壽喜燒｜灣仔日本菜｜日山壽喜燒——連續十年東京米芝蓮一星，以百年和牛工藝為冬祭限定菜單帶來正宗日式節慶盛宴，12月起灣仔獨家登場，嚴選A5和牛及祭典地道食材，包括 : 寒鰤簿切刺身、A5肩胛甘辛煮、秋田仁賀保冬祭用寒鱈、旬海產石燒及A5和牛西冷與肩胛等，即睇以下介紹！
東京米芝蓮一星日山 百年頂級壽喜燒
提到日式壽喜燒，不少香港食客心中第一選擇必定是「日山」。這家源自1928年東京日本橋的百年老字號，不只是和牛鑑定權威，更連續十年獲得東京米芝蓮一星。日山2019年進駐香港，於尖沙咀海港城開設首間海外分店！香港分店由日本直送A5國寶級和牛，每塊均附牛隻格付證書，品質與東京店質素同樣完美！
日山裝修「一秒到日本」
走進店內，充滿傳統美學的包廂空間、從東京運來的百年古董、漆面大餐桌、和風吊燈，讓你仿如置身日本老店，VIP房「鶴」更完整復刻總店設計。由2人私密用餐，到30人以上大型宴會，都可盡享日式用餐體驗。
免費關東煮
餐廳門外設祭典小食檔和即影即有拍照打卡區，星期五六晚上顧客只需簡單打卡，即可獲贈限定關東煮。湯底用上燒飛魚、沙甸魚、鯖魚乾等熬製，層次比坊間更豐富，配料新鮮多元。
灣仔日山冬祭限定菜單
今年冬季，灣仔日山分店靈感取自日本秋冬祭典，推出《日山・冬祭》兩個月限定菜單。由2025年12月1日至2026年1月30日供應，以七大祭典主題菜式串連日本秋冬味覺與文化！
灣仔日山菜單亮點：日本祭典七道傳奇美饌
這套冬祭餐單以頂級日本冬季食材貫穿全程，嚴選來自富山灣的寒鰤製成簿切刺身，魚脂如雪般入口即溶，配合松露的獨特幽香，帶來多重風味享受，瞬間喚起冬祭節慶氣息；A5和牛肩胛甘辛煮參考山形芋煮會傳統將自家A5和牛慢燉芋頭，湯底濃郁醇厚，暖心窩胃。
主菜特設秋田仁賀保冬祭指定寒鱈鍋，雪白嫩滑的鱈魚搭配高湯和柚子絲， taste 清新柔潤。燒物靈感來自男鹿生剝鬼柴燈祭，時令海產以石燒方式釋放鮮美，香氣奔放；壽喜燒採用A5西冷及肩胛，融合昭和風味秘製醬底並加上五品時蔬，鹹甜醇厚更顯經典溫馨。
主食可選日本米飯、味噌湯或秋田稻庭烏冬，米香清雅，烏冬冷熱皆宜又飽肚暖胃。甜品方面，琥珀糖與柚子撻靈感來自大館糖果市，琥珀糖晶瑩剔透，柚子撻清香酥脆，帶來圓滿收結，整體展現冬日美味與和風慶典意境。
最後，每席更送新潟越光米迷你包裝作紀念，來自雪水灌溉、獲特A級最高評價的日本極品。整席每位$1,288，二人以上提前訂座可享85折。12月至1月底期間限定供應，座位極搶手。建議提早預訂，二人以上訂座可享8.5折優惠。
日山壽喜燒冬祭限定菜單
供應日期：2025 年 12 月 1 日至 2026 年 1 月 30 日
地址：灣仔皇后大道東 183 號合和商場 4 樓 416 號舖
營業時間：星期一至五:中午 12 時至下午 3 時、晚上 6 時至 10 時 30 分; 星期六、日及公眾假期:中午 12 時至下午 3 時 30 分、晚上 6 時至 10 時 30 分
電話：+852 2335 038
人氣餐廳排名
-
日式料理
彩星中心
尖沙咀米芝蓮壽喜燒 🥩🥢 禪八日本料理，和牛控必試！
約咗朋友仔食飯,食肉獸講明要食壽喜燒,於是我哋就去咗尖沙咀彩星中心6樓的禪八日本料理~ 就係海港城對面,Apple shop樓上｡我哋去到門口先知原來呢度係連續3年米芝蓮推介食肆!!!臥虎藏龍啊! 餐廳環境好日式,我哋坐榻榻米,望住尖沙咀街景,感覺幾好｡ 呢度主打｢日本一｣宮崎和牛,和牛證書好搶眼😂 我哋今日食和牛啦,一人一個椿套餐,可以一次過試晒A4同埋A5嘅宮崎和牛🤗 禪八堅持沿用日本紙火鍋同埋壽喜燒最傳統的湯汁和做法,體現日本原味道｡ 未食和牛之前,已經好多嘢食! 海膽蛋配咗桔柚調味,好開胃｡刺身三點好正,有圖有真相,睇吓件拖羅~ 甘鯛立鱗燒唔係成日食到,好食!魚鱗部份好香脆可口😋 壽喜燒嘅肉類份量十足,和牛同北海道豚肉各三片,仲有野菜盛合同稻庭烏冬!和牛油脂豐富,雪花紋好靚,入囗口感好幼滑,配上煮到少少焦糖感的醬汁和蛋汁,真係好好食🤤 #日本菜#嗚啦吔哈#金像獎請睇戲
