灣仔美食|Cafe推介|灣仔咖啡店「in:joi」淺藍白色店舖設計非常吸睛打卡，而且近日推出的新產品亦引起熱烈討論。咖啡店全日免收加一，下次約閨蜜聚會吹水就記得bookmark啦～
「injoi」以木系店面，弧形落地玻璃設計充滿特色。而餐廳裏面以白色及淺藍色設計，給人一種小清新感覺。樓梯型座位設計，讓客人能夠一邊望着街邊，一邊品味美食，十分有心思！
咖啡店當然要有全日早餐（$148），這裏的全日早餐用料十足，有齊7款不同美食，例如牛油果、煙燻三文魚、貝果等，色彩豐富之餘，亦考慮到營養均衡。
推薦明太子海膽汁蟹肉意粉（$148），意粉上鋪有蟹肉和紫菜，每條麵都掛滿醬汁，而且每啖都吃到明太子在口中爆發的滋味。
甜品控必叫牛角包窩夫，三款口味之中推薦士多啤梨牛奶麻糬口味（$128），雙層牛角包窩夫夾着士多啤梨、奶油及牛奶麻糬，足料又打卡。一口酥脆窩夫再配上雲呢拿雪糕，冷熱交融。
再配上一杯椰子latte（$68），咖啡味稍為蓋過椰香，配搭自家製咖啡凍，喜歡重咖啡味的朋友可以一試！
近日餐廳亦推出兩款期間限定美食，每日限量供應，一推出就很常快速售罄。
港式奶茶焦糖燉蛋（$88）特別用上茶餐廳的奶茶杯，驟眼一看真以為只是普通奶茶。但其實結合了濃郁港式奶茶和滑溜焦糖燉蛋，奶茶燉蛋偏向流質，帶有茶香，中和了表面脆焦糖的甜膩。
手工菠蘿包配鵝肝牛油（$98）做法特別。菠蘿包以天然酸種發酵，外脆內軟，配上厚身自家製鵝肝牛油，入口香醇，有一種味蕾衝擊的感覺。
喜歡吃麵包的朋友，餐廳供應多款自家製貝果，大小不但比坊間貝果大，而且餡料十足！咖啡店全日免收加一，下次約閨蜜聚會吹水就記得bookmark啦～
in:joi
地址：灣仔皇后大道東141-145號恆山中心地舖
電話號碼：9879 2527
營業時間：星期一至五 08:30 – 18:30 | 星期六至日 09:30 – 19:30
同場加映：【識食攻略】最新影片
人氣餐廳排名
-
打卡熱點
平時都好少去開灣仔食嘢啊，今次經過見到一間純白色拱門透明玻璃嘅店舖。見到店內有一隻好得意嘅白色熊仔，睇吓Menu先知原來係一間Cafe。抱住打卡嘅心態就入咗去。 All day breakfast 次次去親cafe都必試ADB，咁佢哋依個都好豐富。有炒到嫩滑嘅炒蛋、煙三文魚、牛油果、培根、炒蘑菇等等，絕對係豐富之選。 港式菠蘿酸種包配鵝肝牛油 首先菠蘿包鬆軟又香脆，熱辣辣嘅包身配搭冰凍嘅鵝肝牛油，入口即溶一冷一熱口感都好特別。 港式奶茶焦糖燉蛋 如果你以為佢係一杯普通奶茶，咁你就大錯特錯。佢其實係焦糖燉蛋，入面係奶茶燉蛋口味，充滿港式奶茶香。 in:joi (灣仔) 灣仔皇后大道東141-145號恆山中心地舖 #春夏小背包
閱讀更多
-
All Day Breakfast
