連鎖台式火鍋放題突發買一送一！午市套餐低至$99位／無限任食牛肉＋海虎蝦＋火鍋配料 (即睇放題Menu)

lotsoeat

台式料理

湊湊火鍋‧茶憩 (K11購物藝術館店)

[勞蘇食]暢飲暴食抵到爆台式放題🤰🏼

湊湊火鍋,大家都熟悉既台灣火鍋品牌,打邊爐外居然推出左全新既💮台式夜市任飲任食💮推廣價 $128,嚇親🤣幾十款台式麵食､小食､手搖等等,當去飲嘢都抵🤯係inline.app訂位用優惠碼:KOC,就有現時推緊既優惠🙌🏻 台式紅燒牛肉麵🐮招牌果然係招牌,完全冇因為任食而質素下降,擺盤超靚,湯底超濃牛味好好飲🤤刀削麵麵質特別彈牙,牛肉高質帶筋,軟滑好味,非常高質嘅台式牛肉麵😮‍💨 洪湖大閘蟹粉麵🦀蟹粉麵真係近期火熱嘅食品,細細碗唔會食飽你,蟹味濃配幼麵線🥳正👍🏻 台南鹽酥雞🐥炸粉幾好味,香脆,雞肉入味 台灣香腸🍖高質台灣腸,外脆內軟,Juicy😍推介 荔枝蝦球🍤真係成粒荔枝咁,外面好脆口,入面彈牙,真係蝦肉😎蝦丸嘅感覺,好味👍🏻 野生比目魚柳🐠唔會太炸,咬落肉質仲好嫩滑,唔錯😌 冰蘭香烏龍🍵去油解離,茶香好夠 日本三得利生啤🍺真生啤,任飲有呢個質素真係冇得輸🥹抵到爆,飲住生啤食台式小食超爽🫶🏻 非常推介一試嘅宵夜放題🤞🏻 #勞蘇食#香港美食#香港食評#香港餐廳#香港餐廳推介#食好西#食好西系列#尖沙咀#尖沙咀美食#尖沙咀火鍋#台灣美食#台灣牛肉麵#火鍋#打邊爐#小火鍋#香港火鍋#香港打邊爐

Asura Queen

著數報料

北角宮廷風火鍋！任食生猛海鮮🦀🦐！ 😋

位於北角地鐵站附近工廈嘅火鍋放題店，地點確實方便，一出地鐵行幾步就到。餐廳以中國宮廷風格設計，紅木傢俬、仿古燈籠同雕花屏風營造出古色古香嘅氛圍，坐位寬敞，環境舒適，仲帶點四川風情。 任撈生猛海鮮區 最吸引絕對係120分鐘任食即撈海鮮！餐廳設有一個魚缸，入面有生猛大頭蝦、蟹、鮑魚、蜆同東風螺，全部識郁兼活躍。尤其大頭蝦隨時會跳彈逃走，隔離枱嘅客人就嚇到尖叫。大頭蝦肉質彈牙，鮑魚爽口有嚼勁，蜆同蟹都鮮甜冇沙，簡單淥一淥就已經足夠鮮味。 招牌湯底花膠雞鍋 湯底選擇唔算太多，不過有齊經典麻辣、番茄、大骨湯同菌菇鍋等。今次試咗招牌花膠雞鍋，湯色金黃，雞肉的鮮味與花膠的滑潤完全融入湯中，仲加咗蟲草花同紅棗，飲落滋補順喉。極力推薦加份竹笙，吸滿湯汁之後超級正！ 多款肉類+罕見內臟任點 掃碼點餐有大量選擇，除咗自助區海鮮，仲有原條紅衫魚、鯧魚、生蠔同海參等，呢啲喺其他火鍋店較少見。生蠔肥美鮮甜，海參爽滑。肉類方面有美國安格斯肩胛肥牛、新西蘭小肥羊同荷蘭五花腩片等，切得薄身，油花均勻，涮幾秒就食得。仲有鮮鵝腸、豬黃喉、豬腦、雞子等內臟款式，適合鍾意試特別配料嘅朋友。 熟食+蔬菜丸類應有盡有 自助區有熟食如麻辣羊肉串、豬手、辣魚肉同炸物，甚至烤榴槤都有！蔬菜區提供多款新鮮蔬菜如生菜、娃娃菜、白蘿蔔，仲有丸類、烏冬、響鈴等，選擇豐富。菌類同海藻類款式也多，健康又清爽。 甜品飲品任食任飲 飲品櫃有汽水、涼茶、冷泡茶同啤酒，最驚喜係椰青水任飲！甜品方面有少量選擇，但以火鍋放題來說已經合格。 免加一兼有時段折扣 中小學生同長者有9折，5歲以下小童免費。生日訂餐可享88折，晚上10點後入座同樣有88折，營業至凌晨3點，最重要係免加一，確實抵食。 大西洋海鮮火鍋：香港北角英皇道395號僑冠大廈地下28-31號舖 #香港美食#北角美食#大西洋海鮮火鍋#大西洋火鍋#火鍋放題#海鮮火鍋#重慶火鍋#任食任飲#請您食月餅

