用保鮮紙做手握壽司？！附可愛水豚腐皮壽司／一口冰格壽司食譜

想食壽司郎但又唔想排隊？原來用一張保鮮紙就可以不黏手輕鬆做到手握壽司，雖然味道口感就一定不及正宗壽司，不過過下癮都幾好玩~亦可以帶去野餐聚會或者作為輕鬆親子活動，即刻去片睇睇點整啦~下面更附可愛水豚造型腐皮壽司及創意一口冰格壽司食譜，記得睇到最後！

Office自製Omakase全過程：

可愛水豚造型腐皮壽司

步驟：

1. 腐皮壓出多餘水份，並剪開一半備用。

2. 將味醂、醬油、腐皮多餘的水及飯素加入日本飯拌勻備用。

3. 粟米加入蛋黃醬拌勻並釀入腐皮，再放上拌好的日本飯。

4. 最後放上不同裝飾，腐皮剪成耳朵、鼻及手腳；紫菜剪成Y型幼條形狀；放上2粒黑芝麻作眼睛，以及放上幼蔥條作他們的日常飼料即成。

完成啦！水豚造型非常可愛，入面還可以配搭不同材料，例如粟米、蟹子、蟹柳及中華沙律等，適合帶去野餐或製作成小朋友便當，大家都不妨試試製作吧！

 

創意一口冰格壽司

步驟：

1. 將青瓜切片，蝦仁可以先簡單醃製蒸熟

2. 將壽司飯分成兩份，其中一份可加入飯素，令壽司更多元化

3. 鋪上保鮮紙，放入材料到冰格

最後放入壽司飯壓實

完成啦！真是非常輕鬆就可以整到，而且這個做法比傳統用壽司蓆，款式可以更加多樣化，大家可按個人喜好加入不同的材料，最重要是款式多變打卡一流呀！下次去野餐就可以跟朋友試下整啦~