名
-
甜品
La Viña Bakery (World Trade Centre)
⁉️繼開心果之後下一個甜品熱潮可能就係佢⁉️
⁉️繼開心果之後下一個甜品熱潮可能就係佢⁉️😋😍新推出｢暗黑｣系列甜品😆🌟 La Viña全新推出黑芝麻｢暗黑｣甜品,仲終於見到傳說中嘅｢靚仔主廚｣Ricky 真身😆今次一於一次過試晒四款新甜品😎 黑芝麻麻糬酥皮撻- $30 黑芝麻酥皮入面,嗰個流心黑芝麻蓉加埋個麻糬超煙靭 黑芝麻忌廉泡芙 - $38 呢個泡芙夠晒爆餡,入面擠滿晒好香濃嘅黑芝麻忌廉 黑芝麻 Tiramisu - $60 特別推介黑芝麻 Tiramisu,濕潤度和咖啡味､酒味的平衡非常完美,但同時亦食得出黑芝麻嘅香濃✨ 黑芝麻麻糬巴斯克芝士蛋糕 - $68 呢間Cafe甜品Band本身都係主打巴斯克蛋糕,估唔到呢個黑芝麻巴斯克蛋糕入面,內有乾坤,原來有驚喜麻糬餡~ 上個weekend 仲有泡芙 Giveaway!到店消費參加活動就可以送多一個比你~ @lavina.hk 📍La Viña 地址:銅鑼灣告士打道280號世貿中心地下G-09號舖 #lavinahk#laviñahk #銅鑼灣美食#銅鑼灣甜品#香港美食#黑芝麻甜品#芝麻控#麻糬控#甜品控#巴斯克芝士蛋糕#hkwwwtcmall#高質甜品#相機食先#打卡#甜品控#黑芝麻#我要食蛋糕 #歡度中秋佳節
閱讀更多
-
甜品
AW PATISSERIE (TST STORE)
尖沙咀11新店！法式甜品 x 港式風味 🤩
✨🌟AW patisserie✨⭐️ 主打口感層次豐富的法式甜品融入港式風味,位於K11既人氣手工爆餡泡芙｡依間小店都系由網店開始經營,直至係K11開到popup store｡佢地既手工泡芙,已經買過幾次,每次都選擇困難症諗好耐食邊款好,但係糾結好耐最終都會簡返一特濃意大利開心果麻糬tart🤪🤪 📍三重開心麻糬芝士撻 $68 牛油曲奇撻底比較薄脆,面頭係焦糖開心果粒,炒得非常香脆,開心果用咗3個產地嘅開心果,包括意大利西西里島､日本同美國｡一切落去加上開心果醬,內餡係幼滑既開心果芝士,不過開心果都係比芝士搶左少少風頭,包住大片軟糯麻糬 開心果撻仲可以冰火2食: ❄ 冷- 直接雪櫃取出即食 類似雪糕幼滑口感 🔥 暖- 放入微波爐加熱10-20秒或焗爐160度加熱3-4分鐘享受流心效果 📌黑芝麻湯圓 $54 選用日本九鬼黑芝麻,製作出吉士､忌廉及芝麻醬,有三種濃度既黑芝麻味,中間亦有大大粒湯圓,就好似麻糬般咁煙靭｡ 🌸人氣網紅店,包裝很精緻,服務親切友善,下次再試其他口味及產品 地址 尖沙咀河內道18號K11購物藝術館B2樓Kiosk 1 #蛋糕#撻#Dessert#偽素顏美肌攻略#浪漫旅人祭#輕鬆出遊#旅行手信推介#嗚啦吔哈#精簡護膚攻略#打卡美食#ucreator
閱讀更多
-
甜品
💥Milkfill 拿破崙加泡芙專門店💥 最近尖沙咀開咗一間超人氣的拿破崙泡芙，在加拿芬廣場地下，未行到店舖已經聞到好香的泡芙味，更加想食😊！平時拿破崙和泡芙分開食就試過，但係Mix埋一齊食就真係第一次😁，真係好有創意，而且又好夾喎😋！ 🍍 菠蘿拿破崙泡芙 當泡芙出來時，店員會灑啲糖在菠蘿上面，然後再用火槍燒一燒菠蘿，更加帶出香味！呢個好啱呢個夏天食😊，食落去好清新，菠蘿好多水份，而拿破崙烘到好脆好脆，加埋吉士醬，甜甜酸酸好開胃😋，而且好有層次感！ 開心果拿破崙蛋糕 外形整成一格格，賣相同顏色都好靚😘，最底嗰層有朱古力餅底，裏面開心果味cream好滑，上面都有cream同開心果碎，更加有口感💗！逐格食我覺得好方便，而且又不會好散碎👍🏻好濃郁開心果味！ 原味堅果泡芙 泡芙外面好脆👍，裏面好creamy ，而且好滑❤️！ #甜品控集合吧
閱讀更多
