荃灣的鮑記大食部，有一個被食友們稱為「水母包」的人氣小食。齋聽名確會一頭霧水，其實即是芝士漢堡包一個！拎起塊包即有超長的拉絲，成隻水母咁款！其中最搶眼的是粉紅色嘅「火山爆發熔岩漢堡」，超 pink 的芝士原來花咗唔少心機製作！紅菜頭汁混合了 6 種不同的芝士煮成，望落似香口膠的芝士好稠身、好黏。多到滿瀉的紅菜頭芝士，食落不覺有紅菜頭味，芝士味又不算太濃，反而食到有陣燶味，要扣分！
拉絲拉不盡的芝士外，仲有一片番茄、泡菜及肥牛做餡。番茄的酸甜及泡菜的微辣，可以中和到 6 重芝士的膩，而且爽口的泡菜有助增加口感。厚厚的漢堡扒都是人手打，好多肉汁！食咗半隻水母落肚的小記，好奇究竟用咗邊 6 種芝士！點知老闆點到唔肯講，仲下戰書話估得中就會免費請你食多個水母包！
地址：荃灣荃華街 36-48 號富麗花園 B 商場地下 38A 舖
電話：9813 8463
文：Jessie
相關報導︰
靚牛爆芝多士
歡迎你 like 我哋 U Food Facebook Page / U Food Instagram ，取得我哋更新更快嘅資訊！
