年宵2026｜全港TOP5花市推介懶人包！維園女僕魚蛋/觀塘日昇小食韭菜餅/啟德脆皮鹹豬手/安成宰現身掃街

最Hit食訊

發佈: 12-02-2026 21:34

文: U Food

農曆新年將至，年宵市場向來是香港最具節慶氣氛的掃街熱點。要在人潮之中「食得精準」，與其逐檔碰運氣，不如先鎖定年度必食清單：由維園年宵的限定熟食、觀塘年宵的台式夜市風味，到啟德年宵市集的地道熱辣小食，各有主打與排隊值回票價之選。精選最具代表性、最適合邊行邊食的款式，並附上對應年宵地點與開放時間重點，方便你按路線規劃，避開盲目排隊，快速完成一趟高效率的新年掃街行程。

花墟2026｜全港5大年宵市集必食攻略

新年想行花墟又怕人多排錯隊？呢份《年宵2026必食五大推薦》幫你快速鎖定最值得試嘅掃街目標：維園主打《最紅大廚》現場限定熱食同話題小店、觀塘走「街頭香口＋台式飽肚」路線、啟德就以地道熟食做招牌。文章同時整理各年宵開放時間和日期重點，方便你按時段規劃路線，少走冤枉路，食到最精華！

全港TOP5花市推介懶人包

年宵2026｜全港5大年宵市集必食攻略

1）【維園年宵】

今年維園年宵掃街必食：最大特色為《最紅大廚》本地熟食攤位，主打現場限定熱食，即叫即整、香氣十足，行到攰都即刻回血。想討個好意頭，其中必點何蘭正慢煮叉燒紅運饅頭，慢煮叉燒鹹香入味，配「紅運當頭」饅頭最應節。想食得特別就揀 Sick! Burger 年宵限定「豐足柑蠔堡」，啤酒炸漿包裹炸蠔夠脆，配清新帶酸柑橘醬汁更開胃。街頭本地攤檔有由女僕哥布林士多魚蛋燒賣配「魔法哥布林醬」，由印度咖喱等混製重口味，再加有女僕待遇有夠話題。最後用一流壹蟹黃蟹籽撈烏冬收尾，蟹黃濃郁、蟹籽爆口感，夠飽肚當主食一流。

↓點擊圖片放大↓

開放日期：
2026年2月11日（星期三）至2026年2月17日（星期二、年初一清晨）

活動地點：
維多利亞公園

開放時間：
2月11及12日：上午8時至翌日凌晨12時；
2月13至15日：上午8時至翌日凌晨1時；
2月16日上午8時至2月17日上午7時

2）【觀塘年宵】

觀塘年宵主打「街頭香口＋台式飽肚＋打卡pancake」。第一站先食「土瓜灣名物」日昇小食韭菜餅，煎到外脆內軟、韭菜香夠濃，趁熱最有鑊氣。想頂肚就揀台灣雞包飯，份量十足、調味偏濃，當主食位最穩陣；再加一份台灣蚵仔煎，外香內軟配醬汁即刻有夜市感，建議同朋友分食留肚。甜品位一定要去 At this moment「主動出戟」pancake：肉桂蘋果暖香、抹茶士多啤梨清新；唔想食甜就選芝士火腿粟米，鹹香濃郁又方便拎住行，完美收尾。

↓點擊圖片放大↓

開放日期：
2026年2月11日（星期三）至2026年2月17日（星期二、年初一清晨）

活動地點：
觀塘區觀塘遊樂場

開放時間：
2月11及12日︰上午8時至翌日凌晨12時；
2月13至15日︰上午8時至翌日凌晨1時；
2月16日上午8時至 2月17日上午7時

3）【旺角年宵】

旺角花墟除咗買花，最驚喜係有一排排美食攤位可以邊行邊食，現場煙火氣十足，行幾步就聞到油香同香料味。必試一定係長沙臭豆腐：即叫即炸、熱辣辣上手，外層脆口、入面嫩滑多汁，再淋上濃醬，臭香夾雜香料味，愈食愈上癮。口乾想解膩就買杯暴打檸檬茶，檸檬香清新、酸甜平衡，仲有可愛茶壺杯蓋，打卡一流。想食甜品有魔女布丁的日式焦糖布丁，奶香、開心果到阿華田口味選擇多，細細樽方便帶住走。買完花再掃多轉，小旅行感即刻滿分。

↓點擊圖片放大↓

開放日期：
2026年2月11日（星期三）至2026年2月17日（星期二、年初一清晨）

活動地點：
深水埗花墟公園

開放時間：
2月11及12日︰上午8時至翌日凌晨12時；
2月13至15日︰上午8時至翌日凌晨1時；
2月16日上午8時至 2月17日上午7時

4）【荃灣廣場「開心果甜品 x 手作市集」】

今個新年「開心果控」必到！荃灣廣場由 *1月22日至2月22日呈獻「開心果甜品 × 手作市集」，以人氣開心果做主角，帶嚟一系列創新甜品。市集同時邀請本地手作匠人進駐，多間人氣小店會每週輪流登場，包括：CATCHI招牌「開心果三重奏麻糬」、A.D.C. 濃郁開心果提拉米蘇、均香餅家*傳統開心果賀年食品，以及 Madness Family必嚐開心果 Gelato 等。想過一個甜蜜又有手作氣氛嘅新年，呢站非常啱。