MAMA Bakery 優質健康歐陸式麵包

U Lifestyle

香港攻略

Taste+ Bakery

【麵包控必睇】香港9間必食麵包店推介🍞爆紅牛油年糕／福岡獲獎過江龍／創意港式菠蘿包                                                     

唔少香港人都鍾意買麵包做早餐或者做下午茶，近年香港越嚟越多特色烘焙店跟上熱潮推出各種特色麵包，由創意港式風味到韓國爆紅邪惡牛油烤年糕通通都有！小編精選出本地9間社群U Creator認證高質麵包店推介，麵包控記得save低啦！🍞🥐🥖 --------------- 1️⃣ 享樂烘焙 相信「享樂烘焙」絕對係唔少麵包控心中嘅愛店！由新蒲崗開到九龍灣、荔枝角、元朗、荃灣，主打各款高CP值創意麵包，並標榜全天然牛油，深受港人歡迎。除咗必食招牌Bagel之外，布甸撻、抹茶蜜瓜包、紫薯麻糬包，甚至前陣子大熱杜拜開心果糯米糍都係麵包店人氣之選！ 📍地址：新蒲崗大有街3號萬迪廣場地下E鋪（總店） --------------- 2️⃣ 初麥手作烘焙 提到近期Threads爆紅烘焙店，不得不提北角及銅鑼灣都有分店嘅「初麥手作烘焙」！小編每次經過見到都排長龍，熱賣款有時仲會搶購一空！小店主打每日新鮮出爐嘅創意麵包及貝果。必食融合台灣風味嘅「招牌芋泥布丁包」、「南瓜乳酪Bagel」、近期大熱{{hket:url-hyperlink display="「牛油烤年糕」"}}https://ulapp.hk/0mc3l{{/hket:url-hyperlink}}，仲有小編私心推介嘅鹹香「明太子鹽卷」～ 📍地址：北角英皇道483號東寶大廈地下G舖 {{hket:url-hyperlink display="> “little.miss.picky” 分享初麥手作烘焙必點款式<"}}https://ulapp.hk/vvvpr{{/hket:url-hyperlink}} --------------- 3️⃣ MOROPAIN 福岡高質過江龍麵包店「MOROPAIN」都係尖沙咀打工仔其中一間茶點大熱之選～由獲獎無數嘅麵包師諸永裕士主理，店面裝修採用日系文青水泥灰風格，打卡都勁有feel！品牌主打各款創意精品麵包，每日新鮮出爐約40 款麵包。招牌日式蜜瓜包於麵團中加入乳酪，令成個包外脆內軟，而香港限定「提拉米蘇蜜瓜包」每日限定時間出爐，都係唔少麵包迷瘋搶之選！ {{hket:url-hyperlink display="> “hkeateateat” 分享福岡過江龍麵包店必買之選<"}}https://ulapp.hk/kt6mk{{/hket:url-hyperlink}} 📍地址：尖沙咀加連威老道29號地舖 --------------- 4️⃣ Red Bridge Bakery 韓國過江龍「Red Bridge Bakery」同樣深受一眾精品麵包迷愛戴。佢選用法國高級麵粉同牛油及韓國無添加天然食材，招牌牛角包更係米芝蓮廚師盲測第一名！有鮮果忌廉、芝士火腿、士多啤梨等多款口味選擇。店內開放式廚房可以見到師傅即場烘焙，保證食到最新鮮嘅麵包～ 📍地址：尖沙咀梳士巴利道18號維港文化匯K11 Musea B2樓B205號舖 {{hket:url-hyperlink display="> “BallBallTiger_” 拍片分享韓國過江龍麵包店食評<"}}https://ulapp.hk/fw7nv{{/hket:url-hyperlink}} --------------- 5️⃣ CASABAKE 觀塘工廈入面原來都收埋咗一間高質麵包店！「CASABAKE」主打每日新鮮製作牛角包及撻，特別係招牌千層酥皮撻最近大受一眾網民熱捧，選用法國牛油製作，酥脆且層次豐富。人氣糕點包括「杜拜朱古力」、「丸久小山園抹茶」、「三重特濃開心果撻」、「麻糬牛角包」～ 📍地址：觀塘駱駝漆大廈第三座4樓A1室 {{hket:url-hyperlink display="> “Chicbite.hk” 分享觀塘人氣烘焙店千層酥口味推介<"}}https://ulapp.hk/tu6q5{{/hket:url-hyperlink}} --------------- 6️⃣ 木子烘焙 位於新蒲崗嘅「木子烘焙」主打每日手工製作新鮮麵包，用12小時低溫慢發酵，選用日本麵粉同紐西蘭牛油，務求打造出軟熟、濕潤嘅日式麵包。必試招牌「明太子海鹽卷」有淡淡海鹽味同香濃明太子味、「抹茶烏龜公仔包」造型可愛吸睛，都係店內人氣之選～ 📍地址：新蒲崗彩虹道235號啟鑽苑啟鑽商場地下G15號舖 {{hket:url-hyperlink display="> “Whatthefood.hk” 分享木子烘焙必買包點及價錢<"}}https://ulapp.hk/n5yx9{{/hket:url-hyperlink}} --------------- 7️⃣ Taste+Bakery 位於天后嘅「Taste+Bakery」主打每日新鮮人手製作嘅創意麵包同Bagel，開放式廚房可以睇到麵包製作過程。Bagel口味多達9款，近期熱門嘅鹽卷、千層酥都係必點之選。社群U Creator就形容Bagel口感軟熟煙韌，而且價錢實惠，值得麵包控專程一試！ 