唐順興沙薑雞 $36
呢隻沙薑雞雖然係有多間燒味店的唐順興出品，但我喺「佳寶食品超級市場」的冷凍櫃內搵到佢！每包有一隻雞，包裝更標明係鮮宰鮮製。打開包裝袋，就發現裏面還有一個透明袋裝住隻雞及汁，雞的 size 唔算太大，但睇落足夠兩三人食，食用前要翻熱，可連透明袋放入微波爐叮熱，或整袋放落滾水浸熱，都算方便。
整熱完折袋，堅香！無呃你，香味同去燒味檔聞到的一樣，雞的表面顏色似豉油雞，淺啡色；雞頸雞腳仲喺度，貨真價實成隻畀晒你。
雖然係沙薑雞，但味道偏鹹，我覺得味道似鹽焗雞多啲！雞肉醃得好入味，見係雪藏雞，我以為會好嚡，卻比想像中嫩，用嚟做晚餐加碟菜配白飯一流。囂張啲嘅可以當宵夜配啤酒！唯一要注意的是，最好確定整隻雞是內、外全熱才打開透明袋，因若切開後才發現內裏唔熱再翻蒸就會好乾嚡。
售賣點：
佳寶食品超級市場
地址：屯門良德街 12 號海麗花園地下 18 號舖
電話：2322 0196
營業時間：7am-8:30pm
文：Froggie、攝：Nova
歡迎你 like 我哋 U Food Facebook Page / U Food Instagram ，取得我哋更新更快嘅資訊！
