肥媽 (Maria Cordero 資深藝人、飲食節目主持)：「幫襯咗好多年，一直都保持到水準，用料足，價錢也合理，例如凍蟹，鮮甜夠多汁，炒麵夠鑊氣。」
「做藝人很多時好夜先食飯，在港島區工作，新光是我常常幫襯的宵夜店。」肥媽說。
店子在 80 年代開業，店舖年紀最大的師傅已有 80 多歲，每日仍然繼續帶領師傅團隊做出正宗的潮州菜式。由高檔的魚翅、凍蟹，到家常的香酥芋蓉鴨、豉汁蒸䱽魚、潮州蝦蟹棗等都可以食到。
打冷檔大約有十多款食物，以滷水食物和凍蟹、八爪魚、魚飯等為主。特別推介豉油皇鵝腸，用上頂級汕頭鵝腸，入口帶膏，肥美之餘富滷水香。「我來到必食凍蟹，新光的夠晒大隻，而且真係鮮甜多汁，雖然價錢係貴，但一分錢一分貨。」肥媽表示除了餐牌上的菜式，店子還有好些熟客才懂得點的「秘菜」，如功夫鵝頭、鹹蟹等，宵夜時段正好叫隻凍蟹，炒個麵和兩碟潮式小炒，已經十分豐富。
開業多年，新光是不少明星的鐵竇，黃秋生、曾志偉、拉姑等都是常客，會展首映完結後總有名人光顧，下次來吃宵夜，可順便追星！
新光潮州菜館
地址：灣仔駱克道 405-419 號地下
電話：2572 0830
(原文摘自《U Magazine》)