📍地址：天后銀幕街29號地舖 {{hket:url-hyperlink display="> “Foodstalkers HK” 分享天后人氣烘焙店人氣口味選擇<"}}https://ulapp.hk/9wav8{{/hket:url-hyperlink}} --------------- 8️⃣嘉多娜餅屋 超人氣烘焙店「嘉多娜餅屋」以自創「法式布丁包」聞名，定期推出各款創意麵包新品，吸引唔少麵包迷長期幫襯！除咗有熱賣「開心果燒餅」之外，全新推出嘅「奶凍法包」用法包分別包住抹茶、朱古力同黑芝麻3種口味，每日限量定時出爐，想食就記得預時間去排隊啦！ 📍地址：油麻地碧街54號地舖 {{hket:url-hyperlink display="> “D&M Foodlosophy♡” 分享嘉多娜餅屋新品推介<"}}https://ulapp.hk/c7fb7{{/hket:url-hyperlink}} --------------- 9️⃣ The Forest Bakery+ 有冇諗過原來我哋成日食嘅「菠蘿包」仲可以同泡芙、曲奇結合一齊！人氣烘焙店森林麵包全新概念店「The Forest Bakery+」最近進駐尖沙咀 K11 Art Mall，推出一系列以港式「菠蘿包」為主題嘅商品！除咗可以入手超萌菠蘿包公仔之外，仲有脆皮菠蘿包泡芙、焦糖布甸菠蘿包、叉燒流心蛋菠蘿包等創意麵包，真係無嘢係做唔到，只有你諗唔到！ 📍地址：尖沙咀河內道18號K11購物藝術館B1樓Kiosk 17 {{hket:url-hyperlink display="> “Gretaso28” 詳細分享K11全新人氣麵包店亮點<"}}https://ulapp.hk/cmj4k{{/hket:url-hyperlink}} *人氣款式每日數量有限，售完即止，建議出發前先向個別商戶查詢最新供應情況。以上所有資訊僅供參考，視乎當日食材供應及店內最新公佈為準。 【召集Foodies🫵🏻】Buffet 導「嚐」員招募計畫 🍴✨ 想試勻全港酒店 Buffet？立即報名🏃🏻‍♀️ ▶ {{hket:url-hyperlink display="https://ulapp.hk/lanw1"}}https://ulapp.hk/lanw1{{/hket:url-hyperlink}} 招募Foodie l 分享食評生活賺額外收入！ 立即登記➡️ {{hket:url-hyperlink display="https://ulapp.hk/nsq06"}}https://ulapp.hk/nsq06{{/hket:url-hyperlink}}  🔔 Follow《U Community社群》{{hket:url-hyperlink display="Instagram "}}https://www.instagram.com/ucommunity.hk/{{/hket:url-hyperlink}}同讚好 {{hket:url-hyperlink display="Facebook "}}https://www.facebook.com/UCommunity.hk/{{/hket:url-hyperlink}}專頁，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 圖片來源：IG帳戶@jakenmebakery、@ly_bakery、FB帳戶 @Kadorar Bakery、社群U Creator {{hket:tag-user display="Pig7station"}}672988{{/hket:tag-user}} 、 {{hket:tag-user display="Gretaso28"}}960540{{/hket:tag-user}} 、 {{hket:tag-user display="D&M Foodlosophy♡"}}836689{{/hket:tag-user}} 、 {{hket:tag-user display="Foodstalkers HK"}}682735{{/hket:tag-user}} 、 {{hket:tag-user display="Whatthefood.hk"}}1022830{{/hket:tag-user}} 、 {{hket:tag-user display="Chicbite.hk"}}815949{{/hket:tag-user}} 、 {{hket:tag-user display="BallBallTiger_"}}878243{{/hket:tag-user}} 、 {{hket:tag-user display="hkeateateat"}}861420{{/hket:tag-user}} 、 {{hket:tag-user display="nocarbs_nolife"}}688387{{/hket:tag-user}}  、 {{hket:tag-user display="little.miss.picky"}}241649{{/hket:tag-user}}  #UCreator #社群創作有價 #ULifestyleApp #社群排行榜 #香港麵包店 #麵包控 #香港美食 #烘焙店推介 #手作麵包 #Bagel #布甸包 #千層酥皮撻 #牛油烤年糕 #2026香港好去處 #下午茶好去處 #打卡美食 

