TEXT: TY PHOTO: Him
這間位於灣仔中心地帶的樓上扒房獨沽一味，只賣一款牛扒餐，但麵包沙律和薯條都任食，啱晒食肉獸。
餐廳只專注做幾種食品，質素當然唔能夠差，主角牛扒選用美國 1855 黑安格斯肉眼，屬於全美 TOP 15% 牛隻，油花分布如大理石紋，肉質嫩度高，同時兼備牛味。大廚在煎煮前除了用鹽調味，仲會掃上一層「牛油」，這個秘製「牛油」用上牛扒的脂肪煮成，牛味特別濃郁。牛扒煎得外層微微焦香，內裏肉質軟腍有肉汁，甚有水準。想更香口，可以加少少自家製黑椒牛油汁，利用了牛脂高湯、洋蔥、黑椒等每日新鮮熬煮，味道濃香，調味好 balance。
套餐中包括沙律、麵包和薯條任食，分量好足。值得一讚是這款自家製麵包，每日焗製，口感鬆軟，仲特別製作了香甜軟滑的肉桂牛油配搭，不過大家千萬不要貪心塗上一大片牛油，因為只要輕輕塗抹一層才會香而不膩，令人回味。
餐廳也很有格調，坐擁開揚景觀，巨型落地玻璃能俯瞰鬧市景色，配搭古典奢華裝潢，夜晚尤其有氣氛，與朋友或伴侶聚餐都很適合。
黑安格斯肉眼扒套餐 (8 oz）$298
餐廳只售一款套餐，包括了黑安格斯肉眼、沙律、麵包和任食薯條。
牛扒選用了美國 1855 黑安格斯肉眼，油脂平均，牛味濃重，而肉眼部分更是特別軟嫩多汁。
沙律以羅馬生菜為主，加入少許煙肉碎、雞蛋和麵包粒，食落清爽帶鹹香。
自家製麵包非常鬆軟，而秘製肉桂牛油味道濃香，不過多吃會太膩。
薯條屬正常水準，口感香脆，幼身形狀較缺口感，交由客人落鹽調味。
各式甜品 $59
店內也提供 3-4 款甜點，常駐款式有朱古力 Brownie、芝士蛋糕及 Carrot cake。
店內裝潢甚有格調，傢俱走古典風，再以黑色為主調，低調奢華。加上落地大玻璃，感覺開揚。
廚師在煎牛扒前會掃上一層秘製「牛油」，由牛扒脂肪煮成，令味道更有油香和牛味。
Moo Moo's
地址：灣仔軒尼詩道 239 號 18 樓
電話：2387 7168
營業時間：12nn- 2:30pm，5pm- 10pm
