逾五十年歷史的餐飲老字號「神燈海鮮酒家」推出全新親民概念品牌「神燈會館」進駐屯門，主打多款粵式新派x懷舊招牌點心，也有多款招牌小菜及新菜式推出。為慶祝新店開張，神燈海鮮酒家集團全線分店更會限定推出$18.8酸菜魚優惠，及睇更多優惠詳情：
擁有逾五十年歷史的餐飲老字號神燈海鮮酒家推出全新副線餐廳「神燈會館」，主打親民價格的粵菜及點心。首間分店選址於屯門市廣場一期，佔地15,000平方呎，地方闊落。神燈會館主打「懷舊粵菜．新派演繹」，早市及茶市提供多款粵式新派x懷舊招牌點心，包括酸菜魚餃、酥皮蜜瓜包、黑松露燒鵝生煎包等，其他精選點心如蘋果酥、鮮蝦千絲酥等，均是每日新鮮巧製。另推出全新港式煲仔飯系列，以傳統瓦煲炮製，飯底焦香金黃，設有單拼、雙拼及三拼選擇，配搭大蝦、黃鱔、龍躉等海鮮食材，將這道家常美味提升至嶄新層次。
點心紙：
新店保留了鎮店之寶「黑松露玻璃燒鵝」，亦傳承多款懷舊手工菜，包括工序繁複的「古法金錢雞」、爽口彈牙的「招牌焗魚腸」、甘香惹味「招牌蝦多士」，讓老饕重溫昔日情懷。廚師團隊更不斷突破，呈獻一系列全新菜式，彰顯粵菜的無限可能。當中必試的推薦包括:盡顯巧手的「煎釀原條鯪魚」、即叫即燒的「爆汁現烤雞」、黑松露系列新猷「黑松露琵琶鴨」，以及古法炮製的「宣威麒麟銅盆焗雞」。餐廳更引入正宗潮式風味，帶來地道的肉碎粥、滷水拼盤、韭菜豬紅及凍烏頭等菜式。
為慶祝新店開幕，神燈會館推出早、午、晚市限時多重優惠益街坊。早市時段，點心尊享優惠價格；持樂悠咭長者更可享$2茶位。午市期間，神燈海鮮酒家集團全線分店以$18.8震撼價推出「老壇酸菜魚」；屯門店限定激抵價 $168 (原價$238) 享招牌「爆汁現烤雞」；於晚市凡惠顧「黑松露琵琶鴨」，只需加$1享「桃膠燉鮮奶」一碗。優惠期有限，萬勿錯過！
早、午、晚市優惠詳情
- 早市優惠：上午11:00前惠顧早茶，點心尊享優惠價格，持樂悠咭長者更可享$2茶位。
- 午市優惠：神燈海鮮酒家集團全線分店，於上午11:30至下午3:30期間，即可以$18.8破天荒優惠價享用「酸菜魚」(不設最低消費) 上午11:30後所有時段，可以激抵價$168 (原價$238)歎招牌「爆汁現烤雞」。
- 晚市優惠：凡惠顧「黑松露琵琶鴨」一隻，只需加$1享「桃膠燉鮮奶」一碗，數量有限，售完即止。
營業時間
- 早市時段：08:30 - 11:00 AM
- 午市時段：11:00 - 02:00 PM
- 下午茶時段：02:00 - 04:00 PM
- 晚市時段：05:30 - 10:00 PM
神燈會館
地址：屯門屯順街1號屯門市廣場1期3樓3230號舖
電話：2528 6222
WhatsApp：6800 1238
營業時間：08:30 AM - 10:00 PM
飲食熱話
-
打卡熱點
神燈海鮮酒家 (18廣場) 🥰星期日同咗屋企人出去飲茶，酒樓嘅點心由傳統到新潮fusion都有，仲要樣樣極高水準，性價比唔錯！環境都好舒適，適合一大班朋友聚會 黑松露燒鵝腸🦆 第一次見燒鵝腸粉，鵝油香夾住松露獨特嘅 earthy 味 伊比利亞叉燒王🐷 厚切叉燒肥瘦啱啱好，焦糖邊脆卜卜，入口即化仲有陣陣橡果香！醃得甜鹹平衡，真係啖啖肉，幸福感Max 雪山叉燒包🐷 最鍾意食個雪山脆皮，甜甜地又香脆，入面叉燒餡多到漏！包身鬆軟 神燈蝦餃王🦐 皮薄餡靚，大大隻蝦，爽滑彈牙 潮州粉果⚪️ 外皮煙韌唔黏牙，韭菜、沙葛、花生餡塞到脹卜卜！點埋辣椒油——辣得嚟吊出鹹香， 香濃雞湯蟹肉灌湯餃🥟 雞湯鮮甜，灌湯餃大大隻10分足料 蛋黃千層糕🟨 懷舊點心，蛋黃餡勁香，而且有欖仁增加口感，成個甜品甘香鬆軟 #月餅麻糬甜蜜相遇
閱讀更多
-
節日限定
利榮軒
屯門利榮軒🤤 酒樓cosplay+晚飯咁有諗頭😂？
新片又黎啦 請幫忙俾like同埋分享出去 謝謝支持🙏🏻🙏🏻 【屯門利榮軒】丨新酒樓丨點心放題丨屯門晚市好去處丨最新開張丨留港消費系列丨逆市擴張丨屯門站丨屯門美食丨晚市激抵優惠丨平過深圳丨晚飯丨早D食飯丨有得食有得玩丨太公分豬肉丨免費派燒肉丨又食又拎丨超早鳥優惠 https://youtu.be/W6bKLbeyceM?si=FPV6vOUiDQSEFAko 詳細地址:屯門建榮街24號建榮商業大廈 電話:24630380 / 55777591 #晚市#晚市好地方#晚市好去處 #香港美食#抵食#酒樓 #晚市優惠 #香港好去處 #hongkongrestaurant
閱讀更多
-
打卡熱點
襟江酒家
全港轟動！襟江酒家強勢回歸！點心車返嚟啦！🤩
💥 全港轟動!百年襟江酒家強勢回歸 💥 唔係講笑!真係有返點心車啊!🚗 🐟 $588｢忘不了｣套餐全港首發 試完真係忘不了~忘不了魚的魚肉爽彈仲帶果香 個口感真係未食過,食落又好過癮!係淡水魚之王冇錯! ❤️ 星级名廚坐鎮 前都爹利會館燒味師傅主理 失傳懷舊菜式重現江湖 金錢雞､錦鹵雲吞全部返嚟啦! 🎵 逢星期四至日晚有Live Band 一邊食點心一邊聽演唱 現場氣氛正到爆!就連歌單都有經典懷舊金曲 👴 超抵長者優惠 免加一服務費👍 閒日全單88折 帶屋企人飲茶最著數! 🥟 全手工點心 師傅朝早4點開工 拒絕預製菜❌ 每籠都係心機製作 📍 旺角登打士街56號家樂坊8樓 ⏰ 8:00-22:00 🎤 四五六晚有驚喜演出 ✨ 必食推薦 ✨ ✅ 手推車點心 ✅ 忘不了魚套餐 ✅ 名廚燒味 ✅ 傳統灌湯餃 ✅ 時令大閘蟹 仲有好多懷舊菜式等你哋自己去試啦 📌 小貼士: 平日早上11點前離座有折 記得帶定長者咭/樂悠咭 週末想聽歌記得早啲book位! #懷舊菜#襟江酒家#點心車#UCreator#打卡美食#好去處#全新景點#chill#隱世打卡點#打卡#香港美食#香港美食日記#chill#香港好去處
閱讀更多
