港島南美食推介｜各種美味小食、品嚐Francfranc 聯乘 Stain+ café 特別菜單！

黃竹坑THE SOUTHSIDE剛於7月以全新形象示人，變身成為港島南區生活文化地標，引入了多間Pop-up，當中有多家美食小店，絕對係覓食新據點！選擇太多不知如何入手？UFood為大家精挑細選5間必試快閃店，還有招牌美食特飲推介！THE SOUTHSIDE與港鐵黃竹坑站無縫連接，由金鐘站出發8分鐘直達，立即約齊朋朋好友組隊出發啦！

1.    香港製造嘅爆谷驚喜！Amber Popcorn 
每日新鮮爆製，香脆可口，仲有可愛 Amber Bear罐陪你帶走美味！人氣口味如 海鹽焦糖、士多啤梨、雪花芝士，仲有季節限定神秘款！特別為毛孩推出 無鹽無糖Dogcorn，寵物都食得開心～店內更有全港獨家 音樂糖同多款糖果，等你來探索！快啲嚟試下啦！ 

為確保爆谷香脆新鮮，Amber Popcorn特別選用優質玉米，再經精心炒拌而成，不含添加劑。

位置：THE SOUTHSIDE LG
時間：11am-8pm

2. 意式消暑Gelato | Stecco Natura
以意大利西西里島傳統配方及天然食材製作，Stecco Natura的意式雪糕比一般雪糕更低脂，輕盈健康，加上沒有人造色素、防腐劑和麩質，食多兩杯都無負擔，更不時推出季節限定口味，為fans保持新鮮感；想再特別一點，記得揀可自選雪糕餡、不同脆皮及配料口味的雪葩。以上嘅消暑極品喺8月初開始陸續有售，大家要好好期待。

Stecco Natura的雪葩可自選不同時令口味雪糕、不同款式濃度的朱古力脆皮，甚至脆皮上的各款堅果配料和曲奇，難怪食極唔厭。

位置：THE SOUTHSIDE G/F

3.     必試新品巴斯克芝士蛋糕 | Pinky Bakery
以濃稠餡料冬甩爆紅的「孖辮女孩」Pinky Bakery，是近年本地烘焙界人氣新星，在不少地方都開過Pop-up，今次首度來到港島南區，仲帶埋新品巴斯克芝士蛋糕系列，誠意十足！巴斯克蛋糕的乳酪鬆軟香滑，配上烤得焦香的面層，每一口都是輕烤焦香與香濃奶香的融合，相信很快會成另一招牌之作。當然，店內明星始終是冬甩系列，鬆軟冬甩配搭濃稠忌廉餡料，無油溢味亦不會過甜，深得港人喜愛。

新品巴斯克芝士蛋糕系列，四款口味包括原味、斑蘭、玉桂白蘭地同烏龍茶，香滑乳酪加上焦香蛋糕面，邪惡美味！

招牌冬甩麵糰使用日本麵粉、法國牛油和蛋黃濃稠的湖北蛋一同搓製，口感鬆軟。設有多款口味。

位置：THE SOUTHSIDE G/F

4.    型格加持咖啡輕食 | Hypebeans
提供優質咖啡空間的Hypebeans，為慶祝是次THE SOUTHSIDE開幕的快閃店特別為盛夏炎熱天氣製作咖啡特飲Golden Black，另亦提供輕食甜點，當中夥拍本地手工酸種貝果烘焙店Midnight Bread Club所創作出的「芝士咸牛肉酸種貝果」，口味創新又獨特，好想試！

除了意式咖啡，還有工藝咖啡特飲，以「港式茶餐廳」鴛鴦再加八角而成的Spiced Espresso Yuenyeung和麥精香氣滿溢的Ovaltine Espresso，均是向茶餐廳致敬之作。

新店還特別推出夏日特飲、柑橘系凍咖啡Golden Black，清新消暑！

輕食方面，必試與本地手工酸種貝果烘焙店Midnight Bread Club合力炮製的「芝士咸牛肉酸種貝果」，以鹹牛肉同車打芝士做餡，再灑上芝麻及拉絲芝士，極富鹹香。

位置：THE SOUTHSIDE G/F
8am-5pm (星期一至五)；10am-7pm（星期六、日及假期）

5.    夏日水果特飲甜點 | Francfranc x Stain+聯乘café
以上幾間快閃美食店都不設坐位，想休息唞唞，一於去日本人氣家居品牌Francfranc同本地精品咖啡店Stain+聯乘的Cafe！兩大品牌首度聯乘，更特別推出限定menu，以夏日水果作主題，士多啤梨、覆盆子、檸檬、香橙和西柚等悉數登場，幻化成士多啤梨奶蓋荔枝烏龍茶、檸檬蛋白撻和西柚美式咖啡，清甜消暑又解渴，最適合夏天同Fd子坐低慢慢歎。所有特調飲品更以Francfranc靚靚水杯盛載，讓味覺視覺同時感受生活美學！

stain+主打每日新鮮烘焙的各式咖啡，不過為了今次聯乘，特別推出限定甜點特飲menu，同大家一齊迎接盛夏，在Francfranc座位區享用更可獲專屬杯套一個！

知名家居品牌Francfranc走品味家居路線，Pop-up展示各種時尚舒適的家具，更特別為今次快閃Cafe設計出座位區，給大家chill住歎美食；只為期兩個月，要去就快！

位置：THE SOUTHSIDE 1/F

*Source: THE SOUTHSIDE