$68就可以食到日本A5級數和牛丼飯？！太子港式粉麵店「竹面譜」近日踩過界推出鹿兒島直送A5和牛丼搭配夢王蛋，只需$68就有交易，CP值超高！餐廳的鮑汁冬菇花膠二人餐同樣抵食，可以試到鮑汁撈麵、花膠炆冬菇、即炸鯪魚球等，即睇詳情：
同場加映：【簡易廚房】最新影片
太子小店「竹面譜」主打港式粉麵及炸物等，最近新推出夢王和牛丼（$68），選用鹿兒島直送A5和牛，和牛約有五塊，口感軟嫩，再搭配香濃夢王蛋，$68的確是良心價~
餐廳的鮑汁冬菇花膠二人餐（$138）也頗抵食，套餐包括花膠炆冬菇、鮑汁撈麵、一款飯類、雙拼炸物、以及油菜，其中飯類更可以$29優惠價升級至夢王和牛丼！花膠大大片，炆至入味；炸物則推薦即炸蜆芥鯪魚球，香口惹味。
另外也有不少平民美食，例如夢王烤豬頸肉撈丁（$56）、炸韭菜餃、炸鮮奶、瑤柱上湯浸蘿蔔等。
竹面譜
人氣餐廳排名
-
港式美食
竹面譜太子店
夢王和牛丼、花膠鍋、炸物都好出色👍🏻
之前見到《竹面譜》呢間街坊親民小店竟然有A5和牛同花膠!好吸引,今晚我哋都嚟食啦! 我哋叫咗好多嘢食,樣樣都好好食,價錢親民,性價比高,今餐好滿足😋 〈夢王A5和牛丼〉 呢度主打菜之一,夢王蛋可以配溫泉蛋､溏心蛋､太陽蛋或生食蛋｡難得嚟食夢王,我哋一於試咗生食蛋! A5和牛有6片,真係好腍好嫩滑呀🤩 夢王蛋黃好香濃,再配埋特製醬油撈埋一齊食,真係好好食,送飯一流! 〈鮑汁冬菇花膠鍋〉 個湯好濃,但唔咸,幾好飲 花膠有6條､冬菇有4片,全部都煮到爽滑彈牙､好入味👍🏻 配埋時菜及麵,呢個鍋好豐富呀! 我哋另加〈夢王蛋(太陽蛋)〉 太陽蛋煎得好靚,好濃蛋味,送飯或淨食都好正｡ 另外我哋叫了幾款小食,呢度嘅炸物都好高質! 〈炸墨魚餅+炸鮮奶卷〉雙拼 炸墨魚餅 — 好香,肉質好厚身又彈牙,食到粒粒墨魚肉｡ 配泰式酸辣醬好好食😋 炸鮮奶卷 — 好鬆脆,入面滿滿鮮奶,甜甜地好好味,一食就停唔到口😆 炸韮菜餃 — 炸韮菜餃都係呢度招牌菜,每粒都超大粒呀! 皮炸到好脆,餡好足料又多汁,韮菜同豬肉嘅比例平均,好食👍🏻 最後叫咗支清心茶,微甜,甜度好適中,清熱解膩一流｡ 竹面譜 (太子) 地址:太子荔枝角道68號地舖 #BESTFOODwithUCreator#UCreatorHK#香港美食#九龍美食#香港地道美食#太子美食#美食推薦#竹面譜#竹面譜太子店#夢王蛋#A5和牛丼#花膠#我想食buffet#我想食Buffet
閱讀更多
-
香港攻略
荔枝角道68號
🇭🇰【熱爆抵食夢王和牛丼】
📅2024-09-25 🥢竹面譜 📍太子荔枝角道68號地舖 - 🤤味道評分:8/10 📷賣相評分:8/10 🏞環境評分:8/10 🤵🏻服務評分:8/10 😍回頭指數:8/10 💰人均價錢:$124.5 - 碌ig 見到好多foodie 推介呢間餐廳,$68呢個價錢可以食到夢王和牛丼真係好吸引,lunch time 仲有$39 蔥油百搭孖蛋飯,真係糧尾恩物!坐低睇menu期間見到有唔少熟客,又聽到有客人稱主動向職員講｢啲野好好食｣,仲有人黎到剩係外賣炸物小食,所以就即管order 多啲,一試便知龍與鳳! - 🌖夢王和牛丼 $68 蛋黃呈深橙色,蛋味香濃,完全唔會有蛋腥味,高級卵果然係高級卵👍🏻;和牛採用頂級A5和牛,油花分佈均勻,唔會太過油膩,口感非常軟腍🤤,仲有6️⃣大片,$68食到呢個質素真係無得投訴,如果係採用珍珠米就更perfect ~ . 