【50 Top Pizza｜香港Pizza推介】在美食界享負盛名的薄餅界米芝蓮「50 Top Pizza」每年都會評選出50間最佳薄餅餐廳，2026年度「亞太區最佳薄餅50強」名單新鮮出爐，香港再度有4間人氣餐廳上榜，其中位於中環的Fiata by Salvatore Fiata蟬聯第3名，再度成為香港必食Pizza首選，內文即睇完整名單！
亞太區50 Top Pizza｜香港4間Pizza名店上榜
2026年「50 Top Pizza」亞太區最佳薄餅50強名單出爐，今年香港共有4間餐廳上榜，中環Fiata by Salvatore Fiata勇奪第3名，與悉尼Gigi’s並列亞太區季軍，成功奪得香港區冠軍寶座，另外其他3間人氣Pizza排隊店，包括BACI Trattoria · Bar、Little Napoli及Vesu Pizza Bar亦榜上有名！
▼即睇「亞太區50 Top Pizza」2026名單▼
亞太區50 Top Pizza第43名｜尖沙咀Vesu Pizza Bar：意大利薄餅配維港海景
開業未夠2年的人氣薄餅店Vesu Pizza Bar，是不少人慶祝紀念日首選，皆因餐廳位於尖沙咀，正對住維港大海景，非常浪漫。為慶祝是次入圍，餐廳由即日起至3月30日特別推出「Bite Sip Cheers」慶祝套餐，集結多款招牌小食與嘉士伯啤酒，與大家一同慶賀入圍喜悅！Vesu Pizza Bar供應正宗窯烤薄餅，餅底金黃香脆，特別推薦「Speck Ham」薄餅，牛肝菌搭配綿滑的茅屋芝士，還有馬蘇里拉芝士配上充滿煙燻香的火腿，令人一試難忘！
▼Click圖睇Menu▼
Vesu Pizza Bar
地址：尖沙咀北京道1號北京道一號30樓
電話：3427 2018
營業時間：星期一至四11:30 - 00:00 / 星期五至六11:30 - 01:00 / 星期日11:30 - 00:00
亞太區50 Top Pizza第30名｜灣仔Little Napoli：正宗拿坡里手工Pizza
人氣薄餅店Little Napoli除了榮獲亞太區第30名，亦獲得 「最受顧客喜愛獎」，深受一眾Pizza迷支持，店舖由跑馬地搬到灣仔，吸引了不少新食客試食！來自意大利拿坡里的大廚Gavino Pilo堅持正宗披薩文化，專注於製作傳統拿坡里手工薄餅，堅持用意大利入口的頂級食材，讓食客們感受正宗拿坡里滋味，推薦「Margherita Pizza」跟足正宗傳統配方，採用聖馬札諾番茄醬搭配水牛芝士，餅皮香軟帶焦香，濕潤度剛剛好！
▼Click圖睇Menu▼
Little Napoli
地址：灣仔大王東街6-16號地舖
電話：6882 1823
營業時間：星期二至日 12:00 - 15:00及18:00 - 22:00
亞太區50 Top Pizza第24名｜中環BACI Trattoria · Bar：即場烘烤意式薄餅
BACI Trattoria · Bar位於中環蘭桂坊地帶，餐廳以傳統意式裝修，氣氛浪漫仿如穿越到意大利的小館，餐廳於2022年至2026年連續5年入圍，由意大利籍薄餅總廚Roberto主理，正宗拿坡里薄餅出色，手工意粉亦同樣出眾，特別推介由新鮮黑松露及多種芝士製成的「Royal Tartufo」及以海鮮濃湯作醬汁的「紅蝦吉他意粉」，令熟客讚不絕口！
▼Click圖睇Menu▼
BACI Trattoria · Bar
地址：中環蘭桂坊德己立街30-32號加州大廈地舖
電話：2344 0005 / 6299 2347 (WhatsApp)
營業時間：星期一至五 11:30 - 02:00 / 星期六至日 12:00 - 02:00
亞太區50 Top Pizza第3名｜中環Fiata by Salvatore Fiata：平價嘆正宗手工冠軍Pizza
位於中環蘇豪區的Fiata by Salvatore Fiata算得上是香港的「Pizza之王」，餐廳由意大利主廚 Salvatore Fiata主理，主打正宗手工意大利薄餅，餅皮外脆內軟濕潤有嚼勁，推薦必試「Diavola by Giovanni」招牌薄餅， 用上意大利聖馬札諾番茄，搭配水牛芝士及辣肉腸，由意大利訂製的火山石窯，以高溫90秒烤焗，餅底煙韌彈牙，香脆而不油膩！
▼Click圖睇Menu▼
Fiata by Salvatore Fiata
地址：中環蘇豪士丹頓街2號地舖
電話：6032 6626
營業時間：星期一至日12:00 - 15:00 / 18:00 - 22:00
圖片來源：50 Top Pizza、Fiata by Salvatore Fiata、BACI Trattoria · Bar、Little Napoli及Vesu Pizza Bar
平時食西餐想食得豐盛啲，但又想慳住個荷包？機會嚟啦！人氣連鎖西餐廳 意粉屋（The Spaghetti House） 突發推出極度震撼的雙重餐飲優惠！最誇張竟然有 $1 瘋狂任食蒜蓉包，絕對係大胃王福音！同場加映指定分店 全日 88 折 優惠，即睇 U Food 小編為大家準備的必食攻略及限時優惠詳情！
食意粉點可以冇蒜蓉包索汁？意粉屋今期推出超癲「$1 蚊咋」優惠！由即日起至 3 月 31 日，只要於星期一至五的午市時段惠顧，並點選主餐，每位只需加 $1，即可無限無限次任食香脆惹味的蒜蓉包！新鮮熱辣的蒜蓉包食幾多碟都得，真係少有的西餐放題體驗！
