大閘蟹推介｜空中餐廳海景酒店Cruise大閘蟹套餐！爆膏大閘蟹/蟹粉小籠包/花蟹陳村粉

Daydayeatmiffy

香港攻略

Cruise 空中餐廳及酒吧

Cruise｜「秋日蟹逅下午茶」連免費泳池通行證

Cruise 位於北角的香港維港凱悅尚萃酒店頂樓,高居林下,擁有絕美的維港景色,猶如置於空中花園｡全新推出｢秋日蟹逅下午茶｣連免費泳池通行證!於酒店的頂層沉浸於維港壯麗美景,同時享用一眾矜貴足料以大閘蟹入饌的鹹甜美點,如大閘蟹小籠包､清蒸大閘蟹､蟹肉魚翅羹､甜品朱古力蟹等!讓你可以盡情品嚐蟹香美食之前,先於頂樓無邊際泳池暢游豪華體驗｡ ｢秋日蟹逅｣下午茶 連泳池通行證 $480位(兩位起) 🦀鹹點 ✨原隻鎮江薑醋蒸大閘蟹 ✨大閘蟹蟹粉小籠包 ✨蟹肉竹笙魚翅羮 ✨蟹粉拌麵 ✨大閘蟹蟹粉芋角 🍰甜點 ✨螃蟹造型朱古力 ✨佛手柑法式千層酥 ✨桂花香梨慕斯蛋糕 ✨陳皮曲奇 ✨紅豆湯 🔥無限即叫即製 ✨黑芝麻雞蛋仔 ✨限定雪糕|配料 🥂飲品 (一杯氣泡酒 / 咖啡或茶) 💦附送3 小時泳池通行證 🌟下午茶供應時段:星期六日及公眾假期 15:00 - 17:00 ☀️泳池通行證使用時段:12:00 - 15:00 *泳池通行證於中午12時起在Cruise前台領取,並與下午茶同日享用｡ Cruise 空中餐廳及酒吧 📍香港北角北角邨里一號西座23樓 @hyattcentrichongkong @cruisehk #miffy在北角#HairyCrabAfternoonTea#AfternoonTea#HKAfternoonTea#CruiseAfternoonTea#HairyCrab#大閘蟹下午茶#香港下午茶#海景下午茶#大閘蟹

HK Hotel Spy

香港攻略

香港維港凱悅尚萃酒店

【$2200住北角海景打卡酒店！對住維港浸浴食蛋糕🎂】

前排慶祝生日,男朋友提早兩個月大手筆$2200 book維港凱悅尚萃酒店,仲為咗個維港景浴缸訂尊貴海景客房,肉赤得黎又有啲浪漫嘅🥰 入住當日天氣麻麻,個維港景矇咗啲,但景色開揚感覺好舒服,即刻攤喺窗邊張梳化開啲白噪音音樂望住落雨嘅維港chill吓先🎧 不過男朋友咁豪,點會比我喺張梳化攤咁耐,轉個頭就被移動到張床度🫨張床夠大兩個人喺度打交都仲得,好彩未打到出事前突然有人敲門,原來酒店見到remark咗慶祝生日,送咗個蛋糕嚟🧁仲要味道唔錯,配埋房入面嘅Nespresso咖啡機,飲住咖啡食件cake,再攤返上張床開Netflix睇,大滿足~😌 廁所設備齊全,牙刷牙膏之外仲有浴鹽,對住維港夜景浸浴打卡真係一流!不過浴缸唔算大,一個人浸要微微曲腳,兩個人浸就有啲逼,但都可行嘅🤭 另外訂房時包左一個叫探索北角嘅禮卷,可以免費換領酒店附近小店嘅指定香港特色小食｡我哋換左蛋撻,雞蛋仔,豆腐花,腸粉燒賣,仲飲埋涼茶,雖然都係啲好基本嘅食物,但係跟住地圖一路搵一路食好似玩city hunting咁其實都幾開心🤣相信如果係遊客嚟到一定會玩得更加盡興,呢個安排真係值得一讚✨ 整體嚟講,無論房間定服務我哋都好滿意｡今次住西翼,之前住過東翼同一個房型,感覺東翼間房空間感再好啲,廁所連洗手盆都對住維港,感覺更開揚｡不過東翼嘅浴缸電視係正窗口,影唔到維港+浸浴相｡如果想打卡嘅朋友,可能要問吓職員可唔可以安排到適合嘅房間啦~ {{hket:campaign display="去新酒店staycation"}}{{/hket:campaign}}