U Lifestyle

首爾攻略

【麵包控必睇】首爾8間爆紅麵包店🍞烘焙冠軍店／大熱MBTI麵包／鹽麵包

近年首爾高質烘焙店及麵包店各有特色，吸引大量本地及外國客人排隊都要朝聖！🤤今次麵包控小編為大家搜羅首爾8間爆紅麵包店，除咗有大家耳熟能詳嘅Artist Bakery外，仲有聖水洞熱門鹽麵包店、大熱MBTI麵包等，麵包控又係時候出發首爾開展麵包巡禮啦～ --------------- 1️⃣ Seongsu Baking Studio 首爾近期最紅麵包店非聖水洞呢間「Seongsu Baking Studio」莫屬，主廚曾代表韓國贏得麵包世界盃冠軍，更上過綜藝節目《劉QUIZ ON THE BLOCK》！主打每日現烤各國特色麵包及貝果，必食冠軍傳統「法式長棍麵包」，仲有「蔥奶油乳酪貝果」、「鹽麵包」都係唔少網民推介必食之選！ 📍地址：首爾城東區首爾林2街46地下一樓 🚄交通方式：首爾地鐵「首爾林站」4號出口步行約5分鐘 --------------- 2️⃣ 自然島鹽麵包 (자연도 소금빵) 每次小編經過聖水洞呢度，都會聞到撲鼻而嚟嘅鹽麵包香！呢間人氣鹽麵包店可以喺首爾、釜山都買到，主打用100%加拿大高級小麥、法國奶油及海鹽製成嘅「鹽麵包可頌」。全店只賣鹽麵包，網民表示無論係新鮮出爐定放凍後唔加熱都好食，唔怪得聖水洞街上人手一袋啦！ 📍地址：首爾城東區聖水洞2街321-74 🚄交通方式：首爾地鐵「聖水站」3號出口步行約5分鐘 {{hket:url-hyperlink display="> “LoklokCook” 直擊分享聖水洞神級鹽麵包有咩咁勁<"}}https://ulapp.hk/pfpc6{{/hket:url-hyperlink}} --------------- 3️⃣ Standard Bread 去聖水洞行街，好難唔被門口呢個經典呆萌表情巨型吐司吸引住！熱門吐司品牌Standard Bread主打每日新鮮出爐生吐司，木系簡約裝潢配上歐式庭園主題，成件事係勁療癒！社群U Creator推介必食現做「鐵板法式吐司」及「千層麵包」，撕開一層時好似撕紙巾一樣，無論打卡定味道都係滿分～ 📍地址：首爾城東區聖水洞2街273-53 🚄交通方式：首爾地鐵「聖水站」3號出口步行8至10分鐘 {{hket:url-hyperlink display=">即睇 “Juliana Chan” 分享人氣Standard Bread麵包真實食評<"}}https://ulapp.hk/uto7f{{/hket:url-hyperlink}} --------------- 4️⃣ Artist Bakery 身為麵包控，你就算未食過都一定聽過呢間位於安國站嘅「Artist Bakery」！作為「London Bagel Museum」嘅姊妹品牌，佢主打多款極具創意口味嘅鹽麵包及法棍。店內裝修走歐美復古藝術風，每個角落都超打卡able！人氣爆款包括「青蔥奶油乳酪鹽麵包」、「松露鹽麵包」及「伯爵茶鹽可頌」。建議出發前先喺Catchtable提前訂位，慳返好多排隊時間！ 📍地址：首爾鐘路區栗谷路45 🚄交通方式：首爾地鐵3號線「安國站」1號出口 {{hket:url-hyperlink display="> “hkeateateat” 分享Artist Bakery必點不踩雷麵包款式<"}}https://ulapp.hk/oswfe{{/hket:url-hyperlink}} --------------- 5️⃣ Ugly Bakery 嚟到望遠洞點可以唔食呢間人氣麵包店「Ugly Bakery」～佢以皮薄多餡嘅麵包聞名，更係韓國「猛獁包」始祖，近期因登上烘焙實境節目《天下烘焙》而人氣再度急升！必食開心果味猛獁包、伯爵茶忌廉包，網民甚至形容拎上手有如炸彈般有份量感！ 📍地址：麻浦區世界盃路13街73號1樓 🚄交通方式：首爾地鐵6號線「望遠站」2號出口 {{hket:url-hyperlink display="> “跳跳虎” 同您介紹望遠洞超人氣重磅爆餡麵包店< "}}https://ulapp.hk/ohd97{{/hket:url-hyperlink}} --------------- 6️⃣ Cafe Onion 人氣Cafe「Onion」分別於聖水洞同安國都有分店，不過聖水店偏向工業風格，而安國區就行韓屋風格。除咗可以打卡外，店內更主打多款現烤麵包、咖啡及甜品，必點招牌「雪山麵包」表面灑滿如雪花般嘅糖粉，另外「紅豆奶油麵包」及「酥脆牛角酥」亦係店內熱門名物！ 