熱香餅漢堡｜美心熱香餅漢堡｜美心西餅近日推出豬柳芝士流心蛋燒堡，銅鑼燒皮夾著豬柳、芝士，半熟流心蛋，外型神似近年大熱的熱香餅漢堡（McGriddles）。新品漢堡目前於美心西餅指定分店限量發售，定價親民只售$16，大家會想試試嗎？
同場加映：【簡易廚房】最新影片
McGriddles近年成為港人遊日必吃早餐，雖然香港麥當勞暫未供應，但不少本地商家都乘著熱潮，先後推出熱香餅漢堡。美心西餅近日也於社交平台上宣佈發售新品豬柳芝士流心蛋燒堡，外型與熱香餅漢堡有8-9分相似，不同之處是用上銅鑼燒皮。
美心豬柳芝士流心蛋燒堡
新鮮即製的豬柳芝士流心蛋燒堡定價親民，$16就有交易，銅鑼燒皮淋上楓糖漿，夾著Juicy豬柳、香濃芝士，還有半熟流心蛋，單論賣相已十分食慾，咬落更是口感鬆軟，甜味和鹹味的平衡做得幾好，大家可以一試呀～
*按細查看供應期＋供應分店
人氣餐廳排名
-
食譜
近期大熱！還原老麥熱香餅豬柳蛋漢堡～
日本麥當勞熱賣的熱香餅豬柳蛋漢堡,雖然香港已有餅店還原,但又遠又要排隊,不如動手自己做不求人😌 製作pancake: 森永班戟粉(1包) 鮮奶120-140ml 蛋一隻 其他材料: 豬柳 蛋 牛油 熱香餅糖漿 mayonnaise 我的recipe中Pancake漿略多奶 攪勻後要過篩 Pancake就會更幼滑有空氣感 大家都可以一齊試試🥰 #COOKwithUCreator#熱香餅漢堡
閱讀更多
-
日本之行
香港麥當勞推岀超人氣McGriddles😍唔使飛日本都食到‼️
之前喺各社交平台已經瘋傳MrGriddles喺香港麥當勞有得食‼️估唔到係真😱麥當勞宣布超人氣McGriddles楓糖班戟漢堡即將登陸香港🇭🇰大家唔使去日本都可以食到啦😍 即刻去圖👉🏻睇吓幾時有得食啦👀記得拉到最後,睇埋網民嘅反應有幾熱烈先~😂😂 其實我每次去日本都會特登早起身就係為咗要食McGriddles🥞!平日喺日本麥當勞,佢哋嘅早餐供應時間去到10:30a.m就冇得食啦~ 而香港麥當勞將全日供應⁉️ McGriddles將於7月27日凌晨4點起,喺香港麥當勞連同脆薯餅限時全日供應!😍破天荒全日都有得食呀,唔止早餐時段! (👀供應時間日期詳情可到圖16睇更多) McGriddles最大特色就係以加入楓糖漿嘅楓糖班戟取代一般傳統鬆餅🥞甜美可口嘅楓糖均勻地融入漢堡之中😋超邪惡!再配搭上豬柳同蛋,鹹甜鹹甜嘅味道有層次! 香港麥當勞會有呢兩款: 楓糖班戟豬柳蛋漢堡🍔同楓糖班戟豬柳漢堡🍔~日本仲有一款係楓糖班戟煙肉漢堡(圖8),不過呢款香港就暫時未有~ 我自己就真係超期待啦,覺得日本版最好食!希望香港都還原到啦,咁就唔使吓吓飛日本就食到~ 圖片來源:麥當勞､Facebook群組､Threads #日本好去處#旅行美食#旅遊行程#攻略#麥當勞#打卡美食
閱讀更多
-
Burger & Fries
麥當勞
麥當勞McGriddles🤤！你食咗未？ 🍔
McDonald’s McGriddles 係一款非常受歡迎嘅早餐選擇,供應時間:凌晨五點至早上十一點｡ 呢款美味嘅早餐漢堡包,外層係軟香嘅楓糖鬆餅,裡面夾住豐富嘅蛋､漢堡扒同融化嘅芝士,每一口都能帶來滿滿嘅味覺享受｡ 雖然好多朋友都鍾意食呢款早餐,但麥當勞嘅包裝似乎愈來愈細,食完之後仍然感到唔夠飽｡ 即使咁,McGriddles 仍然係好多人的早晨必備,無論係搭配一杯咖啡,定係同朋友分享,都能令整個早晨變得更加愉快｡ #麥當勞#mcdonaldshk#mcgriddles
閱讀更多
