【結業潮2025】尖沙咀人氣火鍋店「城寨煲皇」突發宣佈將於明年結業，消息震驚不少食客，這間以懷舊九龍城寨為主題的火鍋店，早前因電影《九龍城寨之圍城》大熱而爆紅，更成為影迷打卡熱點，連電影演員古天樂、林峯、劉俊謙亦是座上客。可惜餐廳透露將於明年初正式收爐，店家更感性剖白結業原因，不少網民大感惋惜，立即把握最後機會朝聖！
城寨煲皇2大鎮店名物 龍鳳雞煲翅＋秘製沙嗲鍋
城寨煲皇兩大鎮店名物絕對是必食之選！首推「招牌城寨龍鳳雞煲翅」，湯底金黃濃厚，選用足料花膠及素翅熬製，每一啖都充滿骨膠原，滋潤養顏，鮮甜度爆燈，冬天暖胃一流；另一人氣王「秘製沙嗲醬城寨沙嗲鍋」，湯底以獨家秘方調配，質感濃稠且花生味香濃，被食客大讚掛汁力驚人，用來灼肥牛或自家製響鈴，盡吸精華超惹味！
還原九龍城寨懷舊風格 劉俊謙、林峯曾光顧
城寨煲皇位於尖沙咀亞士厘道，店內裝修極具心思，以霓虹燈牌、鐵網、舊式海報等元素，完美復刻昔日九龍城寨的懷舊氛圍。早前電影《九龍城寨之圍城》風靡全港，餐廳曾推出憑票尾即享全單8折優惠，一眾電影演員包括古天樂、林峯、任賢齊、劉俊謙、伍允龍等亦曾光顧。
突發預告明年初結業 透露1原因正式收爐
日前，城寨煲皇宣佈令人遺憾的消息，店家發文指餐廳將於2026年2月中正式結業，撰寫約300字長文感激食客及交代結業原因，感慨「市場變得太快，口味都唔同咗」，表示希望在餐廳「喺最好嘅狀態，劃個句號」，將最美好的回憶留給食客。這種急流勇退的態度，令不少食客大感不捨並慨嘆「咁好食都執笠？」。餐廳承諾餘下日子會繼續煲好每一煲湯，希望大家在餘下數個月內，再來品嚐這份獨特風味～
▼城寨煲皇近300字結業公告▼
【結業公告｜煲皇將於 2026年二月中 正式收爐】
冇想過講出「結業」兩個字
會係咁難
煲皇由2021年開煲，一路熬到而家
疫情開局、起步艱難
但我哋無放棄，一直靠「認真」兩個字撐落去
為每一位食客、為每一煲湯、為煲皇呢個名
幾年間，有人開始識我哋
有人話：你哋做嘢好有心
認真做，真係會有人睇到
不過市場變得太快，口味都唔同咗
有啲嘢，不在努力，只在天時
我哋選擇收爐，唔係放棄，而係想
「喺最好嘅狀態，劃個句號」
煲皇會係2026年二月中正式結業
餘下日子，我哋會繼續煲好每一煲湯
直到最後一晚，都唔想有遺憾
多謝你哋三年來一齊陪我哋，見證一間火鍋店嘅堅持
有日，可能我哋會再煮
再約你，食返熟悉嘅味道
時代變，城寨不變。
資料及圖片來源：IG@klsc_schp、IG@jcblanc.studio、小紅書@城寨煲皇及小紅書@李杰克
逾10間尖沙咀打邊爐推介 唱K火鍋／任食雞煲火鍋／海鮮放題／懷舊風港式邊爐
尖沙咀打邊爐推介│ 1. 無老鍋（台式火鍋）
去尖沙咀打邊爐，不能錯過台灣過江龍「無老鍋」！無老鍋最出名是湯底，必試「麵包豆腐白湯鍋」，味道超鮮甜；另外亦有「無老辣香鍋」，用中藥香辛料熬製，非常惹味。選擇困難的朋友，可以直接選招牌鴛鴦鍋，一次試兩款！
每款鍋底都附送「麵包豆腐」同「鴨血」，而且可以無限添加！CP值超高！另外，獨創的「冰淇淋豆腐」由豆腐、魚漿和花枝漿混合製成，口感像雪糕般綿密，打卡必食！
無老鍋 尖沙咀店
地址：九龍尖沙咀中間道15號 H Zentre 7樓703號鋪
營業時間：11:30 - 23:00
電話：2633 3586
尖沙咀打邊爐推介｜2. 劉一手重慶火鍋（麻辣火鍋）
喜愛麻辣火鍋的食客，絕對不能錯過來自重慶的過江龍「劉一手」。餐廳最有名的就是招牌「一手辣方麻辣紅油湯底」，標榜麻不傷胃、辣而不燥。最新配方更升級至用三款底料磚調成，層次豐富。香港分店特設「三拼火鍋」，可自選三種不同湯底，非常適合與朋友聚會，滿足不同口味需求。「招牌內臟拼盤」是麻辣愛好者的必點之選，毛肚、鵝腸、鴨血等內臟盡吸麻辣湯底的精華，風味十足。
地址：尖沙咀柯士甸道西1號ELEMENTS圓方火區2樓2001B號舖
營業時間：11:30 - 23:00
電話：2386 6008
尖沙咀打邊爐推介｜3. 616牛肉火鍋專門店（牛肉火鍋）
這間火鍋店專門提供刁鑽及稀有牛肉部位，例如牛頸脊、牛肩心、封門柳等。價格亦相當實惠，大部分牛肉部位僅售$48/碟，即使是部分罕見部位亦只需$68，性價比極高。如果想品嚐牛肉的原汁鮮味，店家首推「牛骨清湯」湯底。湯底以蘿蔔、粟米及6至7斤牛骨，慢火熬煮6小時而成，湯色清澈，涮燙牛肉超美味。
火鍋店最近亦推出二人及四人套餐，而且外賣更有折扣優惠。二人外賣火鍋套餐$300都不用就可以吃到超過十款的火鍋食材。
616牛肉火鍋專門店 尖沙咀分店
地址： 尖沙咀赫德道4號The Hart 1樓
營業時間：13:00 - 00:00
電話： 9037 4146
