泰國菜推介｜平時工作咁辛苦，放假當然要對自己好啲！人氣泰菜餐廳Bamboo Thai最近聯乘知名水療品牌THANN，推出一系列充滿東南亞草本風情的「期間限定療癒美饌」！廚藝團隊將紫蘇、香茅等植物芳香元素融入泰菜之中，極之醒胃解膩。最驚喜的是，推廣期內惠顧指定菜式，更可免費獲贈THANN的護理體驗裝及Spa優惠券！各位今個周末一於約埋朋友去歎美食兼做Spa啦！
Bamboo Thai以木竹元素打造出充滿泰國自然氣息的用餐空間。廚師以新派創意重新詮釋傳統泰菜，打破既有印象，帶來耳目一新的泰式美食體驗！
4款期間限定療癒美饌：芳香醒胃之選
今次的聯乘菜式由Bamboo Thai與THANN水療專家共同構思，將紫蘇、香茅等植物芳香元素完美融入泰菜。必試主菜有「紫蘇珍寶蟹肉炒糙米飯」，以高纖糙米加入份量澎湃的珍寶蟹肉及清香紫蘇葉猛火爆炒，鮮美誘人又健康；想開胃輕食則推介酸辣交織的「酸辣牛肉扁米條沙律」，以及濃郁鮮香的「香茅青檸椰汁蜆湯」，酸甜滋味令人暖胃舒心。甜品控當然不能錯過壓軸的「柚子雪芭」，杯緣特別灑上帶有微辣鹹香的「冬蔭鹽」，為酸甜冰涼的雪芭增添一抹獨特的餘韻，解膩度滿分！
特製草本無酒精雞尾酒
除了惹味美食，餐廳亦精心調配了四款以天然健康為核心的草本無酒精雞尾酒（Mocktails）。加入奇亞籽與紅火龍果的「清邁晨曦」是高纖飽肚、「翡翠青瓜梳打」結合新鮮青瓜與泰國羅勒，飲落極度清爽透涼；至於「泰莓特飲」富含莓果精華，酸甜解渴之餘更有助抗老補水，最後「暹羅薑黃鮮奶」具有抗炎舒壓功效，暖胃一流，每一款都能完美襯托泰式風味，全方位溫柔呵護疲憊的身心，為大家消暑解渴。
食飯即送THANN豐富護理禮品
為慶祝今次聯乘，凡於推廣期間惠顧任何一款限定聯乘菜式，每桌即可獲贈以下豐富THANN禮遇（數量有限，送完即止），又食又拎滿載而歸：
- THANN 體驗裝兌換券1張（可於指定門市換領30ml身體或頭髮護理產品兩支）
- $100 THANN 現金券1張
- THANN Sanctuary單次水療療程75折優惠券1張
Bamboo Thai x THANN 期間限定聯乘
日期： 即日起至2026年9月30日
時間：菜式於每日15:00 - 21:00供應（飲品全日供應）
地址：
- 旺角：旺角亞皆老街8號朗豪坊8樓02-03號舖
- 黃竹坑：黃竹坑香葉道11號THE SOUTHSIDE 2樓204號舖
- 屯門：屯門屯順街1號屯門市廣場1期3樓3226號舖
- 荃灣：荃灣楊屋道8號如心廣場一期1樓105-107號舖
人氣餐廳排名
-
香港攻略
艾卡邁
🇹🇭‼️值得更多人認識嘅新開泰國菜
通菜街一向都有好多美食,好多餐廳門面比較隱蔽,但其實當中好多好食嘅餐廳!呢間餐廳出名之處就係佢地嘅廚師唔係泰國人咁簡單,而係嚟自唔同酒店同埋接受過Le Cordon Bleu School嘅專業培訓,所以質素絕對有保證~ 🍽️ 泰式炒寬粉 (雞肉) $78 (午餐連飲品) 呢款真係必點🤩本身就好鍾意泰式炒寬粉,估唔到呢間無論味道定係口感都好出色!每一條粉都好大塊好煙韌😍配料同雞肉嘅份量都好多,成碟粉辣辣地,惹味得嚟唔會好油!午餐可選雞/牛/豬,單點可選海鮮 ｡ 🍽️ 泰式大蝦炒金邊粉 Pad Thai $78 (午餐連飲品) 呢款又係必點😋感覺佢地嘅金邊粉比其他餐廳係粗dd,甜同鹹恰到好處,望落去平平無奇但實質上好香好好味!份量方面好夠飽,午餐嚟講真係好抵食! 🍽️ 海鮮冬蔭公湯 $78 (小) 呢碗湯真係有驚喜!估唔到嗌細碗都非常足料,有新鮮嘅大蝦､魷魚同埋青口等,酸酸地辣辣地超開胃! 🍽️ 泰國特色烤牛扒 $188 一大塊牛扒,份量都算多,佢係半生熟嘅牛扒,牛味好濃好重,塊牛扒冇乜肥肉但都唔會好韌,點埋佢地嘅秘制醬汁更加好食! 🍽️ 泰國豬肉串 $68/3串 半肥瘦嘅豬肉串,每串都即叫即燒,有浸炭火煙燻香~望落簡簡單單都肉汁好足夠好好食,唔會燒到太乾 ｡ 廚師同侍應都係泰國人,佢地好friendly,溝通上亦都完全冇問題 ｡因為喺通菜街門面比較隱蔽,但feel到佢地好有誠意,絕對值得多啲人支持小店!🤩 📍艾卡邁 @ekkamai.hk 旺角通菜街36號地舖 味道:4/5 服務:4.5/5 回頭度:4.5/5 ⏳等候時間:0分鐘 (平日 1pm) #社群共創攻略#香港美食攻略#旺角美食