閱讀更多
-
香港攻略
日山
終於食到山壽喜燒🥰 | 灣仔合和必食🇯🇵
終於衝咗去灣仔合和酒店商場嘅日山🔥東京百年米芝蓮十連霸壽喜燒名店真係名不虛傳! 試咗$698 A5和牛三重精選壽喜燒套餐🥩肩胛蓋肉､肩胛肉眼､肩胛羽下一次曬冷,總重約160g,勁滿足!堅持百年目利鑑定3毫米厚切,自家工場屠宰直送SQF最高級認證,油花勁靚､一浸即溶､脂香爆燈✨ 全獨立廂房超私隱💼商務約會､紀念日都一流!｢鶴｣房仲有日本總店搬過嚟嘅百年古董,一秒飛京都🇯🇵 而家仲有日山春祭🌸期間限定,兩位以上訂座即享85折!沖繩阿古豚涮涮鍋､A5和牛朴葉味噌燒､昭和風味壽喜燒,最後以櫻餅葵餅收尾,春日感滿滿~ 人生壽喜燒天花板,食過返唔到轉頭😭 日山 (合和酒店.商場) 📍灣仔合和商場4樓416號舖 @hiyamahk #日山#Hiyama#日山和牛#東京米芝蓮#A5和牛#和牛壽喜燒#日山壽喜燒#米芝蓮壽喜燒
閱讀更多
-
日式料理
專人即席料理 尖沙咀維港靚景壽喜燒
呢間位於尖沙咀既過江龍壽喜燒係日本東京百年名店，連續十年獲得米芝蓮一星。主打當然就係用A5和牛特制壽喜燒，有專人會在場即席料理，客人可以自行選擇牛肉生熟程度。同閨蜜影相打卡或情侶約會都一流！ 【前菜】(侍應推介跟數字順序食) 1. 梅酒啫喱車厘茄 一入口係淡淡梅酒香味，啫喱層係啫喱糖既口感。咬落去車厘茄爆汁，酸酸甜甜真係好開胃，好特別！ 2. 素筑前煮 呢個就無太大驚喜，係日式家庭小菜，汁煮切左粒粒既蓮藕，紅蘿蔔同蒟蒻。 3. 櫻花蝦茶碗蒸 櫻花蝦食落唔會拮嘴，茶碗蒸表面有層薄薄茨汁係面，同埋蛋一齊食成件事好順滑、有鮮味而且鹹度適中。 【主菜】(配日本米飯、漬物、麵豉湯) ・壽喜燒A5和牛嚴選部位及野菜盛 ($498) 今次套餐選用兵庫縣A5和牛西冷，而餐廳就推介七成熟。係座位附近就有專人即席料理壽喜燒，關東風既煮法就用醬汁直接煎煮，之後直接放入蛋液(侍應話係用左鹿兒島縣雞蛋)。 和牛西冷油花分怖好平均，食落軟稔而且油香十足，輕輕一咬就已經可以分開。牛肉味好濃，浸過蛋液之後好嫩滑。伴上大蔥，露荀，鮮冬菇，豆腐同埋蒟蒻絲一齊食，值得一讚係個醬汁唔會蓋過食材既原味。最後用充滿和牛油脂既蛋液撈飯食真係一流。 ・海鱸魚西京燒 ($308) 呢個西京燒選用左海鱸魚，份量都比想像中大。表面燒到有少少金黃焦脆，皮脆肉嫩而且啖啖肉。調味用左帶甜味白味噌，加埋好香既魚油真係好下飯，幾唔錯！旁邊仲伴左清新既沙律菜，平衡返魚油既膩感。 【甜品】 ・柚子雪葩 雪葩係濃郁柚子味，淡淡清甜帶有粒粒柚子皮，好清新好解膩，為呢個套餐劃上完美句號。 日山 地址：尖沙咀廣東道3-27號海港城海運大廈3樓OTE302號舖 營養時間： 星期一至五 1200 - 1500，1800 - 2230 星期六至日 1130 - 1530，1800 - 2230 綜合評分 環境：5/5 食物：4/5 衛生：4.5/5 打卡指數：4.5/5 CP值：4/5 人均消費：$450 (午市) 想睇更多食評請Follow女乃花余🤗 IG: milktea_foodie_good.west #慶祝 #日本菜 #relax #拍拖 #生日 #壽喜燒 #聚舊 #拍拖好去處 #柚子雪葩 #打卡 #weekend chill #日本餐廳 #日山 #茶碗蒸 #西京燒 #午市套餐 #晚市套餐 #日本過江龍 #尖沙咀海港城 #今日食咩好 # 180度海景餐廳 #關東風壽喜燒 #Reunion #東京百年老店 #東京米芝蓮 #即席料理 #梅酒啫喱車厘茄 #筑前煮 (此文章由U Blog 同步發佈至社群)
閱讀更多
