銅鑼灣一向都係美食集中地，係大家Gathering嘅好地方～《社群》早前聯同LUBUDS Group請大家試食銅鑼灣時代廣場五間餐廳，嘆盡中、西、日式料理！ #社群試食情報！即睇《社群》食家滋味推介，約埋朋友今個週末食餐好！
「悅」
位於時代廣場13樓的中菜餐廳，以手工粵菜為根底，為大家帶來別樹一格的粵菜體驗。
「海中龍皇伴金魚餃」賣相非常精緻可愛，蝦肉大隻爽彈；「招牌脆皮蔥油雞」蔥油味非常香，雞肉嫩滑，仲有大家都感到驚喜的「豉油皇香煎日本淮山」，表面金黃，口感爽脆！
＞即睇「白日夢女生」詳細分享＜
地址：銅鑼灣勿地臣街1號時代廣場食通天1301舖
「鮨穴」
日本菜餐廳「鮨穴」的魚鮮食材每日由日本直送到店，由經驗豐富的師傅操刀解魚，為食客炮製出美味刺身及壽司～
必試「特上刺身拼盤」，有厚切口感綿密嘅深海池魚、魚油脂香嘅三文魚、炙燒後魚油超香嘅金目鯛、口感爽彈嘅北海道帶子，肉質扎實味道鮮甜嘅牡丹蝦、肉嫩香甜嘅油甘魚、脂香滿滿嘅拖羅，𩶘魚角切配柚子汁，全部都好出色！
更多推介美食包括豐富「雜錦天扶良」、有齊蟹膏、蟹肉、蟹籽嘅「三蟹卷」、啖啖肉「松葉蟹鉗配海膽天扶良」及清新「帶子紫蘇卷」！
地址：銅鑼灣勿地臣街1號時代廣場12樓1202號舖
「1601」
餐廳結合西餐廳、蠔吧、咖啡廊、酒吧與空中花園元素，氣氛一流，絕對係慶祝或約會嘅必去之選～
「環球生蠔拼盤」齊集16款來自世界各地嘅生蠔，《社群》食家試勻清甜到濃郁口味嘅生蠔！「海膽意粉」每一啖都係鮮甜的海膽味，意粉滑身煙韌；「炭燒穀飼美國頂級牛肉眼」炭燒至表皮香脆，肉質粉嫩軟熟，牛味香濃。
＞即睇更多「Michelle」詳細分享＜
地址：銅鑼灣勿地臣街1號時代廣場食通天11樓1105號舖
「川川」
餐廳為食客呈獻正宗川菜及粵菜，包括自創川辣口味點心，亦有提供粵菜經典菜式。
《社群》食家對「青椒清香桂花魚」讚不絕口～桂花魚湯底風味十足，滲滿鮮味。鮮嫩魚肉配上青椒，輕微嘅爽麻口感，味覺激發到淋漓盡致～
除此之外，去到「川川」記得試埋「麻辣火鍋」，湯底用上來自四川原材料及二十種香料製作而成；有層次咁帶出「香、辣、麻」，令火鍋食材更入味！
＞即睇「msfoodloverr」詳細分享＜
地址：銅鑼灣勿地臣街1號時代廣場11樓1102號舖
「Blooms Coffee」
行街行到攰不如停低飲杯咖啡，仲可以品嚐由咖啡男神陳豪主理嘅咖啡「Cyclops Coffee - Craft by Moses」！呢款咖啡由 Moses 處理一手包辦，由尋找莊園，向農夫直接買豆、測試、烘焙，到出品烘焙。《社群》食家覺得咖啡味道有層次，更會隨時間會產生微細變化，大家千祈唔好錯過啊～
喜歡奶啡嘅更可點返杯招牌飲品—「咖啡棉花糖牛奶咖啡」，棉花糖鋪喺Latte上面，燒成焦糖色，打卡一流～輕輕一攪，棉花糖瞬時融入Latte中，即使加咗棉花糖，一啲都唔漏～
＞即睇「hat.t.y」詳細分享＜
地址：銅鑼灣勿地臣街1號時代廣場食通天11樓Open Area
如果您都想參加免費試食試用及送禮活動，立即加入U Lifestyle App《社群》啦～專區精選多個人氣主題，集合美食及生活達人內容分享，深度關注美食、打卡好去處及寵物資訊等等，為大家提供貼地交流及記錄生活的平台！
圖片來源：《社群》用戶@Bigmouthjai、Michelle、白日夢女生、eatistruelove.hk、Suye Choi、hat.t.y、chinschins、cafefoodsnap、msfoodloverr
LUBUDS Group於銅鑼灣時代廣場有多間餐廳：「1601」、「川川」、「鮨穴」、「悅」及「Blooms Coffee」。
立即加入U Lifestyle App《社群》！專區精選多個人氣主題，集合美食及生活達人內容分享，深度關注美食、打卡好去處及寵物資訊等等，為大家提供貼地交流及記錄生活的平台。