閱讀更多
-
香港攻略
泰好食@泰好記
依加星期六行旺角係比較少人咗，行得舒服咗，要幫手振興一下本地消費，係附近食埋晚飯先。 呢間新開張嘅泰菜店，被門口嘅菜式照片吸引住。望入去見店內卡位佔大多數，應該坐得幾舒服，就試下先。 套餐要直接同侍應落單，散叫嘅就可以掃二維碼。有兩款二人套餐，呢款 ($299)比較岩食。 送埋兩杯飲品，除咗椰青/啤酒唔叫得，沙冰類都可以。分別叫咗食泰菜必飲嘅青檸梳打及泰式凍檸檬茶，份量足夠成餐飲用，行到有D熱， 一飲爽晒。 呢客泰式木瓜絲沙律，主要材料係木瓜絲，口感爽脆，伴以甘荀絲及車厘茄，再淋上酸辣汁 (辣度都唔可以睇小)，酸辣味道令人開了胃口。 同行友人可以食辣，咁就可以選冬蔭公湯 (小)，每人至少可以飲2碗。 滿滿嘅菇菇同蝦隻，加埋香茅，南薑片，入口酸辣度唔會嗆喉又唔會過濃，係碗”斯文”版嘅冬蔭公湯。 炒通菜就好多地方有得食，黎泰菜店梗要選擇泰式炒椰菜苗。以豆醬，辣椒炒，惹味十足，苗真係苗，入口無渣的。 要飽肚感，炒飯/河類當然唔少得，二選一要泰式乾炒河 (豬/牛/雞)中嘅鷄肉炒。 炒得乾身之餘但唔會一口油，加埋蛋塊炒就仲香D。 另外散叫泰式燒鷄 ($85/半隻)，超抵食，半隻份量相當對眼。 燒得鷄皮香脆; 鷄肉即使係鷄胸位都唔嚡同乾，另有兩款特色醬汁點鷄食，個人比較歡喜個泰式燒鷄醬，酸甜味道配燒鷄正呀。 是日泰式甜品2件，都大約估到係糕點類，靚靚花花造型嘅斑蘭糕，入口有清香斑籣味，再加埋香甜椰漿，熱食增加軟糯感。 上菜速度幾快，眨下眼就成枱都係食物。味道唔錯又夠份量，要係九龍食泰菜，唔駛一定要去九龍城嘅。 #ublog #foodpics #thaifood #foodblogger #foods #mk #thaifood #foodblogger #foods #foodpics #ublog #mk (此文章由U Blog 同步發佈至社群)
閱讀更多
-
香港攻略
Mum Mum Thai
灣仔隱世泰菜🤤 創新到痹！
今晚同朋友嚟到灣仔軒尼詩道呢間隱世泰菜館,每一道菜都感受到廚師嘅創意,完全打破傳統泰菜嘅框框,每一啖都係驚喜 🫶🏻 ✨ 呢度環境充滿異國風情,好啱平日放工嚟chill下 🥂 今次試咗幾款必點招牌菜,真係款款都想encore 😋: 🔸 冬蔭燉蛋 ($77) 🥄 🌶️ 呢個絕對係焦點!將泰式冬蔭功湯底濃縮成燉蛋,食落去入口即化,香辣惹味得嚟又好滑溜,創新得嚟又好好食 🤤 💯 🔸 咸蛋黃炒粉絲 ($98) 🍜 🟡 咸蛋黃控必點!每一條粉絲都掛滿咗咸蛋黃碎,沙沙嘅口感配上惹味香料,超級邪惡但真係停唔到口 😋 🥢 🔸 烤紫蘇魚 ($128) 🐟 🌿 魚肉燒得啱啱好,外皮帶點焦香,入面肉質鮮嫩,配上獨特嘅紫蘇香氣,成道菜即刻清新咗好多 ✨ 🔸 炸豬腩肉 ($108) 🐷 💥 外皮炸到好似薯片咁脆,入面肉質仲保持到肉汁,蘸埋泰式秘製辣醬,簡直係絕配 🏆 🔸 芒果椰子 ($78) 🥥 🥭 甜品時間!底層係滿滿嘅芒果糯米飯,椰香味濃郁,芒果又甜又多汁,為呢餐畫上完美句號 🥣 ✨ 🔸 斑斕包 ($58) 🍞 🟢 重點推介!一定要點!店內即場熱烘上枱,口感好鬆軟,淡淡嘅斑斕香氣喺口入面散發,配埋個燉蛋食真係一流 😋 🏃🏻♀️ 呢間小店嘅水準真係比預期中高好多,如果鍾意食泰菜嘅朋友仔,真係唔好錯過 🏃🏻♀️ 💨#冬蔭燉蛋#創新泰菜#灣仔隱世泰菜
閱讀更多
