邊間連鎖餅店咁勁？就係聖安娜餅屋！餅店最近推出一系列抹茶蛋糕，標榜採用京都宇治和束町的著名茶農品牌——東茶園自家生產的茶道級抹茶炮製，抹茶粉更以初春第一造採摘的綠茶葉研磨而成，質量是原料類抹茶中最高級，都算揼本！
甜點有 5 款，口感味道款式都好多元化，有忌廉蛋糕有卷蛋有杯裝寒天有慕絲蛋糕，款款配搭都唔同。
【相關連結】 連鎖餅店新品 似「土星」抹茶甜品
抹茶巨蛋 $208/ 個
真係巨型！送畀抹茶粉絲最啱！外層是抹茶朱古力脆皮，仲有粒粒杏仁碎；夾心由抹茶幕絲、抹茶寒天、蜜糖忌廉、抹茶忌廉、黑糖啫喱和抹茶蛋糕 6 層配料組合成，口感味道好豐富。
抹茶旋風 $188/ 個
其實是抹茶忌廉蛋糕，外層忌廉充滿抹茶幽香；夾心更有抹茶戚風蛋糕、黑糖啫喱和紅豆餡等，呢個組合無得輸。
抹茶紫薯卷 $78/ 條
外層戚風蛋糕軟綿綿、輕飄飄，內裏除咗抹茶慕絲，仲有奶凍同大家最 like 嘅紫薯慕絲，入口軟、滑、綿，紫薯抹茶雙夾擊，無敵！
抹茶寒天凍 $20/ 杯
透明杯可睇到 5 種餡料層次分明包括抹茶寒天、抹茶慕絲、紅豆忌廉、原味奶凍，比芭菲仲精采。
聖安娜餅屋
電話：2991 6677
文：yo 攝：Louise、有關機構
【抹茶狂熱】 韓粉注意！O'SULLOC 出抹茶朱古力
【零食放送】 變咗心！青 BB 薄荷味麥提莎
【瘋狂紫薯】 親試！ 聖安娜好賣紫薯撻
歡迎你 like 我哋 U Food Facebook Page / U Food Instagram ，取得我哋更新更快嘅資訊！
