平價美食｜大埔酒樓$19.8客飯大劈價！生炒牛肉飯＋鹵水四寶飯＋冬瓜粒湯飯／教1招歎$8脆皮燒雞 (附優惠時段)

Pollyrose

港式美食

陳師傅自製點心專門店

陳師傅點心雙人餐🤤！

尖沙咀｢陳師傅自製點心專門店｣新推出咗｢點止好味道雙人套餐｣,收工立即去試吓先! ⭐️金牌蝦餃皇 蝦餃係點心經典,手工製作嘅蝦餃皮薄餡靚,蝦肉鮮甜,絕對係必試之選! ⭐️魚籽燒賣皇 燒賣加上魚籽,口感更豐富,豬肉同蝦肉混合,鮮味十足｡ ⭐️鳳爪排骨飯 鳳爪同排骨蒸得入味,飯粒吸收咗肉汁,飽肚又滿足! ⭐️脆皮銀絲腸 脆皮腸粉口感獨特,外軟內脆,配上豉油,係一款創意點心｡ ⭐️蟹籽小籠包 小籠包爆汁係基本!加上蟹籽,增添鮮味同口感｡ ⭐️流沙奶皇煎堆仔 煎堆外脆內軟,流沙奶皇餡濃郁,作為甜品收尾一流! 另外叫了金絲皇菊茶 清熱降火:適合香港濕熱天氣飲用｡ 護眼明目:對成日對住手機同電腦嘅現代人好有幫助｡ 降脂降壓:適合注重健康嘅人士｡ 抗氧化:黃酮類物質有助抗衰老同增強免疫力｡ 飲住菊茶食點心,又可以解膩,又可以養生,一舉兩得!👍🙌🤗 手工製作:堅持40年純手工點心,即叫即蒸,確保新鮮同質素｡ 老師傅坐鎮:60歲前五星總廚陳師傅出山,傳承港式點心精神｡ 零預製菜:唔使用現成貨,食到真正原汁原味｡ 全日點心供應:無論幾時去都可以享受點心,唔使等特定時段｡ #尖沙咀點心#陳師傅#雙人套餐#UCreatorHK#BESTFOODwithUCreator#香港美食#九龍美食#香港隱世美食#香港地道美食#hkfoodie#hkfoodblogger

olivia

著數報料

豪宴薈 (東廣場店)

Ⓨの抵食推介😋 觀塘友帶路,$358 孖寶堅係抵! 龍蝦大大隻1斤重+吊燒雞脆皮嫩肉 加多兩個小菜,兩個人食到超滿足🤤 🦞 上湯焗西澳洲龍蝦 約一斤重,肉厚彈牙 上湯掛汁恰到好處,底下 烏冬 索晒龍蝦汁,煙韌入味✨ 🍗 脆皮吊燒雞(半隻) 皮脆肉嫩,咬落｢咔嚓｣聲,雞味濃郁冇雪藏味 呢個價錢有呢個水準,真心推👍 再加多兩個小菜: 🥢 海蜇燻蹄 – 爽口開胃,麻油香 🌿 椒絲腐乳炒通菜 – 鑊氣夠,腐乳味濃 🥣 酒樓仲送埋紅豆沙,沙沙綿綿唔太甜 💥 同場加映:晚市4大皇牌 全部 $68 就食到,超抵玩! 🔸 砂窩雲吞雞(壹窩) 🔸 順德欖角骨 🔸 油泡虎蝦球 🔸 京式片皮鴨 下次嚟可以一次過試勻佢哋,慳家之選🔥 📍豪宴薈 觀塘東廣場 @hoyingroup $358孖寶有龍蝦有雞,性價比超高,值得一試💯

kaka2019

中式料理

最近試咗間啟德站附近的新酒樓, 行路一分鐘, 好方便, 食物都係即叫即蒸，每道菜上枱都出晒煙熱辣辣，睇得出師傅用心製作! 石岐乳鴿：擺盤吸睛，上高質素，師傅火喉控制得好好，乳鴿啱啱熟，咬落Juicy多汁，肉質細膩，唔止味道一流，仲有視覺嘅享受，打卡一流！ 黃豆醬蒸排骨：呢個排骨唔會太鹹，肉質鮮嫩多汁，而且啖啖都係肉，好少骨，入口即化，真係好好食! 鮮蝦炸雲吞：蝦肉比較少，但係炸到脆卜卜，保持到外酥內嫩，口感唔錯！ 沙白燒賣：燒賣大大粒，入面有蜆肉，肉質彈牙, 最得意嘅係仲有個蜆殼，味道較為清淡 沙嗲金錢肚：沙嗲味濃郁，份量十足，每一啖都係香濃嘅滋味，食完仲想再食一次！ 蝦餃: 每位仲送一粒蝦餃, 蝦餃晶瑩剔，透白裏透紅, 而且大粒又飽滿，非常足料, 令人大大滿足！ 呢間酒樓點心選擇多, 價錢相宜，大家中秋團圓可以去試試~!!! #月餅的季節