天氣寒冷，就想吃一個香噴噴又熱辣辣的煲仔飯，想起都覺暖笠笠！但煲仔飯其實隱藏高熱量、高脂肪及高鈉等邪惡陷阱，究竟選哪一款會較健康？今次請來營養師分享10款最常見的煲仔飯卡路里，發現以為最肥的臘味飯並不是排在榜首，而其中一款煲仔飯的熱量已相等於一般成人兩餐的攝取量，認真誇張！一齊看看以下的卡路里排行榜～
(點擊下圖看煲仔飯卡路里排行榜)*以1份計算
第1位至第10位：
煲仔飯的美味的確令人難以抗拒，要完全不吃也未免太苛刻。有見及此，營養師分享了8個小貼士，讓我們多加留意適當的食用份量、如何揀選較健康的配料及餐飲的配搭，以減少熱量攝取。
資料來源：安曼營養營養師 Ariel
香港煲仔飯8間必食之選：香脆飯焦＋臘味黃鱔飯＋米芝蓮推介
煲仔飯推介｜1. 嚐囍 — 神級黃金飯焦
嚐囍是堅尼地城人氣名店，多年榮獲米芝蓮推介，靠著「神級黃金飯焦」吸引無數煲仔飯迷排長龍，餐廳以火山石爐煮煲仔飯，飯底焦香脆口，香氣迫人，每啖都充滿鑊氣及米香！白鱔滑雞冬菇及臘味排骨飯都是人氣之選，材料嚴選自家海味店，配搭自家秘製豉油，令人一試難忘，即使每日大排長龍，食客亦表示絕對值得。
嚐囍煲仔小菜
地址：西環堅尼地城北街25號地舖
電話：2819 6190
營業時間：星期一至日 24小時營業
圖片來源：小紅書@爱干饭的勇次郎及小紅書@霉干菜蒸肉
煲仔飯推介｜2. 興記 — 廟街馳名煲仔飯
興記是油麻地廟街極具代表性的「煲仔飯」老字號，憑著炭爐即煲、香脆飯焦、份量十足，多年來吸引不少本地食客及遊客慕名排隊，招牌臘腸滑雞煲仔飯淋上特製豉油，每一啖都感受到鍋巴酥脆和炭香，食落粒粒分明又夠鑊氣！除煲仔飯之外，煎蠔餅亦極受歡迎，地道風味滿分。
興記菜館
地址：油麻地廟街12, 14, 15, 17, 19號地舖
電話：2384 3647
營業時間：星期一至日 13:30 - 15:30及17:30 - 23:00
圖片來源：小紅書@昭昭子、小紅書@行走的力量及小紅書@lessu
煲仔飯推介｜3. 坤記 — 米芝蓮兩年推介
坤記連續兩年榮獲米芝蓮推介，是西環人氣排隊店之選！餐廳堅持以炭爐即煲，主打白鱔、滑雞、田雞、臘味煲仔飯，每煲都香氣撲鼻及飯粒分明，飯焦微脆不焦黑，配料足料夠味，以獨特三米混煮加上自家甜味豉油，將米香、鑊氣、肉香層層滲入每一口米飯，飯焦入口香脆，是煲仔飯界真正「天花板」，須排隊兩小時仍人氣不減。
坤記煲仔小菜
地址：西環西營盤皇后大道西263號和益大廈地下1號舖
電話：2803 7209
營業時間：星期一至日 17:30 - 22:30
地址：西環西營盤德輔道西268號地舖
電話：2386 1618
營業時間：星期一至日 17:00 - 22:30
圖片來源：小紅書@伊娃娃、小紅書@咕噜噜卢及小紅書@椰子大王
煲仔飯推介｜4. 江湖小棧 — 招牌豬油煲仔飯
江湖小棧以「招牌豬油煲仔飯」聞名，每碗煲仔飯粒粒分明，淋上店家獨家自家製豬油和豉油，再焗2分鐘，飯焦香脆誘人，香味滲透每口白飯，邪惡指數爆燈！配料選擇多達20款，滑雞、臘味、窩蛋牛肉、土魷肉餅﹑蝦膏肉片等自由配搭，店外人龍日日排不停，不少食客大讚飯焦豬油香味一流，堪稱香港煲仔飯必試之選。
