甜品控注意！台北淡水人氣刨冰店「朝日夫婦」快閃香港，「朝日夫婦」的店主曾定居日本沖繩，主打日式沖繩風刨冰，今次跟將軍澳Cafe「屋子UCHI」聯乘合作，期間限定3款水果味刨冰～「朝日夫婦」店主更親自由台灣飛來香港，落手落腳為大家炮製刨冰呢！
👇 台北淡水人氣刨冰店「朝日夫婦」快閃香港：
👇 刨冰口味+價錢：
同場加映：【識食攻略】最新影片
「朝日夫婦」在台北淡水以清爽日式刨冰打響名堂，店主夫婦曾在沖繩生活數年，在日本首次品嚐到美味刨冰後，萌生回台灣開冰店的念頭，小店至今已研發了約40款刨冰口味！屋子Cafe 負責人跟朝日夫婦 是認識多年的好友，今次屋子Cafe 誠邀朝日夫婦到港，快閃進駐屋子 Cafe 提供3 - 4款刨冰，台灣店主更親自製作刨冰，誠意十足。
「朝日夫婦」出品的日式刨冰口感綿密，入口即化，配以自家製淋醬、手工熬煮果漿，相當足料。
滬尾之戀刨冰以淡水的舊稱「滬尾」來命名，用上新鮮火龍果、鳳梨、奇異果熬煮果漿，酸甜清新。刨冰無添加人工色素，天然繽紛的色彩令人食指大動，至適合打卡相機食先~
木瓜牛乳冰（即將登場）靈感來自台灣人的「國民飲品」木瓜牛奶，上層是生乳酪和檸檬，刨冰內有奶酪和脆口粟米片，令口感更豐富。
覆盆莓牛乳冰味道甜中帶酸，果香四溢，入口消暑冰爽。至於杏仁油條冰融合了台灣經典懷舊的杏仁茶油條，用分子料理技術將杏仁茶製成綿密的杏仁醬泡沫，搭配酥脆油條，創新的配搭意想不到地充滿驚喜～
屋子UCHI X 朝日夫婦
地址：將軍澳澳南海岸唐俊街23號MONTEREY Place地下G16號舖
期間限定：4月10日 - 4月23日
營業時間：11:30am - 10pm
圖片來源：IG @uchicoffee_hk @asahihuuhu
人氣餐廳排名
-
甜品
朝日夫婦 Asahi Uchi
即燒巴斯克遇上刨冰❤️🔥台灣過江龍進駐K11‼️
刨冰控表示超興奮😍人氣台灣淡水朝日夫婦登陸香港!主打日式刨冰,之前喺將軍澳開咗超短Pop up食唔到好傷心,而家再度同屋子聯乘,進駐K11 Musea,有預感又會爆紅🔥🔥🔥 —— 巴斯克覆盆莓牛乳刨冰 $130 必食!刨冰頂上係巴斯克,加咗滿滿焦糖,睇住店員一個鏟燒到着晒火,形成香脆焦糖面,底下啲刨冰又唔會溶喎好神奇😂覆盆莓刨冰入面仲有啲穀物,開胃清新 —— 沖繩黑糖刨冰 $85 黑糖味天然濃郁,有微微焦香,加埋煉奶多重風味,依款更突顯刨冰純粹,質地極緻幼細,內裏有白玉好軟熟,食到最後都唔會覺得好甜膩 —— 巴斯克蛋糕 $68 面層金黃焦香,內層質地超幼滑綿密,呈半流心狀態,入口即溶,奶香味濃郁,都係必叫! —— 院子裡的桂花 $65 依款係桂花烏龍茶,真係沖到滾水咁熱咁上🔥純粹為咗低消叫,都係叫甜品性價比高啲🤣 🌟推薦指數:9/10 ▫️▫️▫️▫️▫️▫️▫️▫️▫️▫️▫️▫️▫️ 📍 朝日夫婦×屋子 (尖沙咀) 梳士巴利道18號K11 Musea B2樓201號舖 #人人生日快樂#我係咖啡達人#尖沙咀美食#刨冰
閱讀更多
-
打卡熱點
淡水朝日夫婦登陸香港啦！ 人氣台灣淡水朝日夫婦登陸香港！主打日式刨冰，之前喺將軍澳開咗超短Pop up，而家再度同屋子聯乘，進駐K11 Musea 呢度午餐set lunch 極力推薦，抵食得黎又有質素 午餐今期有三款茶漬飯，我揀咗吉列豬扒茶漬飯$78，另加＄48試咗迷你刨冰（指定口味），今日係藍莓乳酪口味 吉列豬扒茶漬飯： 吉列豬扒鬆脆，內質香滑，好好食，豬扒厚切扎實，入口鬆化。飯上層都鋪上紫菜同米脆粒粒，香脆好食。食咗一半之後，就進行第二種食法，將茶湯倒入，湯汁清香，入口暖笠笠。 藍莓乳酪迷你刨冰： 刨冰質地綿密，藍莓汁非常新鮮，入邊有乳酪，仲有新鮮藍莓，食落健康又唔漏，係總結一整個午餐嘅非常好嘅甜品，細細碗份量十足！閒日午餐時間冇咩人，唔使排隊，非常好 #人人生日快樂
閱讀更多
-
甜品
朝日夫婦
淡水河畔，朝日夫婦🍧 日式刨冰，沖繩風情🌴
朝日夫婦是一家位於台北淡水的日式刨冰店,以沖繩風情的設計和創意冰品吸引了眾多顧客｡餐廳坐落於淡水河畔,擁有絕佳的景觀位置,讓顧客在享用美食的同時,也能欣賞淡水河的美麗風光｡ 朝日夫婦的招牌冰品包括｢淡水夕日｣,這款刨冰以芒果和火龍果為主要材料,搭配細膩的刨冰基底,並淋上紅色果醬,象徵夕陽的紅霞｡芒果片則裝飾在冰品頂端,展現了夕陽的溫暖色調｡這道冰品不僅色彩繽紛,還帶來豐富的口感層次,讓人彷彿置身於淡水河畔的黃昏時分｡ 除了刨冰,朝日夫婦還提供日式可麗餅,口味多樣,包括草莓蜂蜜蛋糕可麗餅等選擇｡每道餐點都充滿創意,並且使用新鮮食材,讓顧客感受到店家的用心｡ 餐廳的環境設計充滿沖繩風情,店內擺放了許多可愛的小元素,例如沖繩代表的風獅爺,增添了趣味性｡店內座位有限,但戶外用餐區提供了更多選擇,讓顧客可以在河畔享受悠閒的時光｡ 朝日夫婦是一個結合美食與景觀的理想場所,無論是品嚐創意刨冰,還是與朋友或家人共享愉快時光,都能讓人留下美好的回憶｡ #Dessert#日式刨冰#朝日夫婦.#淡水#蛋糕#撻#窩夫#梳乎厘#PANCAKE#鬆餅 #懶人養生最佳伴侶
閱讀更多
