尖沙咀港式懷舊雞煲店推出榴槤雞煲 大大嚿金枕頭榴槤果肉！必叫三妻四妾牛肉拼盤

pipitravel

港式美食

OP十強食店‼️雞煲必食打卡店

香港特色餐廳有吾少，今次去呢間係上年年中新開，開店無幾耐已經登上openrice好評十強，襯天氣急降食雞煲同朋友聚餐暖暖胃！   龍鳳呈祥主打70-80年代港式懷舊復古主題，一入鋪頭就好似時光倒流咁，餐廳每個角落都放不同擺設從餐具到牆身都展現復刻感，大量打卡位同埋餐廳有多款創意口味雞煲火鍋，期間限定榴槤惹味辣雞煲🤭招牌無骨鳯翼釀雞煲、秘製鹹蛋黃醬雞煲、惹味雞煲翅（素翅）同日本廣島蠔雞煲   我揀咗招牌無骨鳯翼釀雞煲BB辣，廚師將雞骨挑走晒再將紅蘿蔔等等嘅蔬菜放係入面，口感好特別軟軟雞肉再配爽口蔬菜，雞煲仲放咗枝竹墊底超入味！配菜叫咗幾樣有   龍鳳呈祥牛肉拼盤，牛舌厚薄適中易咬口、龍鳳呈祥手打鮮蝦丸超彈牙、豬頸肉，擺盤好靚肉身好厚、龍鳳呈祥豐盛雜菜拼盤，一定要嗌！用放大版傳統鐵杯嚟裝雜菜，每款菜都好新鮮，另外仲點咗即制經典沙嗲牛肉餃，餃子皮好薄而沙嗲牛好濃味同餐廳食一樣     📍龍鳳呈祥 九龍尖沙咀加拿分道16號金輝大廈2樓全層   #龍鳳呈祥 #新派雞煲 #雞煲 #尖沙咀美食 #尖沙咀火鍋 #尖沙咀美食 #榴槤 #鹹蛋黃 #復古風 #懷舊風   #尖沙咀 #火鍋 #榴槤 #雞煲 #打卡 #尖沙咀火鍋 #尖沙咀美食 #復古風 #鹹蛋黃 #懷舊風 #龍鳳呈祥 #新派雞煲 (此文章由U Blog 同步發佈至社群)

DoubleJDiary

香港攻略

龍鳳呈祥雞煲火鍋

嘩！尖沙咀雞煲邪惡滋味！😍🤤

呢間位於尖沙咀嘅｢龍鳳呈祥火鍋雞煲｣真係邪惡到一個點!🤤 我哋兩個人叫咗個｢細｣招牌無骨鳳翼雞煲,加$50轉鹹蛋黃醬,一上枱已經聞到濃濃鹹蛋香,雞肉超滑無骨,啖啖肉,內裏釀墨魚滑,西芹同紅蘿蔔,仲掛滿鹹蛋黃沙沙口感,好誇張! 配料都唔輸蝕: 🦐 新鮮海蝦 鮮甜彈牙 🐙 海量芫荽墨魚丸 大大粒好滿足 🐷 西班牙黑毛豬 油花靚到識發光 🥬 龍鳳呈祥雞菜拼盤 超豐富 飲品推介自家製竹葉茶根(勺),清熱解膩,同濃味雞煲超夾!食到捧住個肚走,仲要有靚靚懷舊裝修打卡一流📸 📍地址:尖沙咀加拿芬道16號金輝大廈2樓 #香港火鍋#尖沙咀美食#鹹蛋黃雞煲#打邊爐控#龍鳳呈祥#香港吃貨

co co

香港攻略

尖沙咀

火焰三椰雞鍋🔥！打邊爐嘅季節嚟啦！😋

天氣涼返少少就好想打邊爐，上網搵到呢間嘅火焰三椰雞窩好吸引，就過咗嚟試吓～店內裝修時尚簡潔，座位夠曬闊落，坐得好舒服。 📌火焰三椰雞鍋 $348 全程好似睇表演咁， 店員會逐個步驟去做，先將黃油雞同椰子肉炒香，加埋白酒之後再點火令雞肉充滿咗酒香，炒一炒就冒出火焰🔥來了，視覺效果夠曬震撼！之後會加入成個椰青水、椰皇水同埋新鮮雞湯，煮滾之後再由店員撇走雞油，店員建議先飲碗湯再食雞，之後再打邊爐。湯飲落去真係好香椰子味同好清甜，仲有好多椰肉，雞肉好嫩滑。 📌招牌牛肉拼盤（中）$388 內有本地手切牛、牛心掟、牛柳粒、安格斯牛、牛胸爽同牛舌。 可以一次過試咁多款好吸引～手切牛好香，牛味濃，肉質柔軟。牛胸爽入口即化。牛心掟厚身雪白，口感爽脆，坊間好少見。 📌荔枝豚肉串 $48 荔枝嘅甜味同豚肉嘅鹹香意外地夾，豚肉片燒到好香脆，而入面既荔枝帶出輕微既甜味同清新口感。 佢哋仲有個火焰沙白蟹鍋都好吸引咁….下次帶啲朋友嚟再試多啲嘢先～ 📍云手工火鍋店 加連威老道20號瑞生尖沙咀酒店3樓 #尖沙咀美食 #尖沙咀火鍋店 #香港美食 #云手工 #優質火鍋 #高質火鍋 #椰青雞火鍋 #串燒 #聚會好去處 #甜蜜聖誕滋味