中環美食｜百年古蹟畢打行變身粵菜館！名廚陳思海坐鎮「中環飯店」　必食惹味砂鍋炒蟹＋爆膏溏心瀨尿蝦

foodie.sindy

中式料理

【中環新派粵菜高級飯堂！畢打行裡儀式感滿滿✨】

中環畢打行呢幢百年歷史建築,真係臥虎藏龍!最近發現呢間 ｢中環飯店｣,由老牌飯堂華麗變身,保留咗份懷舊嘅氣派,又注入咗全新嘅精緻靈魂｡環境係高級深木色調,柔和燈光好有格調,坐得舒服,侍應嘅介紹亦好細心到位｡ 今次真係大滿足,試咗好多款招牌菜,每道菜嘅心思同功架都令人印象深刻!同大家逐樣分享下: 🔺《前菜》 🔸鴛鴦蓮藕餅 ($168)
｢一煎一炸｣嘅雙重奏!炸嘅外層超級香脆,咬落｢索索聲｣;煎嘅就外皮微焦,內裡保留晒蓮藕粒嘅爽脆同肉汁嘅鮮甜｡一次過滿足兩種口感,作為前菜即刻打開味蕾! 🔸黑醋脆鱔球 ($208)
必食推薦!鱔球炸到金黃,外層嘅脆漿薄如蟬翼,形成咗一口｢玻璃脆｣嘅口感｡咬開裏面嘅鱔肉仍然嫩滑彈牙,一啲泥味都冇｡酸甜醒胃嘅黑醋汁掛喺面頭,味道平衡得剛剛好 🔸18斬話梅醉乳鴿 ($138)
乳鴿浸得超入味!話梅嘅酸甜同醇厚酒香徹底滲入肉裡,鴿肉嫩滑得嚟帶點咬口,味道層次好豐富｡斬成細件,細細啖咁食,真係越食越滋味,送酒一流! 🔺《主菜》 🔸辣不辣韭菜生煸方利 ($598)
視覺同味覺雙重享受!師傅將成條方利起肉,魚骨炸到豎起,造型💯｡魚肉用避風塘方式加大量韭菜同辣椒爆炒,外層香脆,內裡魚肉依然細嫩多汁,鑊氣爆棚,香辣惹味到停唔到筷! 🔸西班牙栗子豬焦香叉燒($198)
叉燒愛好者必試!用上西班牙栗子豬,肉質鬆化,油脂分布似雪花｡外層燒到帶少少焦脆,蜜汁香甜唔膩口,係近年食過最高質嘅叉燒之一! 🔸咖喱原條牛肋骨 ($368)
儀式感十足嘅一道菜!原條牛肋骨上枱已經好震撼,侍應會席前用剪刀幫你剪開｡牛肋肉燉到極致軟腍,近乎入口即化｡靈魂所在係個秘製咖喱汁,香料味豐富有層次,微辣帶甜,撈飯真係無敵,食到最後一滴汁都唔想放過! 🔸黃金芝士炸釀鮮拆蟹蓋 ($576/2位)
豪華之選!蟹蓋裡塞滿鮮拆蟹肉,一絲絲嘅口感好實在｡面頭鋪滿芝士焗到金黃,鹹香嘅芝士同鮮甜嘅蟹肉融合得天衣無縫,每啖都係濃厚嘅滿足感｡ 🔸第一刀咕嚕肉($208) 平時怕咕嚕肉肥膩嘅我可以放心食!佢哋用咗｢第一刀｣部位,肉質爽口彈牙,外層糖醋衣薄脆,酸甜度調得好順喉,加埋新鮮鳳梨一齊食,清新得嚟好滿足🍍 🔸啫啫大澳蝦醬蝦乾唐生菜($148) 上枱嘅時候仲｢啫啫｣聲,香氣撲鼻!呢道菜絕對係｢鑊氣｣嘅代表作✨｡選用香港地道大澳蝦醬,鹹香鮮味非常濃郁,但唔會死鹹,反而帶出海產獨有嘅發酵香氣🦐｡蝦乾大大隻,咬落去爽口有嚼勁,鹹鮮味十足｡ 🔺《湯品》 🔸杏汁豬肺燉花膠湯 ($188)
真係心機與時間嘅結晶!杏汁磨得極細滑,杏仁香氣溫柔;豬肺處理得毫無異味,口感綿軟;花膠厚身,燉到軟糯起膠｡飲完成碗湯,個嘴｢黐立立｣,滋補養顏感覺即刻湧現! 🔸黑蒜螺頭湯 ($168) & 姬松茸杞子燉花膠湯 ($188)
兩款燉湯都係足料之作｡黑蒜湯味道濃郁帶天然甜味,好暖胃;姬松茸湯則菌香撲鼻,味道清雅｡飲得出係真材實料,燉足火候,好舒服｡ 🔺《甜品》 🔸黑芝麻湯圓 ($136/2位)
甜品都唔馬虎!擺盤精緻,湯圓唔係浸糖水,而係裹滿香濃嘅黑芝麻粉,好似｢擂沙｣咁｡外皮煙韌,一咬開入面嘅流沙芝麻餡即刻湧出,香味濃郁到不得了! 🔸燕麥紫心番薯 ($68)
健康又美味嘅結尾!紫心番薯切成方粒,外層沾滿脆脆嘅燕麥再微微炸過,內裡番薯蓉軟糯香甜,天然甜度啱啱好,食完毫無罪惡感｡ ◦ ---------------------------------- ◦ 🍽餐廳: 中環飯店 Pedder Chinese 📍地址:中環畢打街12號畢打行LG樓 ◦ ---------------------------------- ◦ #foodiesindy ❤ 喜歡的話 記得Share ❤ ❤ 記得Like & Follow 我IG: 🌟@foodie.sindy 🌟 ❤ ❤ 齊齊去搵食😎 ❤