江湖小棧
地址：荃灣鱟地坊30號寶成大廈1號地舖
電話：2399 7994
營業時間：星期一至日 17:30 - 00:00
圖片來源：小紅書@小L在香港、小紅書@赖赖儿及小紅書@阿舜静静在香港
煲仔飯推介｜5. 池家人 — 必食黃鱔煲仔飯
池家人以「必食黃鱔煲仔飯」打響名堂，堅持即叫即煲，嚴選新鮮黃鱔鋪滿米飯，再加薑絲及果皮提香，層次鮮明。煲底鍋巴香脆分明、飯粒吸盡鱔肉鮮味，入口滑嫩無腥，焦香配搭醬油更添惹味！小店特別以古代客棧設計，氣氛地道，吸引大量食客排隊等位，獲網民讚揚性價比爆燈，令人食完返尋味。
池家人煲仔飯
地址：深水埗基隆街187號地舖
電話：2861 2221
營業時間：星期一至日 11:00 - 22:00
圖片來源：小紅書@澄兄湜弟与妈妈及小紅書@宵夜是大雞腿
煲仔飯推介｜6. 祥囍 — 高峰日賣逾300煲
祥囍是筲箕灣炭爐煲仔飯名店，由女師傅「花姐」一手掌舵，最勁高峰日賣超過300煲！餐廳堅持即叫即煲，以炭火慢煮，飯底粒粒分明，飯焦香脆可口！招牌蝦乾臘味、白鱔煲仔飯、窩蛋牛肉飯等配料十足，食材新鮮，淋上自家秘製豉油後，鑊氣香味撲鼻，排隊客人無懼等候，被大讚性價比高且味道穩定。
祥囍煲仔小廚
地址：筲箕灣愛民街6-28號新利大廈地下5A號舖
電話：2343 8811 / 5987 5599
營業時間：星期一至日 17:30 - 22:00
煲仔飯推介｜7. 榮記 — 邪惡芝士煲仔飯
榮記茶餐室主打創意煲仔飯，最人氣之作非「邪惡芝士煲仔飯」莫屬，熱辣辣的煲仔飯鋪上厚厚Mozzarella及車打芝士，炙燒至拉絲效果，芝味濃郁配上香脆飯焦，邪惡指數爆燈，配搭午餐肉或滑雞等餸料，有中西合璧的感覺，食落有層次又夠滿足，深受年輕人和小朋友歡迎，成為秋冬打卡必食推介。
榮記茶餐室
地址：慈雲山毓華里12號地下A-B號舖
電話：2328 9232
營業時間：星期一至六 06:30 - 21:30 / 星期日 06:30 - 17:00
圖片來源：小紅書@DZ-Style及小紅書@Candy那个糖
煲仔飯推介｜8. Nonsense — 創意日式煲仔飯
土瓜灣超人氣西日Fusion餐廳，主打多款創意日式煲仔飯，吸引大量年輕食客打卡，有蒲燒鰻魚、北海道松葉蟹甲羅盛、大蝦蟹肉、黑毛豬肋肉等口味，全部以珍珠米煲煮，加入自家調配日式醬汁！「蒲燒鰻魚煲仔飯」飯粒吸收鰻魚油香及醬汁，飯焦分明又帶焦糖味；「黑毛豬肋肉煲仔飯」用高質黑毛豬肋肉，肉質香嫩不膩。
Nonsense
地址：土瓜灣北帝街143-155號順輝大廈地下4號舖
電話：2806 3800 / 2806 3910 / 6970 5943 (WhatsApp)
營業時間：星期一至日 12:00 - 16:00及17:30 - 22:00
圖片來源：小紅書@翻山越岭小羚羊及小紅書@牛牛是也～
