港島餐廳推介｜全新現代粵菜「八玥翡翠」已正式開業，以宋代美學打造優雅用餐空間，重現極具儀式感的懷舊推車點心！餐廳主打多款創意粵菜名作，必食秘製火燄黑叉燒、火山岩石燒脆鱔、膏蟹蒸手剁肉餅等！為慶祝開幕更推出重磅禮遇，教1招免費歎招牌翡翠蔥油脆皮雞，內文即睇餐廳環境及U Food必食推介！
現代粵菜「八玥翡翠」正式開業！重現懷舊點心車
現代粵菜「八玥翡翠」坐落於太古城中心，餐廳設計靈感源自宋代美學，環境內斂雅致，除了提供舒適的窗邊便餐區及可容納24人的私人廂房外，最大的特色是重現了全港漸已失傳的傳統點心車！茶客可以親自於餐桌旁挑選即蒸熱辣辣的手作點心，重溫昔日經典飲茶的濃厚人情味。
細味6大匠心名作！秘製火燄黑叉燒＋16吋大油條
菜單由資深廚藝團隊主理，將傳統手藝與當代創意結合，必食6大名作包括「秘製火燄黑叉燒」($168)，選用三七黃金比例五花腩，上桌時澆上威士忌點火淋燒，焦香甜美；還有東西合璧的「茴香芝士蕃茄焗牛肉配16吋大油條」($198)，酥脆大油條蘸上濃郁醬汁極之昇華！此外，還有慢燉4小時的「肉汁土蛋燉羊肚菌瓦罐湯」($78) 及蟹膏甘香的「膏蟹蒸手剁肉餅」($438)！
記者實測必食推介！外焦內嫩脆鱔＋爆膏蟹蒸肉餅
U Food記者首推「火山岩石燒脆鱔」($228)，以高溫火山岩石上桌鎖住香氣，鱔肉超級酥脆，外焦內嫩且香口非常，絕對是絕佳下酒菜！「膏蟹蒸手剁肉餅」則選用多黃多肉的時令膏蟹，蟹汁蒸入手剁肉餅中，軟嫩多汁，打卡宴客一流；全天候供應的「八玥雀籠點心」($238)，以雅致雀籠盛載水晶鮮蝦餃、黑松露燒賣及鮑魚雞盞酥等 6款精緻點心，賣相精美！
▼即睇小編試食實拍照片▼
懷舊糖水外賣專區！必試象棋奶皇米糕＋酒釀麻糬鳳凰奶
盛宴尾聲別錯過門口的「Canto Sweet 玥中有甜」外賣專區，以百子櫃裝潢結合現代甜點吧，招牌甜品包括造型極具趣味的象棋造型「棋逢敵手—奶皇蒸米糕」（($58)，以及蛋奶香濃郁的「酒釀米麻糬鳳凰奶」($42) 與清爽解膩的「蓮子桃膠大滿貫」($50)，另有順應四季規律調製的「二十四節氣時令茶單」及金駿眉紅茶拿鐵，為一餐畫上圓滿句號。
1招免費食翡翠蔥油脆皮雞！附領取方法＋預訂詳情
為慶祝新店開幕「八玥翡翠」推出限時「日日送招牌脆皮雞禮遇」，即日起至9月11日期間，預訂晚市堂食惠顧滿$800或以上，即可免費獲贈價值$208的「翡翠蔥油脆皮雞」半隻！嚴選肥美三黃雞炸至皮脆如紙、肉嫩多汁，配上熬煮8小時的特製綠蔥油與紅蔥香菇醬，蔥香濃郁，優惠每日數量有限，送完即止，訂座時記得提早提出享用！
優惠條款及細則：
‧ 優惠數量有限，先到先得，送完即⽌。
‧ 必須於訂座時提出享⽤此優惠，⽅可獲贈相關菜式。
‧ 優惠只適⽤於晚市堂食。
八玥翡翠 Canto Jade
地址：太古太古城道18號太古城中⼼5樓506號舖
電話：9075 9087 (WhatsApp)
營業時間：星期⼀⾄五 11:00 - 22:30 / 星期六至⽇及公眾假期 09:00 - 22:30
Instagram：@cantojadehk / Facebook：@cantojadehk
資料及圖片來源：U Food及八玥翡翠
<<提醒各位購買前留意訂購平台的使用條款及細則，一切以訂購平台及餐廳公佈的價錢為準。數量有限，售完即止；所有優惠細則更新至文章發佈日期，訂購平台及餐廳保留更改優惠權利，U Lifestyle 概不負責。>>
人氣餐廳排名
-
香港攻略
八玥翡翠
太古城精緻新派粵菜🥢
