翡翠拉麵小籠包旺角瓊華分店日前推出午市任點任食，好多人都大感興趣！不過翌日即見大批網民鬧爆，有人講上菜時間勁耐，有人話分量少。記者即刻訂位，店員話翌日已爆滿，記者於是嘗試 walk in 入，有位喎！不過雖然負評如潮，今日所以，入座率都有 8 成滿。
雖然電話預約講 full booking，現場所見，門口大部分的 walk in 客人仍然有位。
雖然未至於爆滿，但入座率都有 8 成。
菜式有大約 40 多款選擇。
任點任食以以剔紙仔形式點菜；點餐後，侍應隨即送上一盅原價 $98 的清燉鮑魚燉雞湯，內有一隻小鮑魚和幾件雞，與宣傳圖都算相符。湯色清澈，湯頭好甜，唔似味精例湯。至於上菜時間，由落單起計，大概 11 分鐘就有得食，以放題嚟講，時間都算合理。食物分量方面，點了之前遭網民勁鬧、一碟只有兩條的芥蘭，雖然只係一人分量，但唔止兩條，都幾多。
清燉鮑魚燉雞湯，真係有鮑魚，味道清鮮。
由點餐到上菜，只需要 11 分鐘，合格。
柯打多款食物，漏單情況不算嚴重。
整體來說，食物質素不過不失，好似雞絲粉皮，食落偏乾，唔夠爽滑，脆皮春卷餡料太少。幸好招牌小籠包 keep 到一貫水準，熱辣辣兼多汁；醒胃前菜如麻辣土豆絲，看似無味，食落有麻辣香。整體服務質素亦改善，侍應雖然匆忙，但招呼尚算周到，漏單情況係有，但不嚴重。負評一日後質素見有改善，舖頭應變都算快了。
一人分量芥蘭都幾大碟，與平常餐廳食碟油菜差不多。
小籠包保持到一貫水準，皮薄夠熱兼多汁，要一直追加。
鮮肉鍋貼，做到皮脆有肉汁。
回鍋肉配薄餅，夠足料，肉質幾嫩不太鹹，與薄餅一齊食更滋味。
瓊華店午市任點任食
供應日期：即日至 11 月尾或 12 月中（待定）
任食時段：星期一至日及公眾假期 12nn-2pm
收費：星期一至五成人 $138（兩位起計），包「清燉鮑魚燉雞湯」一客；小童 $68（3-11 歲），不包雞湯。星期六、日及公眾假期成人 $148（兩位起計），包「清燉鮑魚燉雞湯」一客、小童 $88（3-11 歲），不包雞湯。設加一。
翡翠拉麵小籠包
地址：旺角彌敦道 628 號瓊華中心 8 樓
電話：2673 3839
營業時間：11:30am - 11:30pm
文：Theo、攝：Paul
歡迎你 like 我哋 U Food Facebook Page / U Food Instagram ，取得我哋更新更快嘅資訊！
相關食肆：
