呢個湯飯出自天水圍一個商場內的食店「品味屋」，雖然係小店，但因為做街坊生意，由早餐煎蛋公仔麵，到晚飯炒粉麵飯、蒸魚小菜乜都有得食，好包羅萬有。當中有湯的東西特別是湯飯尤其做得精。
花雕豬膶雞湯飯 $45
好似呢個花雕豬膶湯飯，聽個名都知勁。湯底加咗花雕熬，有超的酒香，加上湯面上的雞油以及豬膶精華和枸杞，靠香味憑賣相已覺好足料，好似阿媽滾的家常湯。花雕味雖濃，卻沒有掩蓋豬膶及雞湯的鮮甜，入口清楚品嘗到三種味道，飯粒飽吸湯汁更好食；難怪人人食到碗底朝天。
【地區搜刮】 天水圍街市立食街 食到 2am！
湯色算清，但飲到濃濃花雕香味，以及豬膶和雞的鮮味精華。
豬膶雖然薄薄一塊，但生熟程度剛好，入口粉嫩帶爽，加了薑絲煮，沒有腥味和怪味，好食。
【地區搜刮】 元朗掃街 8 大必食
胡椒豬肚雞湯米 $40
聞起來有非常強勁的胡椒香！雞湯的胡椒味超強勁，一啖飲落去會 feel 到喉嚨辛熱，但辣得好過癮，而過了胡椒辣就嗒到雞味。湯底亦有鹹酸菜、枸杞，轉涼飲一流！
豬肚爽脆無異味，雞肉彈牙、唔嚡兼無雪藏味，好食。重點係以上呢兩碗我食完、飲完後，隔咗兩個鐘都唔覺得口渴，證明無味精，抵讚！
品味屋
地址：天水圍嘉湖新北江商場 1 樓 C44A 號舖
電話：2616 4611
營業時間：7:30am-9:40pm
文、攝：Froggie
【相關連結】 大埔延伸掃 太和 5 大心水食點
【名人掃食】 地膽糖妹帶路 掃深水埗心水小食
歡迎你 like 我哋 U Food Facebook Page / U Food Instagram ，取得我哋更新更快嘅資訊！