Flora Chan

打卡熱點

中環chill爆！🥂買一送一+免費小食！姐妹們衝呀！

🍽️ Jimmy’s Kitchen 📍 中環畢打街12號畢打行閣樓 (港鐵中環站 D2 出口, 步行約1分鐘) 這家餐廳的“Aperitivo Hour”提供了一個很適合下班放鬆的環境｡位於中環的黃金地段,讓人只需下班後即刻享受美好時光｡優惠的價格HK$188,買一送一的Spritz,加上免費的bar bites,讓這次的聚會具備超高性價比,特別適合姐妹們的Happy Hour｡ Spritz採用冷壓製作,在香港並不常見,杯中的顏色和香氣都頗具吸引力｡除了飲品,配上特製的bolognese,肉醬與脆餅的搭配讓人驚喜,口感相當出色,特別適合喜愛海鮮和肉類的人｡ 此外,餐廳的梳打飲品也非常精緻,每一口都能感受到細膩的口感｡整體氛圍感好,適合拍照打卡,無論是與朋友小聚,還是自己放鬆,都是不錯的選擇｡這裡提供的輕食和飲品,良好的配搭讓人流連忘返,讓我期待再次光臨｡ 供應時間:
 周一至周五 16:00 – 19:00 #UCreator#打卡美食#好去處#全新景點#chill#隱世打卡點#打卡

ly_nonstopeating

打卡熱點

The Mira Hong Kong

喜記炒辣蟹🦀！尖咀都有得食😋！60年老字號！

香港以食吃海鮮出名,除咗西貢食海鮮外,其實🦞尖沙咀也可以吃到咁新鮮的海鮮,而且已經有60 年歷史,不少名星如梁朝偉,陳奕迅,謝霆鋒､王菲都愛這家炒蟹,名氣絕對不輸西貢海鮮｡ 📍喜記正宗炒辣蟹 一上檯已經睇到隻大紅蟹霸氣十足!🦀 個蟹殼鮮紅亮澤,蒜蓉包含十幾種配料,再經過發酵,香氣撲鼻而來!螃蟹是每日空運到港,精挑細選｡蟹肉又鮮又甜,肉質爽彈有嚼勁,香辣過癮,鹹香夠晒味,拌瑤柱蛋白炒飯一洸!連平時唔食辣嘅朋友都讚到天靈蓋都飛埋!絕對係識揀嘅海鮮愛好者必試之選｡ 📍喜記招牌富貴蝦 呢隻瀨尿蝦真係大到離譜!😲 蝦肉彈牙爽口,非常新鮮及鮮甜!蝦肉微微透光咁,一咬落去好治癮,完全唔會有橡筋口感｡上面嘅蒜蓉酥極香口,粒粒金黃香脆,同蝦肉嘅鮮甜完美配合｡仲要有待應專人幫手剪開蝦殼,食起上嚟方便又舒服,咁樣嘅享受真係值回票價! 📍蒜蓉粉絲蒸扇貝 來自日本的扇貝,隻隻都有手掌咁大,扇貝肉肥美多汁,粉絲吸收晒啲扇貝湯汁,軟滑得嚟唔會過淋｡上面嘅蒜蓉香氣撲鼻,啖啖都係海洋嘅鮮甜,配上少少蔥花提升香氣,簡簡單單就係王道｡真係食完都回味無窮,絕對係海鮮控唔可以錯過嘅選擇! 📍鮮果咕嚕肉 鮮果咕嚕肉色澤金黃誘人,一見到已經好想即刻食!🤤 肉塊外脆內嫩,炸得恰到好處,咬落去仲有啲微微肉汁｡個醬汁酸甜適中,唔會太膩,菠蘿鮮甜多汁,同脆口嘅青椒紅椒一齊食,層次豐富｡雖然係傳統菜式,但喜記整得出色,絕對係一個平衡返成餐海鮮嘅完美收官! 喜記絕對係一間值得推薦嘅海鮮餐廳,菜式新鮮有水準,烹調技巧一流,無論係蟹､蝦定係扇貝,都係海鮮嘅最佳演繹!下次想食海鮮,一定要嚟試下! 🔹🔹🔹🔹🔹🔹🔹🔹🔹🔹 #喜記避風塘炒辣蟹(尖沙咀旗艦店) 尖沙咀彌敦道118-130號美麗華商場2期2樓268-270號舖 🔸🔸🔸🔸🔸🔸🔸🔸🔸🔸