Ada媽

擦餐勁

千海水產海鮮火鍋放題（九龍灣店）

今期大熱自己撈生猛海鮮自助放題(宵夜)

最近全城熱話梗係講緊自己撈 海鮮放題 就係千海水產海鮮火鍋放題 (九龍灣店)有價目表: 連我身邊嘅媽咪朋友群組都一直講緊 既然心思思，不如揀個好平嘅宵夜時間 我梗係約我媽咪去試下，連午餐都唔食 難得大家都係海鮮控，而家街市海鮮價真貴 $128斤蝦，蟹仔更貴，過節更獅子開大口 今次就解答大家食放題同我有嘅疑問: ❓生猛海鮮款式多唔多？夠新鮮嗎？ 現場有鮑魚、2款海蝦及蟹及多款蜆類 亦可以俾人剪開隻大蟹，時間唔算等太耐，我係好鍾意食海蝦，好有蝦味 又彈牙，鮑魚大細剛剛好，如太大隻好容易有黑邊，而我媽就最鍾意食好鮮甜嘅三點蟹。 我強烈要求要帶埋個鐵蓋住，因爲我同附近嘅客人都發生跳蝦事件，呢度海鮮相當新鮮! . ❓攞完海鮮第一次有，第二三次就冇？ 我一入場衝咗去海鮮部問點解人人攞住個鐵桶 原來個桶喺喺每個人嘅枱面度🤣一枱一個 即使攞完第一次、第二三次，海鮮都好多 ❓除咗海鮮外，貪心 D 仲有冇其他嘢食？ 🥩講得出嘅火鍋配菜都有，肉方面有澳洲M5和牛、美國牛肩胛片、美國豬梅肉片及澳洲羊肉片 外出必取一兜兜嘅大牡犡、鵝腸、花雕雞翼、黑毛肚及脆肉鯇片，蠔肉好多汁，而脆肉鯇又唔腥又彈牙! 🦪電話下單可以叫熟食，我最唔鍾意就係嗰啲放題係整好曬熟食放出嚟。我今次最鍾意食蒜香味十足嘅川味燒鮮蠔、熱辣辣嘅芝麻雞翼同埋燒香草羊鞍(唔鞋口)，一份鐵板鵝肝多士份量大，足夠兩個人食。 而外出嘅食物我推薦食麻辣龍蝦仔、冷盤，例如係甜酸鳳爪、雞翼尖、煙三文魚，水準都唔錯架! 亦都有點心，但係我唔多食，因爲我要留肚食海鮮。 🍧除咗可以攞出面多款品牌嘅雪糕雪條外，大家記得一定要電話落單叫海燕窩椰汁燉木瓜，鮮甜又養顏! 今次我竟然唔記得咗點原粒榴槤，我係掛住食海鮮唔記得咗😭。 . ❤️溫馨提示食了一個半鐘後，會開始電話下單及外出自取食物截單，截單後仲有半個鐘可以食，食得到先至好攞唔好浪費啊! . ⭐我同媽咪評價: 真係好抵食，絕對值回票價(約$572(已加一)兩位，任食兩小時)，多款海鮮好新鮮，絕對好過喺屋企煮餐死，又成本高，仲要天寒地凍去洗煲同碗。 千海水產海鮮火鍋放題 香港淘大商場3期2樓S154, S162及S155-S158號舖 (donki 上一層) 除了這九龍灣店，亦有荃灣店 #小心走蝦 #用心分享 #抵食放題 #海鮮火鍋#放題店 #即撈即煮 #任飲任食 #任食兩小時 #蟹 #海蝦 #鮑魚 #甜品 #雪糕 #海鮮專門店 #放題 #值回票價 #新鮮 #全城熱話 #荃灣美食 #九龍灣美食 #九龍灣 #荃灣 #香港探店 #香港餐廳 #香港美食 #甜品 #新鮮 #放題 #鮑魚 #雪糕 #九龍灣 #荃灣 #蟹 #海蝦 #香港美食 #任飲任食 #荃灣美食 #香港餐廳 #海鮮火鍋 #九龍灣美食 #全城熱話 #抵食放題 #香港探店 #用心分享 #值回票價 #小心走蝦 #放題店 #即撈即煮 #任食兩小時 #海鮮專門店 #千海水產海鮮 (此文章由U Blog 同步發佈至社群)