📍地址：首爾鐘路區桂洞146-1 🚄交通方式：首爾地鐵3號線「安國站」3號出口 {{hket:url-hyperlink display=">即睇 “Applechong” 介紹人氣Onion必點麵包款式<"}}https://ulapp.hk/st8an{{/hket:url-hyperlink}} --------------- 7️⃣ 소림사 位於龍山區嘅人氣烘焙麵包店「Sorimsa (소림사)」主打外皮酥脆內裡軟Q嘅鹽麵包，採用法國高級牛油及英國皇室指定海鹽製作，就連歌手姜珉炅、演員柳演錫都大力推介過！必食「鹽味牛油包」，小店更推出各種禮盒組合，買返香港做手信就最適合！ 📍地址：首爾龍山區漢江大路15街9 105 🚄交通方式：首爾地鐵「龍山站」步行約7分鐘 {{hket:url-hyperlink display="> “LuoLing0517” 分享龍山區人氣麵包手信店<"}}https://ulapp.hk/no3bd{{/hket:url-hyperlink}} --------------- 8️⃣ What a Bread 韓國近年將「MBTI」玩到極致，呢間位於HYBE娛樂公司附近嘅美式復古麵包店就緊貼潮流推出「MBTI麵包」一炮而紅！分別有各款MBTI字母麵包，最特別就係每款字母麵包都有唔同嘅口味體現唔同個性，如巧克力、抹茶、開心果口味等等，玩味十足而且打卡一流！ 📍地址：首爾龍山區漢江大路3街40-642 🚄交通方式：首爾地鐵1號線「龍山站」 *以上麵包店、Cafe之營業時間、每日出爐時間、限定口味僅供參考，一切以店家當日現場實際供應為準。 圖片來源：IG帳戶 @seongsu_baking_studio、@standardbread_official、@saltbread.in.seaside、@what.a.bread、@uglybakery、社群U Creator {{hket:tag-user display="LuoLing0517"}}421046{{/hket:tag-user}} 、 {{hket:tag-user display="Applechong"}}180986{{/hket:tag-user}} 、 {{hket:tag-user display="跳跳虎"}}168123{{/hket:tag-user}} 、 {{hket:tag-user display="hkeateateat"}}861420{{/hket:tag-user}} 、 {{hket:tag-user display="Juliana Chan"}}245863{{/hket:tag-user}} 、 {{hket:tag-user display="LoklokCook"}}588146{{/hket:tag-user}}  🔔 Follow《U Community社群》{{hket:url-hyperlink display="Instagram "}}https://www.instagram.com/ucommunity.hk/{{/hket:url-hyperlink}}同讚好 {{hket:url-hyperlink display="Facebook "}}https://www.facebook.com/UCommunity.hk/{{/hket:url-hyperlink}}專頁，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 #UCreator #ULifestyleApp #社群排行榜 #首爾麵包店2026 #首爾美食 #首爾自由行 #韓國旅遊攻略 #聖水洞 #韓國美食 #鹽麵包 #MBTI麵包  #首爾好去處

U Lifestyle

甜品

COCO

打卡度極高！精緻High Tea蛋糕

COCO係美麗華酒店地下嘅蛋糕店，除了提供各款精選朱古力、糕點、甜品以及咖啡，必試精緻甜點：「Tiramisu法式泡芙」同「雲呢拿芝士蛋糕」。 「Tiramisu法式泡芙」以意大利軟芝士及沾滿濃縮咖啡糖漿嘅手指餅乾製成，咖啡味濃濃，蛋糕外型吸睛，適合打卡！ 「雲呢拿芝士蛋糕」有別於一般芝士蛋糕，外表以圓形呈現，芳香雲呢拿意大利軟芝士鮮忌廉香濃，蛋糕表面更佈滿榛子脆餅，好有口感！ COCO嘅新鮮焗製嘅麵包酥餅亦推薦～包括「經典牛角酥配杏仁忌廉」及「鬆脆牛油酥配香濃黑朱古力」都不能錯過！ －－－－－－－－－－－－－－－ 📍COCO 尖沙咀彌敦道118-130號 Mira Place, The Mira Hong Kong地下大堂 #香港人氣打卡蛋糕地圖