灣仔有好多出名嘅咖啡店 今次揀咗去依間用藍白色主調嘅Cafe 環境好靚 好啱去打卡💙🤍 最signature嘅打卡位就係喺門口嘅樓梯位 有隻大大嘅熊仔 又或者可以好似我咁入去裏面坐 都有一個擺滿花花嘅位置都好靚㗎 素食早餐$128 一上枱真係嚇親 因為好大份 好抵食🥹 有串茄 炒蘑菇 牛油果 沙律菜 仲可以揀要迷你bagel或者Sourdough 最鍾意佢喺個乳酪配上 穀物脆脆同焦糖香蕉😍 清爽無負擔嘅配搭 明太子海膽汁蟹肉意粉$148 蟹肉嘅份量非常之足夠 明太子同海膽味 都食到 唔會比其中一樣搶咗 意粉口感又夠煙靭 😋 港式奶茶焦糖燉蛋$88 俾佢嘅外型吸引咗 用黑白淡奶奶茶杯去裝住焦糖燉蛋 港式奶茶味好濃郁 仲有一層焦糖脆脆 整體唔會太甜 食落又夠滑身 不過每日限量發售 見到記得要試下 Matcha Latte$54 抹茶味好濃 奶泡打得好細滑 Flat White$44 咖啡主調係nutty嘅味道 都幾balance 牛奶嘅香味都仲留到 甜感得唔錯 帶少少雲呢拿嘅香氣 整體嚟講環境都幾舒服 餐點味道好食 份量都好夠🫶🏻 #月餅的季節
閱讀更多
-
All Day Breakfast
in:joi
🇭🇰灣仔粉藍色打卡cafe
🙋🏻♂️餓底探員去咗灣仔調查呢間cafe,餐廳以粉藍色為主調,一入門口有大大隻啤啤熊,兩旁有梯級座位,打卡一流,餐廳主打酸種麵包,仲有多款意粉,輕食,甜品同咖啡供應,仲有每日限量供應嘅港式茶餐廳系列,超勁正,必食推介👍🏻 📍in:joi 灣仔皇后大道東141-145號恆山中心地舖 🍍港式菠蘿酸種包配鵝肝牛油 $98 🙋🏻♂️表示菠蘿包以天然酸種發酵製成,表面餅乾層酥脆,麵包層鬆軟,中間配上厚厚嘅自家製鵝肝牛油,口感香軟,味道甘香濃郁,呢個菠蘿包保留咗港式茶餐廳嘅經典風味,同時注入新元素,超有驚喜😍 🧋港式奶茶焦糖燉蛋 $88 🙋🏻♂️表示將港式經典奶茶同法式焦糖燉蛋完美結合,配上茶餐廳常見嘅黑白淡奶杯,敲碎脆薄嘅焦糖,底下有濃郁香醇奶茶味嘅燉蛋,口感香軟細滑,一口入魂,必食👍🏻 🍵焙茶拿鐵 $54 🙋🏻♂️表示杯焙茶latte用上日本焙茶粉,面頭有barista用心製作嘅拉花,飲落有濃厚嘅烘焙香氣,味道甘香濃厚,加上香滑鮮奶,口感滑順,充滿奶香 🥯花生巧克力鹹焦糖 $48 🙋🏻♂️表示餐廳嘅酸種麵包全手工製,自家培養天然酵母製作,口感鬆軟煙韌,貝果內餡有巧克力,花生醬同鹹焦糖,鹹甜交織出豐富嘅層次 🍳🥓經典早餐 $148 🙋🏻♂️表示個all day breakfast有多款食材,色彩豐富好吸引,燶邊太陽蛋,鹹香嘅煙肉同腸仔,清新沙律,加上煙三文魚同牛油果配迷你貝果,營養豐富又健康,好滿足🥰 ‼️現凡於餐廳消費滿$168,出示餓底個IG優惠碼 “hungrila_foodie” ,即可獲贈牛角包窩夫1件 *數量有限,每枱只限1件 📈吃貨指數 😋好味度 9/10 🔙返啅度 9/10 #港式菠蘿酸種包配鵝肝牛油 #港式奶茶焦糖燉蛋#港式茶餐廳系列 #焙茶拿鐵#花生巧克力鹹焦糖 #經典早餐#alldaybreakfast #酸種麵包#自家製bagel#拉花咖啡 #hkcafe#打卡cafe#高質#旅行手信推介 #injoihk#灣仔美食#灣仔 #香港探店#香港美食
閱讀更多