😈 <太古城,傳統手藝與當代美學新派融合 -現代粵菜食府> 📍 八玥翡翠 (Canto Jade) 地址:太古太古城道18號太古城中心5樓506號舖(太古城地鐵站E1出口) 今次帶大家去太古城新開業嘅新派現代粵菜｢八玥翡翠｣(Canto Jade)!餐廳裝潢以宋代美學為基調,融合咗幾何藻井等燈飾元素,深木色牆身配上柔和燈光同精緻嘅青瓷器皿,空間寬敞舒適,既溫馨又帶點典雅嘅氛圍｡另外仲有懷舊點心車同埋外賣部,充滿人情味之餘仲好有心思! 今日試咗以下一系列精緻菜式: 🔸食物🔸 🥣 肉汁土蛋羊肚菌瓦罐湯 瓦罐上陣保溫極佳,湯頭濃郁滋補,羊肚菌同肉汁嘅鮮味完全融入土蛋之中,暖胃又滿足｡ 🥢 酸薑皮蛋凍豆腐 賣相精緻,皮蛋嘅鹹香同酸薑嘅微酸完美平衡咗凍豆腐嘅清淡,口感滑溜開胃｡ 🦆 松煙茶燻鴨(半隻) 上枱時帶住陣陣松煙茶香,外皮煙燻至香脆,肉質依然保持鮮嫩多汁,層次非常豐富｡ 🫕 蝦籽金湯蘿蔔 金湯濃郁鮮甜,蘿蔔煮到極度軟腍入味,面頭灑滿香口嘅蝦籽,鮮味十足｡ 🍤 蔓越莓芥茉脆蝦球 蝦球炸得外脆內彈牙,配上惹味嘅芥茉醬同酸甜嘅蔓越莓,中和咗油膩感,清新又醒胃｡ 不過由於本人唔食莓,所以今次安排不要配搭蔓越莓,不過不減賣相的精美同味道｡ 🍨 椰林墨白盞雪糕糖水(凍) 作為完美嘅句號,椰香濃郁,配上香滑雪糕同清甜糖水,冰涼消暑｡ 🔸環境🔸 餐廳嘅環境其實都係一個重點 餐廳裝潢為雅致嘅中式木系風格,配上深木色牆身､簡約線條同柔和燈光為主,加上水墨意境嘅牆飾同掛畫,令朋友都讚同溫馨舒適,也帶點典雅｡ 餐具方面選用咗精緻嘅青瓷器皿,更添幾分古雅質感｡餐廳空間寬敞,設有舒適嘅卡位,亦融入咗現代化元素,例如利用送餐機械人協助服務,現場所見,服務員可以和客人作更多交流,這一種中式的溫暖人情味,並非一般AI年代可以輕易提供到的｡ #八玥翡翠#太古城美食#新派粵菜
閱讀更多
-
香港攻略
八月頭先開嘅｢八玥翡翠｣,係間現代新派粵菜食府,主打精緻點心同創意粵菜🤍 環境優雅,有圓枱有卡位,坐得幾闊落~最驚喜係竟然有懷舊點心手推車!🧡下次一定要試吓佢哋嘅點心! 是日精選👇🏻 🥣 清燉西洋菜瓦罐湯 $58 西洋菜塞到滿一滿,湯料超足,味道清甜,真材實料! 🥚 蟹籽凉雞蛋膠 $118 冰涼前菜用雞蛋膠做,滑溜得嚟帶貴氣~加埋蟹籽卜卜聲,同爽滑花膠撞埋一齊,墊底仲有白木耳,清爽冇負擔! 🌿 桃仁辣木苗 $88 望落似有渣,點知入口超嫩完全無渣🤯配埋大粒又爽腍嘅桃仁,口感幾過癮! 🐷 BB乳豬(1/4隻) 呢個真係必試❗門口設有傳統火爐,每日即場燒製,號稱#天下第一豬👑嚴選農場直送45日BB豬,芝麻皮超脆,肉質嫩滑完全冇羶味~好食到想encore! 🦐 海膽玻璃蝦球 $198 賣相精緻到唔捨得食🤤蝦球鮮爽,配橙黃海膽同濃厚海膽醬,鮮味層層疊~好食! 🧁 奶皇蒸米糕 $58 棋盤造型夠晒打卡📸其實係奶黃蒸米糕,外皮煙韌,內餡香甜~嗜甜朋友實鍾意! 茶位 $20/位,整體價錢合理,質素對得住個價,可以一戰✅ ————————— 📍 八玥翡翠 太古太古城道18號太古城中心5樓506號舖 📞 27366218 #八玥翡翠#太古美食#cityplaza#雙子妹食在港島
閱讀更多
-
香港攻略
粵菜
同朋友去左間新派粵菜､試左個脆鱔､好特別､新式做法､而且每一道菜都像藝術品般精緻,卻又不失食材的本真風味 🍽️🍽️🍽️🐣🐟🐣🍽️🍽️🍽️ 🥄👅 龍蝦湯花燴素翅 💲58👅🥢 龍蝦湯鮮甜,與素翅的滑嫩形成絕妙對比｡湯頭澄澈卻底蘊深厚,隱約的燭花香氣在舌尖綻放 🥄👅燒椒醬凍馬友 💲118👅🥢 馬友魚的油脂香氣與燒椒醬的煙燻辣味相互交織,冰涼的質地更凸顯了醬料的複雜性,開胃又驚喜｡ 🥄👅 金屋藏翠 💲88👅🥢 外層腐皮的｢金屋｣包裹著碧綠的時蔬內餡,與蔬菜的清甜同時迸發,口感對比鮮明卻和諧｡ 🥄👅 蠔油脆皮雞(半隻) 💲208👅🥢 更雞皮薄如蟬翼,酥脆到近乎透明,肉質卻依舊多汁,佈悤花､滿蠔油的鹹香恰到好處地提鮮 🥄👅 岩石燒脆鱔💲228👅🥢 岩石燒至滾燙後,脆鱔在熱力下滋滋作響,香氣四溢｡肉質軟嫩中帶有嚼勁,搭配主廚特製醬汁,濃郁的鮮味風情在口中久久不散｡ 🥄👅楊枝甘露豆腐花(凍)💲45👅🥢 豆腐花的綿密與芒果的酸甜､柚子的微苦交織,冰涼的口感洗去前菜的濃厚,留下清爽餘韻｡ ———————————————————— 📮📌 八玥翡翠 (太古) 太古太古城道18號太古城中心5樓506號舖 星期一至日 10:00-22:30 🍽️🍽️🍽️🐣🐟🐣🍽️🍽️🍽️🍽️ #粵菜#脆皮雞#特色#太古#中式
閱讀更多