🌖豬頸肉撈丁 $48 厚切餐肉另+$18 豬頸肉先蒸後煎,蒸煮期間將肥油迫出,所以食落爽口唔肥膩,但又可以達至焦脆嘅口感,高招高招🙇🏻♀️;豬頸肉汁非常惹味,望落貌似蔥油,實質內含蕎頭､蒜頭､芫茜､青辣椒等,味道較酸好開胃👍🏻｡厚切餐肉真係好厚,足足有成隻手指咁粗,份量真係對得住呢個價錢! . 脆炸小食雙拼 $42 小食名碼實價,寫到明俾你知有幾多件;炸物整體香脆唔油膩,就算凍左都依然好食~ 🌖炸雲吞:無論係外形定係炸皮都偏向以係舊式嘅炸蝦角,外皮較厚身,細細一粒就三粒蝦肉 🌖粟米墨魚餅:厚身彈牙﹐粟米份量可以略為增加 🌖蜆介鯪魚球:鯪魚球大粒飽滿有咬口,調味適中,就算唔點蜆介都夠味;蜆介鹹度較重,適合重點味道人仕 🌖脆炸鮮奶卷:平時食親炸鮮奶都係喺酒樓,點估到小店都有得賣!炸鮮奶配有煉奶進食,不過我就覺得會太甜,本身嘅味道已經夠甜,為一餐完美作結 . 🌖腐乳通菜 大量腐乳!醬王之選! . 🌖自家鮮制涼茶(微甜) 叫左去濕茶同埋清心火,兩者味道相似,口味清淡,容易入口,小朋友唔會抗拒｡ - #soso_foodie2024 #soso_hk2024 #soso_50元以下 #soso_50至100元 #soso_100至200元 #糧尾恩物#夢王#和牛#和牛丼#豬頸肉#厚切午餐肉#香港美食 想睇同區食店介紹?可以參考👇🏻👇🏻 #soso_九龍 #soso_太子 想睇同類食物介紹?可以參考👇🏻👇🏻 #soso_日式 #soso_港式 #soso_小食 #soso_丼飯
閱讀更多
-
日式料理
竹面譜太子店
太子隱藏版頂級A5和牛
2024 最後一日簡左係呢間餐廳度過,豪住過埋呢年既最後一日,結果無令我失望 點左: 豪華限量版鹿兒島直送頂級A5和牛+鮑汁冬菇花膠鍋配關廟麵及時菜以及夢王蛋 值得一試鍋湯底好重鮑魚汁,每一口湯底含有濃濃既花膠補充骨膠原,花膠數量多,入口易咬開,感受到花膠溫柔軟滑口感｡另外,關廟麵吸晒鮑汁味道及蘸一下生雞蛋配搭好夾｡冬菇好大塊,入晒味,易咬開｡ A5和牛入口即溶,脂肪配搭平均,嫩滑和牛肉質,配夢王蛋提升和牛層次同味道｡餐廳選料嚴謹,品質高｡ 頂級A5和牛飯配日本神戶兵庫縣｢刺身級｣雞蛋 一聽個名來頭兇兇,一食難忘,每食一口和牛,仿似去左日本餐廳,一啖一啖食晒成碗飯停唔到 炸蜆蚧鲮魚球+炸鮮奶卷 鲮魚球啖啖肉,有傳統味道,唔係度度食到既炸鮮奶卷好好味,有一番風味 淨鮮蝦雲吞 一啲都唔偷工減料,餡料飽滿,每粒雲吞有兩隻蝦 自家製涼茶 消心火+去濕茶 題外話,餐廳員工及經理服務態度好好,令我有愉快一餐😊 如果鍾意我嘅分享,請follow我,仲有記得Like同Share!ig: eateverywhere1314 竹面譜 (太子) 📍太子荔枝角道68號地舖 #竹面譜#夢王和牛#日本神戶兵庫縣刺身級雞蛋#花膠美顏鍋#骨膠原鍋#鮑汁湯底鍋#太子美食#A5和牛#夢王#日本餐廳#香港美食#豪華A5和牛#淨雲吞#炸鮮奶
閱讀更多
