12屆米芝蓮推薦！灣仔老字號中菜館 招牌鹽焗雞／梅子蒸蟹／明爐燒味

foodgazerhk

港式美食

彭慶記

必食‼️米芝連粵菜館—彭慶記

彭慶記開業多年,亦係其中一間米芝連級數嘅粵菜館,每次經過都係滿座,今次就試試佢係咪真係咁好味!入到去餐廳空間唔大,每張枱都擺到密密麻麻,確實坐得唔太舒適,而且會好清楚聽到隔離枱講乜 🍚砵酒焗筒蠔 砵酒焗筒蠔味道鮮美,酒香濃郁,蠔肉肥美鮮嫩,外皮香脆,口感層次豐富,送飯一流 🍚荷葉糯米蒸蟹 用上細隻嘅水蟹,蟹肉鮮甜,一梳梳咁,上面鋪上大量炸蒜,將蟹同蒜香嘅精華滲入米飯當中,十分惹味 🍚士多啤梨生炒骨 生炒骨酸甜適中,啱啱炸起熱辣辣,外皮香脆,肉質鮮嫩,搭配士多啤梨的果香,非常開胃 🍚大良炒鮮奶 以往好少食呢味菜,大良炒鮮奶係佢地其中一道招牌菜,炒鮮奶滑嫩幼滑,入口即溶,奶香濃郁,口感綿密,盡顯功架 🍚啫啫通菜煲 啫啫通菜煲十分有鑊氣,裏面配菜十分豐富,有蝦乾同肉碎等,通菜爽脆,醬汁濃郁,令我食多幾啖飯呀 🍚孖寶 (藕餅拼芋卷) 而家好少地方有呢款食物,藕餅酥脆可口,蓮藕肉粒粒分明,加上香茜調味,芫茜愛好者一定中意｡芋卷柔滑綿密,調味相對藕餅就無咁豐富 #UCreatorHK#BESTFOODwithUCreator#香港美食#港島美食#香港隱世美食#香港地道美食#跑馬地美食#米芝蓮粵菜#米芝蓮#打卡美食#ucreatorhk#ucreator#chill賞遊世界#相機食先#foodie#momentswithucreator#hkfoodie#momentswithucreator#港玩港食

koalayip

擦餐勁

生記飯店

40歲後Study Holiday - 灣仔米芝蓮中菜飯局

相信各位Koalascities (^O^)!既觀眾，對'Winning Team'這個名字絕對不會陌生(哈~)，難得人(熊)到中年，係學業上能夠遇到啱Channel既同學仔，曾經一齊返學同努力做Assignment，閒時又會相約飯局和旅行，是Koala的幸運。事隔數月，首位Winning Team成員已經成功大學畢業，而另一位成員亦將會到英國Exchange，大家再次分道揚鑣，如無意外，繼續升學既其他成員都會係明年相繼畢業，QF5陸續成就解鎖。 說好在7月份的飯局，終於在日前的8月最後一個星期成行，令Winning Team核心成員再次合體，目標餐廳揀選了位於灣仔的米芝蓮食府生記飯店，接近四小時的飯局話題不絕，談學習談工作談人生互相交換情報，再回到昔日的Advanced Diploma學習生活，感覺大家仍然好熱血。從Whatsapp訂位到用餐，無論食物、服務和環境都算到位，價格中規中矩，沒有限時是個加分位，整體體驗不錯。 四人前晚飯，點選了店方多款傳統巧手小菜，從前的飯局注重美食，現在較著重與好友相聚，慶幸是次在生記飯店的用餐體驗，這兩方面都可以照顧得到 飯局之始，先來Fortune Cookies開箱，簽文很符合在學的Winning Team成員所需，QF5早日成就解鎖！ 晚餐以是日例湯：南瓜唐排湯展開序幕，湯料南瓜香甜，唐排很嫩，每喝一口都充滿滋味的感覺 同學仔喜歡食香口野，在下亦恭敬不如從命，點選了在食評上老是常出現的手工小菜 - 家傳手磨生煎蓮藕餅，一客共八塊 作為一家主打懷傳統舊菜既飯店，在金錢雞/梅菜扣肉/韮杞豬膶等眾多菜式之中，揀選了最受落的懷舊蝦多士，蝦膠十分足料彈牙，入口香脆可口 同學們是「食肉獸」，除了蓮藕餅，還有脆皮燒腩仔 原本計劃要到流浮生吃燒鵝，卻因為食物水準下降而改地方，以民選投票方式決定到生記(哈~)，當然要試下店方最有名的招牌古法鹽焗雞，半隻雞的份量很足，肉質嫩滑，雞皮是香脆的，同學們都十分喜歡 主食點了瑤柱帶子蛋白炒飯，飯粒炒得分明，帶子很有咬口，調味亦沒有過火，一切都十分到位，感覺是一個美味而「健康」的炒飯，就算放涼了，炒飯依然好吃！ 餐廳贈送的甜品白糖糕雖然賣相普通，但做得十分出色，入口香甜沒有酸味，口感亦很不錯！ 生記飯店 地址：灣仔駱克道353號三湘大廈3樓 伸延閱讀 40歲後Study Holiday - 課堂前的飯局 賞味香港 - 有故事的咖啡店 Wonder Coffee 賞味香港 － 啟德至新蒲崗 #灣仔 #白糖糕 #米芝蓮餐廳 #懷舊蝦多士 #Winning Team #40歲後Study Holiday #古法鹽焗雞 (此文章由U Blog 同步發佈至社群)

Foodstalkers HK

打卡熱點

駿景軒

米芝蓮一星🌟中菜駿景軒🥢

灣仔英皇駿景酒店 @theemperorhotel 有一間連續7年榮獲米芝蓮一星🌟嘅中菜駿景軒🥢聽講容祖兒､謝霆鋒都好中意嚟食🤩 餐廳以傳統粵菜結合川菜🌶️ 可品嚐以麻 ˴ 辣 ˴ 鮮 ˴ 香多款廚師推介菜式,而且室內裝潢典雅,係一間值得同長輩食飯嘅好地方👍🏻 . 瓦罉焗胡椒蝦 : 招牌菜之一,用上新鮮海中蝦🦐,將白胡椒粒炒香鮮蝦後蓋上蓋將蝦煮熟,令蝦肉喺瓦罉𥚃面吸盡白胡椒香氣,蝦殼脆口,蝦肉鮮甜爽彈~ 清香藤椒魚 : 選用新鮮桂花魚🐟,魚肉質鮮嫩又唔會鬆散,以濃郁魚湯､四川野生椒､醋調味作湯底,味道麻辣帶微酸;而配料更有大豆芽､萵荀､黑木耳､紅薯粉,好有份量~ 霸皇辣子雞 : 滿滿都係乾辣椒🌶️,用上葱､乾辣椒､青紅花椒､鹽､胡椒等多種材料炒香雞肉,雞肉🍗入口麻辣,仲有腰果粒,帶陣陣孜然粉香味,好惹味~ 醬油安格斯牛肉石窩炒飯 : 炒飯用石窩盛載著熱辣辣,又有保温作用,米飯炒到粒粒分明🍚,每粒米吸收著醬油香,而安格斯牛肉🥩炒至軟嫩,份量亦頗大,適合2-3人享用~ 📍灣仔皇后大道東373號英皇駿景酒店1樓 #UCreator#打卡美食#好去處#全新景點#chill#隱世打卡點#打卡#estherbunny#韓式髮型神器#淨白透亮520#ucreatorhk#momentswithucreator