A美食焚化爐

香港攻略

帝京軒

秋風蟹宴 @ 帝京軒 ( 旺角帝京酒店 )

 秋冬起，係羊、蛇、鵝同大閘蟹既惡夢開始，因為實在太肥美，老饗都幾難忍口，總有一款啱心水，而旺角帝京酒店內的帝京軒，就有齊上述菜色，大家可以過一個“暖昱昱”既秋天。   「秋風蟹宴」   醬香大麵溏心鮑 滷得入味，又Q彈的口感，食之前用香水瓶噴上酒，多了一份芳香。   生拆蟹粉小籠包 食大閘蟹除了原隻享用外，蟹粉小籠包當然是其中一位主角，仲要係生拆，蟹味更濃，肉汁混和了蟹粉是真的夠鮮，下點陳醋就更妙。  蟹粉元貝千絲酥 驟眼睇以為是蘿蔔絲酥，但餡料卻是元貝粒及蟹粉，很豐腴的口感，有驚喜。   鮮姬松茸蟹皇虎蝦球 虎蝦球汆水做得很足，蝦肉爽彈而不失神韻，大有玻璃蝦球的氛圍，沾上了蟹粉更加滋味。   菊花五蛇燴花膠 或 蟹肉花膠會燕窩 客人可以在蛇羹與花膠中作選擇，論時令當然是蛇羹，但因體質問題，近年已減少食蛇羹了。 花膠燕窩以保溫盅上，保持了溫度，下點胡椒粉多了微辛，玻璃茨推得恰到好處，每口滑溜的質感，吃得很滿足。   清蒸江蘇大閘蟹（六兩） 侍應會先代為拆開，好讓客人慢慢品嚐，很欣賞餐廳提供的手套，並非薄如襌翼的一種，蟹膏很綿滑，入口帶黏性，六兩一隻已很好，年紀大，吃太多身體承受不了，遑論坊間有放題大閘蟹，還是享受的好，唯一要挑剔的，也許是薑茶略淡。  蝦籽魚唇軟骨伴鮮鹿茸菌 魚唇其實並非魚的嘴唇，而是鯊魚尾巴兩端魚鰭之間的肉膜，又稱「翅裙」，膠原蛋白非常豐富，但不易處理，今次卻是遇上了高手，扣煮得稔身又入味，灑上蝦籽更有提鮮的作用，伴以鮮鹿茸菌，增添了陣陣幽香。   龍蝦湯蟹餅五穀苗 揉合了中餐及西餐的精髓，龍蝦湯很濃郁，中間的蟹餅大可抽開當作另一道菜，肥大肉厚的帶子略為煎過，仍保持嫩滑的肉質，五穀苗做成脆米，拌和龍蝦湯一齊，人間美味。   薑茶金薯芋圓小丸子 很奇怪，甜品的薑茶比起配大閘蟹的更澎湃，相比之下，我反而更喜歡辣度與甜度同樣強勁的薑茶，金薯咬落粉嫩，我鐘意。   金粉流星可可脆脆 其實是朱古力，脆卜卜的口感本身不錯，但個人覺得不妨來一件燕窩蛋撻或白糖糕也挺好的。   砂鍋古法雙冬扣羊腩 （$588） 將價就貨但煮出高水平先厲害，用的是中國冰鮮羊，但滿有油香，肉質細嫩，蘸點腐乳更是吃不停口，冬菇肥大肉厚、馬碲爽甜，即場淥生菜食，更是絕配。 陳皮欖角照燒金沙骨 （$288） 金沙骨以鐵板上，同樣是熱氣騰騰，先炆後煮的方法，令肉質份外軟熟，濃稠的陳皮欖角汁，緊扣著金沙骨，尤其是骨膜位的油香，更是令人回味  鐵板胡椒豉汁煎釀鯪魚 (壹條) （$268） 像是順德菜中煎釀鯪魚的進化版，加入胡椒既可僻除腥味，又可令魚肉提鮮，佐酒一流。   幾年沒來，食物的確有進步，看來行政總廚江師傅下了不少功夫。 地址 : 旺角太子道西193號帝京酒店3樓   電話 : 2622 6161   味道 : 4  環境 : 4 服務 : 5  衛生 : 5  抵食 : 4  位置 : 5   如果喜歡這篇文章,請在我的專頁上剔"LIKE",當是給我小小的鼓勵吧!謝謝!   http://www.facebook.com/foodiephilip #旺角 #帝京酒店 #大閘蟹 #羊腩煲 #帝京軒 #美食焚化爐 #大灣區吃喝玩樂齊分享 (此文章由U Blog 同步發佈至社群)